ناااااااااااااااااااااااا ااااااااار التوكيل نااااااااااااااااااار

**joso** · 21-08-2010 06:52 PM

المشاركة الأصلية كتبت بواسطة amrdiab

اعتقد ان احنا نقرا الفاتحه علي روح خبير التامين .. لا نه هيطب ساكت

لكن تعالي نحل فزوره النوره كمانورا

افرض مثلا مثلا يعني ان التوكيل مظلوم .. ده مثلا يعني
والمقايسه اللي حطاطها 100 فل و14
وان الاجزاء اللي في المقايسه مطلوبه بصفه ملحه مش مالحه لا مولحه.
وجه الاخ الخبير بعد ما فاق من الغيبوبه والصدمه العصبيه وعلاج 6 شهور علي نفقه الدوله ....
زعق زي الغول وراح يجعر ويقول ... لا مش تعاليلي يا بطه ... قال

المقايسه دي غلط
المفروض تبقي كذا وكذا ونشيل كذا تم كذا ...

وعمنا الخبير عشان خبير نقي ارخص الحاجات وقال ...

1- ليه بربريز امامي وجوان وسيليكون ....دي الناس بتدفع الافات عشان فتحه سقف ... خليهاله مفتوحه واهو الدنيا حر محتاج ليه البربريز.... مش بقول لكم خبير!!!!!

2-ليه الكشاف الامامي الاستاذ عماد ياخد حد من قرايبه معاه علي طول ويقعده جمبه ويمسكه كشاف واول ما الاستاذ عماد يحب ينور يقوله نور فينور ... والحل ده قليل التكلفه ويوطد اواصر صله الرحم ويا حبذا لو غير كل يوم قريب شكل مره ابن عمه مره ابن خاله ومننساش الجيران عشان النبي وصي علي سابع جار... خبير والله خبير

3- ليه سربنتينه تكييف ب 1750 جنيه ماحنا سبنا البربريز وبكده الهوا هيدخل مش هنلاحق عليه ...عجب والله عجب

4- نيجي للسمكره والدهان طبعا الست عبله كامل قالت في فيلمها الشهير " الليمبي" يا ساتر استر من دخول الحاره دي حاره وحشه والنسوان قراره.. طبعا الكلام ده صح 100% ... عشان كده ننصحك انك تسيب العربيه بحالتها كده توافقا مع مبدا "" سيبها تاخد العين""" ....

5- الحاجات دي طبعا شيل مصنعيتها والضرايب والحبشتكانات ...

بعد السرد ده كله يبقي الكوره فين قصدي الغلط علي مين

1- التوكيل اللي عنده زمه وجه الخبير بتاع الغيبوبه واقنعه بان مقايسته غلط:pointiy2[2]:

2-التوكيل غلطان من البدايه انه يقول الحقيقه لازم كان يقول مقايسه قليله عشان يكسب تعاطف الناس:f_eyeb1[1]:

3-التوكيل عارف ان التامين هيساوم فعمل كده عشان لما التامين يساوم يبقي في المان

4- التوكيل عامل كده مخصوص عشان يظهر مدي الود اللي بينه وبين التامين لما ينزله من الاسعار وعشان خاطر شركتكم انتواا بس هنصلحها ب 18000 بس مش 22000

5- استاذ عماد اللي فكر من الاساس يبقي زي الناس ويركب عربيه اساسا اعمالا لمبدا "" عيشوا عيشه اهاليكم""

اذا عرفت الحل اتصل علي اي رقم يبدا ب 22 الف وانت طالع
جايزه صابونه لاول 100 متصل احذرو التقليد
وخلي بالك من السلمه المكسوره ......دششسطخطخدششش

ايوه اللي وقعت فيها دي

باشا كل سنه وانتا طيب انتا ليه مش عايز ترد عليا في الخاص حتى بجد انا عايز اعرف انتا ليه بعت اللوجان ياريت تطمني وتفهمني لو سمحت

**joso** · 21-08-2010 08:41 PM

محل محمد عاصم 56ش دمشق قطع غيار اللوجان ت 24541177

0101446300

**Ahmed Selim** · 21-08-2010 08:55 PM

طبيعى أنك لو مأمن هيبقى الناس بتوع التوكيل أيديهم فرطة بزيادة سواء فى التغيير أو فى المصنعيات.

ليه ؟؟؟؟
1- لأن مش أنت اللى بتدفع
2- لأن أى مندوب تأمين بيجى عندهم بيفاصل و بيفاصل كتير.

عادةً اللى هيحصل أن المندوب هيروح و هيشوف المقايسة و يعاين العربية و يقول كذا و كذا مش محتاجين تغيير....و هينزله 2000 أو 3000 جنيه.....و بعد كده هيبدأ يفاصل فى المبلغ المتبقى سواء فى أسعار قطع الغيار أو المصنعيات.

و هتلاقى المقايسة واصلة فى حدود 17 ألف مثلاً بعد الفصال.

بس من المقايسة واضح أن الخبطة مكنتش بسيطة زى ما حضرتك توقعت.

**Ahmed Selim** · 21-08-2010 09:00 PM

المشاركة الأصلية كتبت بواسطة amrdiab

انا شايف من ساعه الاستاذ/ raedegypt ماعمل مشاركته واحنا نازلين في الراجل حتتك بتتك
قبل منخلص ع الراجل نتفق علي بعض النقاط وهي كتاتي
1- الامر مفهوش تالت لو كلام الاستاذ صاحب المشكله صحيح وده نص كلامه

يا عم عمرو مبروك الأول على الأوبل يا معلم

العضو ده الردود عليه ناشفة مش علشان الموضوع ده بس.....لأ ده الهجوم على كل أنواع العربيات تقريباً بدون مبالغة.......و لو أى مقارنة فيها أسم هيونداى هتلاقيه يقولك هيونداى و فكك من الباقى....حتى لو بتقارن هيونداى بمرسيدس...........تقدر تفسرلى ده بأيه ؟؟

و بعدين يا معلم أنت لو روحت توكيل أوبل سألت على نفس القطع دى بكام فى أرخص موديل من موديلات أوبل المقايسة هتتطلع قريبة إن مكانتش أكتر يا نجم.....ده أنا أوبلاوى قديم برضه ( كان معايا فيكترا 97 أوتو )

**hugan** · 22-08-2010 04:15 AM

المفروض ان اللوجان فعلا عربيه اقتصاديه ومتوسطه المستوي
وكان تفكير رينو تصنيع عربيه متوسطه لدول العالم الثالث
بكده الوكيل بيقضي علي العربيه
ولا هي اسعار قطع غيارها بيستوردوها رخيصه
والوكيل سايق الهبل وبيساويها بالميجان والفلوانس
اظن ان اسعار قطع الغيار لالالالالالالالالالالالال الازم تبقي ارخص من كده بكتييييييييييير
بجد ناس ما عندهاش رحمه
لازم المكسب يقي 500 المايه

**joso** · 22-08-2010 06:06 AM

المشاركة الأصلية كتبت بواسطة amrdiab

والله انا اسف جدا جدا بجد مش تجاهل قد ماكنت بدور علي رساله كنت بعتها لاستاذ هشام كان طلب مني نفس الطلب وراسلته وذكرت فيها الاسباب كلها

لكن طالما انا مش لاقيها عندي هكتب واحده خاصه لحضرتك
بس استحمل اسلوبي الركيك في الكتابه
ارجوا من حضرتك تقبل اعتذاري

بكره باذن الله توصلك الرساله ع الخاص

انا اولا سعيد جدا بردك
ثانيا ياباشا لا تعتذر لاخيك ابدا فنحن اخوة والنبي صلى الله عليه وسلم لاينطق عن الهوى ولما قال التمس لاخيك 70 عذرا فأن لم تجد له عذرا فأعذره صدق النبي الاعظم

شوف حضرتك انا اتبعت كلامه وشوف ازاي حافظت على اخوتنا ومحبتنا واحترامنا لبعض تخيل لو كنت كلمت حضرتك بعصبية وكبرت في دماغي انك متجاهلني ومش معبرني وشوية سخونية كان الموقف ازاي

الحمد لله على نعمة الاسلام

وانا مش قابل انك تعتذر لانك لم تخطيء ولو اخطأت فانت اخ كريم كما كل الاخوة الكرام هنا

بارك الله فيك

ورمضان كريم:b4_007:

**Adham** · 22-08-2010 11:17 AM

ياباشا محدش اعترض على معظم اسعار قطع الغيار

و لا قارنناها بجي ام و اوبل

الفكرة انهم طالبين تغيير حاجات كتير قوي مع ان العضو صاحب الموضوع قال ان الخبطة بسيطه و مأثرة في كذا و كذا

اللي معظمنا شايفينة انهم طالبين تغيير حاجات كتير قوي وموسعينها و مبهوقة منهم عالاخر

و الإعتراض على 200 ج سيليكون و 250 ج مصنعيه تركيب برابريز زجاج طبعا كتير

و زرجينة و تغيير صدر و رداتير و سربنتينة تكييف و الخبطة على كلام العضو في رفرف و عفشة وان العربية مشيت 350 كيلو بعدها يعني الردياتير سليم

ماعتقدش ان منصور اوبل ممكن يعمل مقايسة لحادثة بالكم دة من المبالغه لدرجة انها تتعدى ثلث ثمن سيارة و الحادث بالبساطة دي و ليست في سيارة مقلوبة

بالمنظر دة ممكن بتاع التأمين يقولهم توتال لوس و نغير العربية للعميل افضل ههههههههه

و اخيرا للعضو العزيز صاحب الموضوع اصبر لما تشوف التأمين حايعمل اية معاهم و تذكر ان قضاء اخف من قضاء وقول اللهم اجرني في مصيبتي و عوضني خيراً منها

-

-

الموضوع: ناااااااااااااااااااااااا ااااااااار التوكيل نااااااااااااااااااار

LinkBack

أدوات الموضوع

عرض

-

-

-

المواضيع المتشابهه

اسعار قطع غيار Elantra من 2007 الى 2011 داخل التوكيل وخارج التوكيل

مشكلتى مع التوكيل غبور و مهازل التوكيل و التحضير لشكوه اليابان الثانيه

ينفع اغير علبة الشكمان الوسطى بره التوكيل..سعررها فى التوكيل نارر

الى عايز يعمل صيانة لعربيته بره التوكيل وبكفاءة التوكيل وأحسن

موديلات رينو - التوكيل - مراكز الخدمة - إختبارات الامان - تقييم التوكيل

الكلمات الدلالية لهذا الموضوع

المفضلات

المفضلات

ضوابط المشاركة