بعد كل ماحدث هل تلتزم بمقاطعة المنتجات الدنماركية
عرض للطباعة
بعد كل ماحدث هل تلتزم بمقاطعة المنتجات الدنماركية
انا باحاول اقاطع قدر المستطاع
لكن انا لي رأي في كيفية نصرة الرسول الكريم عليه الصلاة والسلام وهو اني اقتدي به واتبع سنته واطيع اوامره وانتهي عما نهي عنه واحاول اكون قدوة لغيري
وموضوع السب والاساءة ده مش جديد دة عمره اكتر من 1400 سنه
" وقالوا يا أيها الذي نزل عليه الذكر انك لمجنون " الآية 6 سورة الحجر
وسبحان الله هذا الأمر يزيد الدين قوة ولو كره الكافرون
انا مقاطع طبعا حتي لو مافيش غيري المهم اني ما افيدهمش و لو بجنيه
اعتقد ان ده واجب ديني
محمد فهمي
لا,لم و لن اقاطع المنتجات الدانيماركية
دنماركي
امريكي
بريطاني..
كده او كدة انا مش بشترى منتجات دنمركية ومن زمان ... لان كل منتج دنمركى بيبقى لية بديل ... ( بدل بوك فى بريزيدن ) .
بس انا سمعت ان فى انواع انسولين دنمركى ؟؟ ياترى الكلام دة صح ولا غلط ... ياريت احد اطباء المنتدى يأكدلنا الموضوع دة .... الانسولين لو دنمركى .... ماينفعش ان مريض السكر يقاطعة او مايجبوش ... ( مريض سكر من غير جرعات انسولين .. = خطر حقيقى على حياتة ).
فى حاجة كنت شفتها فى التلفزيون ... فى ناس دنمركين عملو مظاهرات ضد هذة الاسائات .. ودة وان دل فيدل على ان معظم الدنمركين حابين يعيشو فى سلام ( ومش عاوزين وجع دماغ و صراعات دينية ) فى بلدهم ... بس السؤال ؟ لية الحكومه الدنمركية .. سامحا للصحف انها تنشر المهازل دية ... وفى المقابل منعا نشر اى موضوع ينفى محرقه اليهود ( المشكوك فى امرها فعلا وكتير قالو انها من نسج خيال اليهود ) ؟
فى علامات استفهام كتير فى الموضوع دة ...
أنا أقاطع تقريبا كل المستورد و خصوصا الغير مصري أو عربي
يعني مقاطعة الدنمارك دي مش جديدة
بس طبعا أنا دلوقتي أدقق أكثر في علامات المنتجات و أشتري المصري او العربي الصناعة
أنا لي سؤال
نحن كمواطنين ..... لماذا ندفع أموالنا لهم في شراء منتجاتهم ؟؟؟ و هم في الجهة المقابلة يشترون بضائع الكيان السرطاني الصهيوني الإرهابي و لا يشترون منتجاتنا ؟؟؟؟؟؟؟؟؟؟؟؟؟
و يدعمون هذا الكيان بكل ما أوتوا من قوة ......... و نحن نشتري منتجاتهم و خصوصا الأمريكي بحجة الجودة و الكلام الفارغ ده
نحن نقتل و نهان ......... و مع ذلك نشتري منتجاتهم عن طيب خاطر مع أنهم يرفضون دخول منتجاتنا أصلا إلى أسواقهم
هو زمن غريب
الحمد لله انا اقاطع هذه المنتجات وليست هى فقط
بل ايضا كل منتج غربى وكذلك جميع المنتجات الصهيونيه والامريكيه والغربيه تقريبا
وهذا اضعف الايمان
فلن نموت من الجوع ولكن سوف نسأل يوم القيامه ماذا فعلت وماذا قدمت
الدانماركية .. و الامريكاوية ..
و خايف ييجي يوم اقاطع كمان .. المصرية
علا باشا:) بما اني مش عارف اقول انسة ولا مدام:)
انا ضد المقاطعة دي تماما لأني مش شايف انه صح اني اقاطع بلد علشان واحد فيها قليل الادب
و كون بلد زي الدنمارك يتحمي حرية الرأي عندها و اللي يقول حاجة يقولها براحته يبقى مش اقاطع منتجاتها ... رايي الشخصي ان ده مش منطقي
و لو واحد صاحبك ابنه قليل الادب و شتمك او شتم اهلك اروح اقطع الكهربا عن بيتهم؟
برضه كلام مش صح
طب ما احنا طول النهار و الليل بنشتم فيهم و نوصفهم بالكفرة و المنحلين و المفسدين في الارض و هم على العكس بيدونا معونات و بيساعدونا على طول
انا على العكس بشجع المنتجات الدنماركية خصوصا منتجات الالبان و بموت فالجبنة الريكفور
و برضه خدت نفس الموقف من فرنسا ساعة موضوع الحجاب لأن كل واحد حر في ادارة بلده بالشكل الذي يراه
اكيد طبعا
بصو الصراحه مكنتش بجيب غير شوكولاته كيندر ودي كانت احلي شوكولاته بحبها وكانت غاليه اصلا بس حلوه
المهم اديني اول ماعرفت انها دينماركيه مدوقتهاش وان شالله عنى ماكلتها مش حيجرالي حاجه بس اديني بعمل حاجه مفيده
مع احترامى لرأى حضرتك
الا اننى لااوافقك الرأى
لان المسأله لاتقاس بذلك المنطق
نحن مسلمين وهم على غير مله الاسلام وبما انهم اعتدوا علينا وعلى افضل نبى ورسول لدينا والذى فضله الله على الخلق جميعا
والذى ورد عنه فى الحديث (لايؤمن احدكم حتى اكون احب اليه من ابيه وامه والناس اجمعين )
وهؤلاء الكفره الانجاس يسبونه ويشتمونه ويصورونه باقبح الاشكال
واضعف الايمان ان تقاطعهم اقتصاديا وهذا مافى يدك
اما ان ترفض ذلك بحجج اخرى فهذا غير مقبول لانهم فى عداء مستمر لنا منذ الازل ولن يتوقف حتى يوم الدين
حيث قال الله تعالى عنهم (ولن ترضى عنك اليهود ولاالنصارى حتى تتبع ملتهم )
اذن النتيجه محسومه من قبل الله هم لن ولن يحبونا فى يوم من الايام ولن يعتبروننا ادميين مثلهم الا فى حاله واحده ان ندين بينهم وهذا محال
لذلك هم يحاربوننا بشتى الطرق ولانهم يعلمون جيدا اننا لن نتبعهم فهم يحاولون بشتى الطرق اهانه افضل مانقدسه وهو النبى الكريم وكذلك كتاب الله العظيم
فجميع الغرب للاسف يلعب على هذا المحور
فمن واجبنا ان نقاطع منتجاتهم لانه من غير المنطق ان نعطيهم مالنا ليشتمنا به ويسبوننا ويحقروننا به
فهل هذا منطق ؟
ليه لما يمنعوا الحجاب نقول كل بلد حره تدير نفسها بطريقتها
و ليه لما يسبوا الرسول نقول حريه الرأي و التصرفات ووووو
:)
علي فكره المعونات مش للمساعده المعونات تقدر تقول كدا بيشتري الرأي الحكومي او الرسمي بيها :)
احمد باشا :) بما اني مش عارف اقول لحضرتك استاذ و اللا بشمهندس و اللا ابو حميد و اللا ايه .. :)
حضرتك احنا مش بنقاطع بلد علشان فيها واحد قليل الادب .. و اللا ما كنش حد فينا قعد في بلدنا اللي احنا فيها دلوقتي .
احنا بنقاطع بلد علشان فيها حكومة قليلة الادب .. و فيها جرايد قليلة الادب ..عايزة تزود مبيعاتها من هذا الطريق .. و حكومتها عارفة ان الموضوع ده سوف يؤذي اكتر من مليار و ربع في دول معرفش عددها كام .. و بتقول حرية رأي ..
و خليني اسأل سيادتك سؤال ...لو الصحف دي اتكلمت او لمحت من بعيد او قريب علي الهولوكست .. او علاقة النازيين باليهود او حتي تعاطفت مع الفلسطينين في غزة الان علي انهم ( مجرد ناس بيموتوا و ليسوا اصحاب بلد ) ..تفتكر ساعتها حيكون ايه الوضع .. الدنيا حتتقلب عليهم .. و حدوتة حرية الراي مش حتسمع عنها خالص .. ورؤساء تحرير هذه الجرائد اما سيقالوا او حيقدموا اعتذار رسمي في جرائدهم ... دي حاجة ..
ارجع تاني لكلام حضرتك .. ان مش معقول نقاطع بلد لمجرد ان فيها واحد قليل الادب ..هل معني ذلك اننا منقاطعش اسرائيل ؟؟؟ ..دا فيها ناس كتير قليلة الادب .. و ملهمش شغلانة الا التطاول علي مقدساتك و علي اهلك في فلسطين بل علي اهلك في مصر كمان .. دول كمان ليهم مولد في بلدك اقل ما يقال عليه انهم بيعملوا البلد في هذا اليوم .. ماخور...( مش نفس المنطق ؟؟!!!)
موضوع المعونات ...
معوناتك يا باشا كلها مشروطة .. اينعم من المفترض انها تكون موجهة لمشاريع تنموية .. و لكن حتي الادوات التي يقام بها المشروع لا بد ان تكون مشتراة من البلد المقدمة للمعونة ... غير انه ( و هذا هو الاهم و الاخطر ) ان المعونات دي تشترط تندخل بعض هذه الدول المانحة في بعض السياسات الخاصة بــ التعليم ( مثال : تعديل المناهج و خاصة الكتب الشرعية الازهرية ) .. الصحة و المرأة و الطفل ( مثال : مؤتمر المرأة .. و قضايا الحرية الجنسية .. و اباحة المثلية الجنسية .. الخ ) و الامثلة كثيرة ..
عموما .. انا بس حبيت اوضح بعض هذه النقاط .. لكن بصراحة .. كله كوم .. و انك بتحب الجبنة الريكفور .. دا كوم تاني !!!!
يا راجل .. بتاكلها ازاي دي ؟؟؟
عذرا للاطالة .. و اهه كله في الاخر .. حرية رأي
اللى حصل فى الدنمارك ده بيفكرنى بالعيل الصغير اللى تقوله كده غلط و هو يعند معاك و يعيد نفس الغلط .... فى حين لو ضحكت عليه بكلمتين حلوين هيسمع كلامك
دلوقتى هما بيبصوا للموضوع على إنه حرية صحفية ..... و الحرية دى هما كافحوا عشانها عشرات السنين .... فلما يجى ناس من بره بلدهم يحاولوا يسلبوا منهم الحرية دى .... مش هيسكتوا و هيعندوا أكتر.
بجد مش عارف هل المقاطعة دى هتأثر فيهم بشكل كبير؟! ...... و يحصل السيناريو اللى راسمينه فى دماغنا ..... الدنمارك تخسر و رجال الأعمل يضغطوا على الحكومة فالحكومة تضغط على الصحافة و توقف هذه المهذلة
رأيى السيناريو ده بعيد جداً ....
لو فى طرق تانية فعالة أكتر من المقاطعة يبقى أحسن
ليه مثلاً متصاحبوش بتوع الصحف دول !!!
يعنى ليل نهار بيغلطوا فى الأديان ... الإسلامى و المسيحى و عمرى ما سمعت إنهم قربوا من اليهودية ...... عارفين ليه .... بسبب الضغط الرهيب من اليهود عليهم.... و إعتبار أى كلام عن اليهود هو معاداة للسامية .... و طبعاً اليهود نجحوا إنهم يصدروا قانون فى أوروبا يجرم هذا الفعل الشنيع !!!
هنا مش بتكلم عن حوار بين الأديان ..... لأن اللى غلطوا فى الإسلام دول بيغلطوا برضه فى المسيحية ..... أنا أقصد يكون لينا رجِل هناك فى بلدهم.
لو زادت نقاط الإتصال بين الشرق و الغرب .... الخلافات دى هتقل جداً.
لكن لو زادت العزلة .... هتزيد معاها الخلافات... و الجو يخلى لليهود يتحكموا فى العالم براحتهم.
لعل المقاطعة أضعف الإيمان لكن على أرض الواقع لن تحقق شىء.
هذا رأيى
الناس دول مستعدين يموتوا قصاد حرية بلادهم
و نظام المقاطعة ده كل مرة بيثبت فشله
ولا ايه؟
اقاطع طبعا ....ولو مرة .....المسلمين يجتمعوا علي حاجة
انا مقاطع من زمان بس اكتشفت ان ساجد بياخد دواء من عند البعْده فجبتيلوا البديل المصري وربنا هوا الشافي
اسف اخوانى
سلاح المقاطعه سلاح قوى ورهيب اذا ماطبق منا بصدق واخلاص وقد ادى فعلا الى خسائر كبيره جدا فى الدانمارك المره السابقه
وانا شخصيا كنت احادث شخص دانماركى وكنت اتحدث معه عن تلك القضيه وكان لى بانر عن المقاطعه فى احد المواقع وقد ترجانى هذا الشخص ان ازيله من الموقع وكان ناقص انه يعيط علشان اشيله وهذا دليل على ان سلاح المقاطعه قوى جدا
نحن كشعوب للاسف فى وادى والحكومات فى وادى اخر
الحكومه للاسف لم ولن تتخذ موقف ايجابى نحو قضايا الدين
ولكن نحن كشعوب مطلوب منا اضعف الايمان ان نقاطع
وقضيه المقاطعه ليست جديده لانها طبقت على عهد الرسول صلى الله عليه وسلم حينما تم حصار المسلمين من قبل اهل مكه وقاطعوهم قطاعا اقتصاديا
نحن الان سلاح المقاطعه يعتبر علينا واجب لانه بايدينا نحن وليس الحكومات ومادام بايدينا فهو واجب وفرض
كل السلع تقريبا لها بدائل محليه فلما اذن نعطيهم اموالنا ليحاربونا بها تحت ادعاء الحريه الزائف
اللى قرفونا بيه ليل نهار واول مانستخدم هذا الشعار من قبلنا يكون هجوم علينا لانه حلال ليهم حرام علينا
بصراحه الكلام اللى بيقول المقاطعه مش مجديه ده كلام فارغ ومش صحيح لانه من اقوى الاسلحه وانا شخصيا سوف اقاطع واقاطع الى يوم الدين حتى لو اعتذروا وقبلوا الاقدام فلن اسامحهم ابدا ولن استخدم او اشترى منتجاتهم لو حتى اموت من الجوع وده مش هيحصل طبعا لان البديل موجود
هذا هو الفرق بيننا وبينهم وكلامك هذا يؤكد كلامى
هم على باطل ويتمسكون بباطلهم
ونحن على حق ونفرط بحقنا
يبقى مين الافضل
للاسف هذا يثبت اننا ناس مش كويسه
لو عندنا ذره من الكرامه لقاطعناهم قطاعا كليا ولكن للاسف العرب كله لديهم بلاده نحو تمسكهم بدينهم وثوابتهم
وكل مايحلموا به ان يخلعوا جلباب العروبه والكرامه والعزه التى ورثوها عن اجدادهم عمر وابوبكر وووووووو ليلبسوا جلباب قله الادب والفسق والفجور تحت شعار عيش حياتك واعمل اللى انت عايزه دون قيود بالذمه دى حريه ؟
الحريه للاسف فاهمينها غلط الحريه عمرها ماكانت قله ادب وتطاول على الغير حتى لو اختلف معاك
ولنا فى ديننا وتعاليمه الامثال
كان شخص يهودى جار الرسول صلى الله عليه وسلم يؤذيه ويلقى على بابه القاذورات ووو يوميا ومع ذلك احد الايام لم يجد الرسول هذا الفعل فسأل عن اليهودى فعلم انه مريض فقام بزيارته
ارايتم هذا الشخص العظيم الذى وصفه الله بانه على خلق عظيم
هم الان يشتمونه ويسبونه اولاد الخنازير الفسقه
اليس من الواجب ان ندافع عن نبيينا ام نترك هؤلاء الكفره يسبونه ونحن صامتين وفى الاخر نقول دى حريه رأى
لا والله دى قله ادب وسفاله
فتوى اللجنة الدائمة للبحوث العلمية والإفتاء
- الرياض -
حول التعدي الدنماركي فتوى رقم20216
( قامت 17 صحفية دنماركية بإعادة نشر الرسوم المسيئة لرسولنا صلى الله عليه وسلم وعليه صدرت فتوى بتحريم التعامل مع الدنمارك والسفر إليها واستقبال مواطنيها وشراء بضاعتها والتعامل مع كل ماله علاقة بالدنمارك)
دافع عن نبيك وأنشر الفتوى
منقووووووووووووووووول
هل حد عارف ايه سبب اعاده نشر الرسوم المسيئه للرسول
السبب هو حكم الإعدام الذى اصدره مجموعه من المسلمين المغاربه على الرسام
والذى كشفت الشرطه عن ذلك المخطط
فما كان منهم الا ان اعادوا النشر من اجل الوقوف مع ذلك الرسام ومساندته
ما هى المكاسب والخسائر من الموقف الاسلامى
المكاسب لا شىء
الخسائر مقتل حوالى 20 مسلما فى المظاهرات
القبض على حوالى 300 من المتظاهرين فى جرائم شغب واتلاف ممتلكات حكم على معظمهم بالسجن فترات وصلت الى 10 سنوات
تلميع الرسام والصحيفه واعطائهم شهره لم يحلموا بها بعد ان كانوا مجهولين
أنا أعتقد أن الرسوم المسيئه للرسول لم تكن لتحدث لولا سلوك المسلمين المخزى
وأى شخص عادى غير قارىء و يسمع عن أفعال بعض المسلمين واتهامهم بالارهاب مثل اسامه بن لادن وأمثاله لن تجد منه اى احترام للمسلمين
واعتقد ان الحل يكمن فى تحسين صوره المسلمين والتى لن تتحسن الا برحيل الحكام المستبدين
+1
المحفز الأساسى لإعادة نشر الرسوم ... كان كشف مجموعة بتخطط لقتل الرسام .و بالتالى كل الصحف تضامنت معاه و الموضوع خرج بره حدود الدنمارك و شمل كل أوروبا (الرسوم دى إتنشرت فى كذا صحيفة بره الدنمارك) .... لأن حرية الصحافة دى عندهم حاجة كبيرة قوى ... و رد فعلهم ده متوقع لو حد حاول يفرض عليهم أى قيود ..... حتى لو كانت الحكومة الدنماركية نفسها.
فتوى اللجنة الدائمة للبحوث العلمية والإفتاء - الرياض - حول التعدي الدنماركي فتوى رقم20216 ( قامت 17 صحفية دنماركية بإعادة نشر الرسوم المسيئة لرسولنا صلى الله عليه وسلم وعليه صدرت فتوى بتحريم التعامل مع الدنمارك والسفر إليها واستقبال مواطنيها وشراء بضاعتها والتعامل مع كل ماله علاقة بالدنمارك) دافع عن نبيك
الأخوة اللي ضد المقاطعة
لن أقول لكم غير أنهم لا يجرأون أن يذكرو اليهود بأي شر حتى و إن كانوا يذكرون حقائق
لماذا ندفع لهم أموالنا ............. سؤال ؟؟؟؟
ألن نعيش بدون جبنتهم ؟؟؟؟؟؟؟؟؟
ألن نعيش بدون ألبانهم ؟؟؟؟؟؟؟؟؟؟؟؟؟؟؟
ألن نعيش بدون منتجاتهم ؟؟؟؟؟؟؟؟؟؟؟؟
أليس من الأفضل أن نشعر بالكرامة و نفعل و لو القليل
و على فكرة المقاطعة الماضية أثمرت عن عدة زيارات لدول الخليج و أعتذارات كثيرة من قبل الحكومة الدنماركية لأن دول الخليج أوقفت التعامل معهم مما أضر بإقتصاد الدنمارك
ألم يقول بوش منذ يومين على الفلسطيينيين بأنهم أرهابيين و أن الصهاينة الجزارين هم الضحايا !!!!!!!!!!!!!
أي منطق هذا يا سادة ؟؟؟؟؟؟؟؟؟؟؟؟؟؟؟؟
و نحن نذهب بكل سذاجة و نشتري منتجاتهم !!!!!!!!!!
ألسنا السذج هنا ؟؟
و نبكي و نندب حظنا أننا ضعفاء
نحن أمة ........ لن تقوم لها قائمة إلا إذا شعرنا بكرامتنا و نسينا بطوننا
و على فكرة هؤلاء السفلة يصورون سيدنا عيسى عليه السلام أيضا في صور سيئة جدا
و يقولوا حرية رأي ....................
طيب .......... ماشي ............ نفسي أشوفهم يوم القيامة لما ربنا يسألهم عن حرية رأيهم و سفالتهم في إهانة نبينا محمد علية الصلاة و السلام و أيضا اهانتهم لسيدنا عيسى عليه السلام
و لو مشينا برأي أخوانا الرافضون للمقاطعة في أن الغلط عند فرد منهم
سؤال برئ
لماذا يؤخذ الألمان جميعا بذنب هتلر اذن ؟؟؟؟؟؟؟؟؟؟؟؟؟
الاخوه اللى بيستهتروا بفتاوى العلماء يجب ان يعلموا ان لحوم العلماء مسمومه
وانهم سوف يسألون ويحاسبون حسابا شديدا على هذا الاستهتار بالدين
وللاسف هذا الاستهتار هو السبب فى اللى احنا فيه
اذا كنا نحن بنستهتر بديننا وبعلمائنا يبقى بقى مانلومش الكفره فى اللى بيعملوه على الاقل هم ليسوا مسلمين
خساره والف خساره على ابناء جلدتنا اللى بينسلخوا من دينهم اللى هو اعظم واطهر الاديان السماويه واللى بسببهم ايضا بيتجرأ علينا سفله الغرب
عموما سوف نقاطع ونقاطع ولو كره الكافرون
السادة الافاضل اللي مش عاجبهم فتوي العلماء .. و بيقولوا عليها كلام فارغ .. و مش عاجبهم المقاطعة .. و برضه طلعت كلام فارغ .. و مش عاجبهم سلوك المسلمين ..و مش عاجبهم .. و مش عاجبهم ..
ياريت يقولولنا .. سلوك مين اللي عاجبهم .. و مادام الصور اتنشرت تاني علشان كان في جماعة اصدرت حكم بالاعدام علي الرسام ..طيب يقولولي ..اتنشرت ليه اول مرة ؟؟؟!!! كان في حكم بالاعدام برضه علي حد ؟؟
و ليه في كل مصيبة نلاقي اللي طالع يقولنا علاشان المسلمين بيعملوا كذا يبقي لازم ياخدوا فوق دماغهم .. هما المسلمين دول كلهم وحشين .. مفيش حد بص علي الغرب خلص قبل كده بيعملوا ايه .. و اللا هو قصر نظر ..؟؟؟!!!
و سلوك اليهود في فلسطين ..برضه علشان المسلمين و لاد مش عارف ايه و وحشين و عايزين يتضربوا بالنار و يتشردوا ..
و اللي بيحصل في كوسوفا و الشيشان برضه عشان هما وحشين ؟؟
دا اليهود نفسهم عملوا مقاطعة .. و مع مين .. تخيلوا .. مع شركة كوكا كولا ..لما خفضت نسبة التبرع ( الاتاوة ) التي كانت تمد بها الكيان الصهيوني .. لغاية ما رجعت تاني زي ما كانت ..
الزملاء اللي بيتكلموا و مش عاجبهم حاجة ..قوللنا نعمل ايه ..اصل ما ينفعش نقعد حاطين ايدينا علي خدنا ..ايه الدور اللي ممكن نقوم بيه .. ادينا اقتراحات .. و خلي كلامك اكثر عملية و ايجابية .
يا ريت اللي عايز يناقش يناقش . و االي عايز ينقد الذات ..ينقد مفيش مانع .. لكن منحولش نقض الذات الي جلد الذات ...و بعدين نقوم راميين كلام لا يودي و لا يجيب .. و كل اللي بيعمله انه بيزود نسبة الاحباط اللي عند البني ادمين .
و كفاية كلام الاحباط اللي خلي نفسيتنا في الحضيض .. و نحاول نشوف الجوانب المنيرة من حياتنا و مجتمعنا حتي و ان كانت الضلمة طاغية ..
احنا اصلا عايشين علي الامل في الله عز وجل .. و حنفضل عايشين بهذا الامل .. لغاية ما ربنا يخرجنا منها علي خير ..ان شاء الله
تصبحوا علي خير
إذا كان قصد حضرتك على كلامى اللى ذكرته قبل كده
فأعتذر لأن ذلك ما لم أقصده متلقاً
أنا مقلتش إنهم مش غلطانين .... يا راجل ده الغلط راكبهم من ساسهم لراسهم
الفكرة إن معالجة الغلط بالغلط هو غلط
يعنى إبتدوا بإستفزاز مشاعر المسلمين ..... فكان رد الفعل مقاطعة و ما إلى ذلك و خلاص لحد هنا كويس .... لكن لما تم الكشف عن مخطط القتل ... إتخذوها ذريعة لإثبات وجهة نظرهم الخاطئة..... يعنى بإختصار ساعدناهم على إثبات صحة وجهة نظرهم بدل ما نحاول نثبت إنها غلط.
ده كل اللى كنت أقصده يا أستاذ حسن :)
على ااى اساس اقاطع منتجات دولة كاملة علشان واحد قلييل الادب كتب حاجة فى مجلة فيها؟
العفو يا استاذي الفاضل ..
انا مش بقصد حد معين ..
و انما اقصد النبرة اللي بقي بعض الناس بيتكلموا بيها رايح جاي .. من غير ما ياخدوا بالهم من كم الاحباط و الارف اللي بينقلوه للي حواليهم .. كل حاجة العيب فينا ..كل مصيبة عشان احنا اللي جبناه لنفسنا .. كل كارثة ماهولازم ناخد فوق دماغنا علشان نتعلم .!!!
الصور المسيئة .. احنا اللي غلطانين !!!
الاعتداء علي غزة .. احنا اللي غلطانين !!!
المقاطعة ... كلام فارغ !!!
فتوي العلماء ..كلام فارغ .. لأ .. دا مفيش افرغ من كده !!!
المقاطعة .. ملهاش لازمة .. و مبتعملش حاجة !!!
...ارجع تاني و اقول .. ليه مبنشوفش الا عيوبنا بس .. ليه مبنشوفش مميزاتنا .. و نشوف عيوب الاخرين ..؟؟؟
.........
عذرا يا استاذ meza بس اصله كلام ينرفز .
الاستاذ الفاضل .. سعداوي
يا ريت حضرتك ترجع للموضوع من اوله .. حتلاقي العبد لله و الاخوة الافاضل كاتبين ما معناه ..
ان ده مش تصرف واحد قليل الادب ..دي الجرايد الرسمية للبلد ..الجرايد .. و ليست جريدة واحدة .. و التصرف ده محمي من حكومتها بدعوي حرية الرأي ..
حبيت بس اوضح انه مش تصرف فردي.
و بعدين التصرف ده ( سواء فري او جماعي ) نتج عنه اهانة لنبينا الكريم .. مش اهانة لوزير و لا رئيس دولة .. بل لرمز الدين الاسلامي ..
و احسب ان لو في كاتب سعودي و لا كويتي واللا كوالالمبوري كتب حاجة مش ولا بد عن رمز من رموز دولتنا الموقرة .. تاني يوم حتلاقي الجرايد و التلفزيون .. و انت عارف الباقي ..
فما بالك بصحافة دولة تتطاول علي سيدنا النبي .. !!!
اللهم صلي و سلم و بارك عليه
يا سبحان الله
اسمائكم احمد ومحمد على اسم اشرف الخلق وبتستهزؤا بفتوة صادرة من لجنة علماء افاضل بتحرم وتحذر التعامل مع تلك الدولة
عشان تاكل شوية جبنة او تقول ان سلاح المقاطعة مش بيجيب نتيجة
اعتقد انكم لازم تراجعوا كلام علماء الاقتصاد عن سلاح المقاطعة
واهمهم كلام علماء الدين عن تكذيب والاستهتار بكلام العلماء
اما عن المقاطعة وبتقولوا نقاطع دولة عشان واحد غلط
ماهي الدولة دي بكل المؤسسات اللي فيها والسلطات رفضت تنزع الرسوم واعادت نشرها تاني
يبقي كلهم سبوا نبينا
عارفين مين نبينا
اتمنالكم بعد كلامكم ده انه يسامحكم ويشفع فيكم لما تروحوا تسالوة الشفاعة
كل يؤخذ منه ويرد إلا محمد صلى الله عليه وسلم
مفيش داعى للمبالغه فى وصف المفتين
فالإفتاء حاليا ليس الا رأى سياسى يدعم دينيا
ويستطيع المفتى أن يفتى لك الرأى وعكسه على حسب الأحوال والأمثله كثيره
والمطلوب من ذوى الأمر كثير جدا ليس اطلاق الشعارات والتصريحات العنتريه بل هو البحث عن حلول واقعيه وعمليه تنهى هذه المهازل
بصراحه الواحد مش عارف يقول ايه للأخوة اللي معترضين على المقاطعه وصعبان عليهم ميكلوشاكل الدنمارك
أحب ان اقول اروي قصة معروفة لدى الجميع ولكن اذكرها للتذكير منها والتدقيق على معانيها الجليلة التي غابت عنا في هذه الأيام المظلمة للأسف
ولو كان هذا حدث لأب احد منا او احد المعترضين ما كان هذا سيكون رده على المقاطعة ولكن ان لله سنن كونية
واترككم مع القصة
قصة صبيان لم يقبلا إساءة على نبيهم صلى الله عليه وسلم, انظر ماذا عملا؟
أخرج الإمامان البخاري ومسلم – واللفظ له – من حديث عبد الرحمن بن عوف رضي الله عنه أنه قال : بينما أنا واقف في الصف يوم بدر . نظرتُ عن يميني وشمالي .
فإذا أنا بين غلامين من الأنصار . حديثة أسنانُهُما . تمنيتُ لو كنت بين أضلعَ منهما . فغمزني أحدهما.
فقال : ياعم ! هل تعرف أبا جهل ؟
قال : قُلتُ : نعم . وماحاجتك إليه يا ابن أخي؟
قال: أُخبرتُ أنه يَسُبُّ رسول الله صلى الله عليه وسلم .
والذي نفسي بيده لئن رأيته لايُفارق سوادي سواده [أي شخصي شخصه .] حتى يمُوت الأعجلُ منَّا.
قال: فتعجبت لذلك .
فغمزني الآخر فقال مثلها .
قال :فلم أنشبْ أن نظرتُ إلى أبي جهل يزُول [أي يتحرك ولايستقر .] في الناس .
فقُلتُ : ألا تريَان ؟ هذا صاحبُكُما الذي تسألان عنه.
قال: فابتدراهُ , فضرباهُ بسيفيهما , حتى قتلاه .
ثُم انصرفا إلى رسول الله صلى الله عليه وسلم . فأخبراهُ .
فقال "أيُّكُما قتلهُ ؟ "فقال كُلُّ واحد منهما : أناقَتَلتُ .
فقال : هلْ مسحتُما سيفَيْكُما ؟ " قالا : لا .
فنظَرَ في السيفين فقال"كلاكُما قَتَلهُ"
وقضى بسَلَبه لمعاذ بن عمرو بن الجموح .
(والرجلان : مُعاذ بن عُمرو بن الجمُوح ومُعاذُ بن عفراء).
( صحيح مسلم , كتاب الجهاد)