الموضوع: ناااااااااااااااااااااااا ااااااااار التوكيل نااااااااااااااااااار

المشاركة الأصلية كتبت بواسطة emadelspagh

دي المقايسه

برابيز أمامي : 1150
جوان : 90
سيلكون زجاج 2*100 = 200
كبون : 1000
عدد 2 مفصله كبوت ( ليه مش عرف ؟؟؟؟؟؟؟؟؟؟؟؟؟؟)
اكصدام أمامي : 600
نيكل شبكه أماميه :585
شبكه أماميه :295
علامه رينو أمامي: 90
شبكه سفليه : 160
دعامه اكصدام : 585
صدر أمامي : 1450
كشاف أمامي يمين : 400 ( ايه ده انا مش عرفه )
فبره أسفل الرفرف اليمين : 190
مساعد أمامي يمين : 350
شمعدان أمامي يمين : 630
رومان بلي عجل أمامي يمين : 495
سربنتينه تكييف : 1750
ريداتير : 1250
قميص مروحه : 550
جالون مياه : 51 ( مش عارف ده ليه ؟؟؟؟؟؟؟ )
فانوس أمامي يمين : 400
فانوس شابوره يمين : 390
مقاومه مروحه : 300

اجمالي قطع الغيار : 13660

نيجي بقي للمصنعيه :

رسم استخدام زرجينه : 500
أعمال السمكره : 1650
أعمال الدهان : 2800
أعمال الكهرباء: 450
أعمال ميكانيكا: 300
عفشه : 500
لزق زجاج : 250
ضبط زوايا : 150

اجمالي المصنعيات : 6600

ضيف علي دول 10 % ضريبه مبيعات

والله المستعااااااااااااااااااا ااااان

مفروض ان خبير التأمين هيروح بكره التوكيل ويناقش المقايسه وربنا يسهل

اعتقد ان احنا نقرا الفاتحه علي روح خبير التامين .. لا نه هيطب ساكت

لكن تعالي نحل فزوره النوره كمانورا

افرض مثلا مثلا يعني ان التوكيل مظلوم .. ده مثلا يعني
والمقايسه اللي حطاطها 100 فل و14
وان الاجزاء اللي في المقايسه مطلوبه بصفه ملحه مش مالحه لا مولحه.
وجه الاخ الخبير بعد ما فاق من الغيبوبه والصدمه العصبيه وعلاج 6 شهور علي نفقه الدوله ....
زعق زي الغول وراح يجعر ويقول ... لا مش تعاليلي يا بطه ... قال

المقايسه دي غلط
المفروض تبقي كذا وكذا ونشيل كذا تم كذا ...

وعمنا الخبير عشان خبير نقي ارخص الحاجات وقال ...

1- ليه بربريز امامي وجوان وسيليكون ....دي الناس بتدفع الافات عشان فتحه سقف ... خليهاله مفتوحه واهو الدنيا حر محتاج ليه البربريز.... مش بقول لكم خبير!!!!!


2-ليه الكشاف الامامي الاستاذ عماد ياخد حد من قرايبه معاه علي طول ويقعده جمبه ويمسكه كشاف واول ما الاستاذ عماد يحب ينور يقوله نور فينور ... والحل ده قليل التكلفه ويوطد اواصر صله الرحم ويا حبذا لو غير كل يوم قريب شكل مره ابن عمه مره ابن خاله ومننساش الجيران عشان النبي وصي علي سابع جار... خبير والله خبير


3- ليه سربنتينه تكييف ب 1750 جنيه ماحنا سبنا البربريز وبكده الهوا هيدخل مش هنلاحق عليه ...عجب والله عجب


4- نيجي للسمكره والدهان طبعا الست عبله كامل قالت في فيلمها الشهير " الليمبي" يا ساتر استر من دخول الحاره دي حاره وحشه والنسوان قراره.. طبعا الكلام ده صح 100% ... عشان كده ننصحك انك تسيب العربيه بحالتها كده توافقا مع مبدا "" سيبها تاخد العين""" ....


5- الحاجات دي طبعا شيل مصنعيتها والضرايب والحبشتكانات ...


بعد السرد ده كله يبقي الكوره فين قصدي الغلط علي مين

1- التوكيل اللي عنده زمه وجه الخبير بتاع الغيبوبه واقنعه بان مقايسته غلط

2-التوكيل غلطان من البدايه انه يقول الحقيقه لازم كان يقول مقايسه قليله عشان يكسب تعاطف الناس

3-التوكيل عارف ان التامين هيساوم فعمل كده عشان لما التامين يساوم يبقي في المان

4- التوكيل عامل كده مخصوص عشان يظهر مدي الود اللي بينه وبين التامين لما ينزله من الاسعار وعشان خاطر شركتكم انتواا بس هنصلحها ب 18000 بس مش 22000

5- استاذ عماد اللي فكر من الاساس يبقي زي الناس ويركب عربيه اساسا اعمالا لمبدا "" عيشوا عيشه اهاليكم""

اذا عرفت الحل اتصل علي اي رقم يبدا ب 22 الف وانت طالع
جايزه صابونه لاول 100 متصل احذرو التقليد
وخلي بالك من السلمه المكسوره ......دششسطخطخدششش
ايوه اللي وقعت فيها دي

المشاركة الأصلية كتبت بواسطة Ahmed A.Maksoud

يا عم عمرو مبروك الأول على الأوبل يا معلم

المشاركة الأصلية كتبت بواسطة Ahmed A.Maksoud

العضو ده الردود عليه ناشفة مش علشان الموضوع ده بس.....لأ ده الهجوم على كل أنواع العربيات تقريباً بدون مبالغة.......و لو أى مقارنة فيها أسم هيونداى هتلاقيه يقولك هيونداى و فكك من الباقى....حتى لو بتقارن هيونداى بمرسيدس...........تقدر تفسرلى ده بأيه ؟؟

و بعدين يا معلم أنت لو روحت توكيل أوبل سألت على نفس القطع دى بكام فى أرخص موديل من موديلات أوبل المقايسة هتتطلع قريبة إن مكانتش أكتر يا نجم.....ده أنا أوبلاوى قديم برضه ( كان معايا فيكترا 97 أوتو )

احمد باشا عبد المقصود سوبر استار الرينو وكل الموديلات لو طفل بيحبي هيقول ويقول علي موضوعاته القيمه
احمد باشا انت قيمه كبيره عندنا
ثانيا : الله يبارك في حضرتك وكل سنه وانت طيب

ثالثا : بالنسبه للعضو المذكور والله

لو كلام حضرتك صحيح فدا يبقي تضليل واحنا مش مع النوع ده من المشاركات .... لكن انا عندي مبدا ان الكل له حريه المشاركه بدون التجاوز والتضليل .. وبدورنا يجب ان لا نهاجم او ندافع عمال علي بطال ...فالتوكيل بشر من يديروه تتحكم فيهم الاهواء والمصلحه وحب الربح وكل ذلك مقبول ولكن ان يكون بالشكل المقنن والمعقول ... وان كنا بنقول راينا في التوكيل فذلك للصالح العام كي يفطن ان ببعض الممارسات قد يخسر عميل مستقبلي .. واذا كنا قد درسنا مادتي الاداره والتسويق وعرفنا ان الشركات الكبيره جميعها تعمل علي المستهلك المحتمل بكل الاشكال لجذبه فوجد ان اعظم الطرق واقواها هي ارضاء العميل الحالي ... اذا كان الافراد محدودي المعرفه مثلنا لديهم الدرايه بهذه المعلومه فبالله عليك كيف لوكيل يتعامل في المليارات تغيب عنه هذه المعلومه .... ذلك يعتبر قصور ... اما اذا علم بذلك ولم يعمل به فتلك الطامه الكبري.. ذلك لا يعتبر قصور ولكن يعتبر اهمال جسيم ....

اما الاوبل فلي الشرف ان اسير علي خطي استاذي احمد باشا عبد المقصود ونكون اوبلاويه زي بعض لكن يا باشا الاوبل منتشر بشكل رهيب صحيح مش الكل يفهم في تصليحه لكن موجودين علي الاقل في كل محافظه " باستثناء القاهره طبعا" يوجد ما بين 4 او 5 ورش محترمه تتعامل فيه بشكل ماهر ...لكن اللوجان حديث وده مش عيب ان الورش تاخد فتره في فهمه لكن العيب ان استغل ذلك لكي اتربح منه ... ويا باشا ارخص نوع اوبل ب 110 الف وهي كورسا 2010 ..
ContactCars | السيارات الجديدة بمصر

فلو اسعار قطع غيارها زي اللوجان يبقي رخيصه يا كورسا وظالمينك يا اوبل .....

اما لو حضرتك قصدك ع المستعمل ... انا نفسي مكنتش مصدق الاسعار اللي اتقالت لي وهقولك واحكم

جوز مرايه عاديه ب 290 جنيه

جوز مرايه كهربا ب 445 جنيه
طقم فلاتر جي ام اصلي 85 جنيه "هوا بنزين زيت"
بليه شداد مايلي الماني 205 جنيه
سير كاتينه "جيتز gates انجليزي ب 60 جنيه
ويقولك الاوبل وحش ... لا فل الفل كمان
جركن زيت شل هيلكس 10000 كم 235 جنيه والواد اللي حطهم في الموتو جدعت عليه بجوز جنهات

وربنا يبعدنا عن التوكبلات

ايه يا جماعه محدش حل الفزوره ولا ايه
محدش عايز ياخد صابونه

المشاركة الأصلية كتبت بواسطة raedegypt

ياحبيبى يالوجان فى الرينو ياما ها تشوف ومش تعملها تانى . صلح اى حاجه وبيعها واخلص الخسارة القريبه ولا مكسب بعيد . الرينو مش ناجح فى اى حته فى العالم بسبب مشاكله

مش عارف اقولك ايه الصراحة

المشاركة الأصلية كتبت بواسطة raedegypt

ياحبيبى يالوجان فى الرينو ياما ها تشوف ومش تعملها تانى . صلح اى حاجه وبيعها واخلص الخسارة القريبه ولا مكسب بعيد . الرينو مش ناجح فى اى حته فى العالم بسبب مشاكله

ههههههههههههههههههههههههه ه
أكيد فيه حد دعى عليك
أنته جيت فى المكان الغلط وفى الوقت الغلط
على رأى المثل الفتاين بيشجعوا واحنا مش معاهم