السلام عليكم و رحمة الله و بركاته
أنا عندى روتر TP Link و الروتر ده بكل بساطة فيه 8لمبات , 4 بتوع ال 4 بورتات و لمبه حمرا بتاع الباور و لمبه خضرا بتاع ال ADSL و لمبة خضرا مكتوب عليها ACT و لمبة مكتوب عليها ALARM أنا مش عارف لونها ايه لأنها مانورتش قبل كده .
أنا لما بيكون النت شغال عندى بلاقى اللمبة بتاع ال ADSL و اللمبة بتاع ال ACT منورين, لما بيكون النت قاطع, بيكون اللمبة بتاع ال ADSL منورة , و بتاع ال ACT مطفية .
اللى بيخلينى أقترح أن العيب هو ضعف الكهربا ايييييييييييييييييييه؟؟؟
أن لما بتكون النت قاطعة بلاقى اللمبة بتاع الباور الحمرا , عمالة تنور و تطفى و الراوتر زى مايكون بيعمل restart كل شويه و على طول و باستمرار و طبعا النت بتبقى مش موجودة , اللى أنا أعرفه أن الراوتر ده بالداااااااااااااااات , لما الكهربا تبقى ضعيفة أو مش مستقرة , خدمة النت بتفصل .
أنا عن نفسى بفكر أخد الراوتر و أروح لأى واحد بتاع أدوات كهربية و أحطه عنده فى الفيشة و أكيد هلاقيه بيعمل نفس الموضوع , و بعد كده هقوله , هات مثبت تيار و أركبه عليه , لو لقيت لمبة الباور الحمرا نورت و ثبتت , هشترى المثبت بتاع التيار , لو المشكلة ماتحلتش , هجيب راوتر جديد ماركة تانية و خلاص .
بس أنا لاحظت حاجة , أن الموضوع ده لما حصل و أنا كنت حاطط الراوتر فى أوضه من أوض النوم جمب أحد الكومبيوترات , قمت أخدت الراوتر و حطيته فى فيشة فى مكان تاااااااااااااااااااااااا ااااانى خالص فى الشقة , قامت لمبة الباور ثبتت.
أهو الواحد بيجرب لحد مالاقى العيب بالظبط , بس بالنسبة للشركة , أنا فضلت وراهم لحد ماعملولى شكوى و ادونى رقمها و من ساعتها و الحمد لله , النت بقى أحسن بكتيييييييييييييييييييير .
مازيراتى كواتروبورتيه
المفضلات