انا محتار بين تويوتا كورولا عيون 99 و كليو 2008 ال 1400 سي سي

**ahmed_wagdy87** · 19-08-2010 04:08 PM

يا جماعة انا فعلا محتار بين تويوتا عيون 1999 حالة ممتازة و بين رينو كليو 2008 ال 1400 سي سي 8 صمامات 75 حصان و برضه حاله ممتازة

تقريبا القدره واحده بس التويوتا كاربرتير و الرينو انجكشن والأتنين مفهمش ABS

الحيره هنا اركب عربيه موديل 2008 ولا التويوتا 99 احسن من الكليو 2008

اما بالنسبة قطع الغيار فيه طبعا ناس حتقولي قطع غيار الرينو مولع و حقوله برضه قطع غيار الكورولا الأصلي غالي والأتنين معمرين برضه

مين احسن في الراحة و التكييف و النعومه و الثبات

ترشحولي مين ؟

**amrseba** · 19-08-2010 04:12 PM

باشا واسف للملاك الرينو و المركه ديه بحبها بس الكليو ديه عربيه متتقرنش بس التيوتا كورولا يا باشا لو موديل 93 احسن منها عربيه مفهاش ثبات و لا شكل حلو ولا انتشار و لا قطع غيار معقول ولاخامات و بعض الاحيان بحس ان الصاج ورق ورق مش ضعيف لا ورق وشوف عربيه الصاج مخروم لا يا باشا الكورولا افضل

**د.محمود صلاح** · 19-08-2010 07:20 PM

أفضل لك الكرولا بالطبع من واقع تجربتي معها فقط ليس إلا .

**XXXMEMOXXX** · 20-08-2010 04:26 PM

مش هفيدك كتير في المقارنه لاني مجرببتش الكليو ,, بس من واقع تجربتي بالكورلا العيون ,,, كان ادائها غير مرضي بالمره ,, واعتقد انها اسوء موديل نزل للكورلا ,, بسمع ان موديلات الكرولا اللي قبل العيون افضل منها

**amrseba** · 20-08-2010 06:04 PM

فعلا يا باشا الموديل السابق الى معايا افضل من العيون لكن كشكل لكن فى الاداء واحد و اداء عربيتى و سحبها كويس جدا و ثبات الملكه اكتر من العيون الملكه عشان قريبه من الارض ثباتها عالى غير العيون و كمان سعر اعاده البيع و سعر السوق بتاع الملكه اعلى من العيون

**ahmed_wagdy87** · 20-08-2010 06:35 PM

المشاركة الأصلية كتبت بواسطة xxxmemoxxx

مش هفيدك كتير في المقارنه لاني مجرببتش الكليو ,, بس من واقع تجربتي بالكورلا العيون ,,, كان ادائها غير مرضي بالمره ,, واعتقد انها اسوء موديل نزل للكورلا ,, بسمع ان موديلات الكرولا اللي قبل العيون افضل منها

احب قولك فيه نوعين من تويوتا عيون فيه تويوتا عيون 4 غيار +مارشدير والنوع ده اندونيسي من ياباني وحتي عجله صغير وفيه تويوتا عيون 5 غيار + مارشدير او الأوتوماتيك النوع ده ياباني فممكن تكون عربيتك من النوع الأندونيسي عشان كده انت مش راضي عنها

**ahmed_wagdy87** · 20-08-2010 06:40 PM

المشاركة الأصلية كتبت بواسطة amrseba

فعلا يا باشا الموديل السابق الى معايا افضل من العيون لكن كشكل لكن فى الاداء واحد و اداء عربيتى و سحبها كويس جدا و ثبات الملكه اكتر من العيون الملكه عشان قريبه من الارض ثباتها عالى غير العيون و كمان سعر اعاده البيع و سعر السوق بتاع الملكه اعلى من العيون

شكرا لرد حضرتك بس التويوتا عموما مسكه سعرها بس مع احترامي لتويوتا الملكه انا الي يخليني اشتري عربيه انا مش حاببها من جوه زي الملكه و موديل 94 ولا 96 اخليني في الكليو 2008 يعني بقلها سنتين بس وطبعا عدد كليوات اقل بكتير و سعرها اقل من الملكه ب 52 - 55 الف جنيه ولا ايه رأي حضرك

**amrseba** · 21-08-2010 04:55 AM

المشاركة الأصلية كتبت بواسطة ahmed_wagdy87

شكرا لرد حضرتك بس التويوتا عموما مسكه سعرها بس مع احترامي لتويوتا الملكه انا الي يخليني اشتري عربيه انا مش حاببها من جوه زي الملكه و موديل 94 ولا 96 اخليني في الكليو 2008 يعني بقلها سنتين بس وطبعا عدد كليوات اقل بكتير و سعرها اقل من الملكه ب 52 - 55 الف جنيه ولا ايه رأي حضرك

عارف حضرتك زى انت ممكن تشترى لانوس مستعمل موديل 99 ولا حاجه و لاتجيب ماروتى نظريه الاحدث افضل مش فى كل الاوقات معلش الملكه لاتقارن بالكليو حتى لو كانت زيرو ياعنى كليو زيرو 2008 و قدامها ملكه ... الملكه هتكسب صدقنى و انا كنت زيك كده بس الحمد لله ربنا رزقنى بعربيه ممتازه و مندمتش ابدا و كان فى الامكان انى اجيب عربيه زيرو كمان بس العربيه كانت فعلا تستاهل التضحيه و عربيتى ماتورها مش 1300 بتاعتى 1500 انجكشن فول اوبشن مريات كهربا و abs و airbag و كاسيت سى دى و شرايط اصلى بتاع العربيه ولو جبت الملكه حاله كويسه و ممتازه فعلا العربيه احسن من 100 عربيه زيرو و احسن من ال 2002 الى هيا الدبه و الصنايعيه و التوكيل نفسه و مهندس جوه معرفه لولدى قاله ان الكورولا 93- 97 احسن من كورولا 2010 و بيقولو الموديل ده غلطه من تيوتا