شراء لوجان؟

**haitham06** · 20-08-2010 01:54 AM

السلام عليكم ورحمة الله وبركاته
دى أول مشاركة لى فى المنتدى، قريت كتير فى مواضيع المنتدى عن اللوجان ودلوقتى انا فى طريقى لشراء سيارة جديدة وكنت فى حيرة شديدة بين أكتر من سيارة مثل الماتريكس والاوبترا وأخيرا عرفت عن اللوجان من المنتدى ومشاركات الأخوة الأفاضل، عشان كده عاوز رأيكم معايا فى اللوجان وهل العيوب - والتى أراها بسيطة لحد كبير - ستتلاشى أو التوكيل فى طريقه لحلها فى موديلات 2011؟ وهل هناك تغيير فى الشكل فى موديلات 2011؟ آسف على الإطالة وكثرة الأسئلة ولكن فى انتظار مساعدتكم لإتخاذ القرار المناسب بإذن الله وشكرا

**haitham06** · 20-08-2010 02:42 AM

إيه يا جماعة؟ فين المشاركات والآراء المفيدة؟

**uubaby2000** · 20-08-2010 02:54 AM

حلوة اوى العربية دى فعلا جميلة ..

**karimnet** · 20-08-2010 07:18 AM

مبروك عليك مقدماً ان شاء الله .. العيب الوحيد انك حتحبها زيادة عن اللزوم

**joso** · 20-08-2010 09:22 AM

بدعو حضرتك وكل الناس اللي عايزه تشتري اللوجان انك تحضر سحور ملاك اللوجان وهناك هتشوف بنفسك الفول اوبشن والهاف اوبشن وتعرف الفرق بعينك وكمان اذا قررت الشراء احنا بنحاول نكون اسرة او اتحاد يضم اكبر عدد من ملاك اللوجان علشان نقدر نقف بيه مع بعض لو حد عنده مشكله في التوكيل نجيب تخفيضات من التوكيل ومن محلات قطع الغيار اللي نتفق معاها لو شايف ان الكلام ده مهم ليك ياريت تنورنا يوم الخميس القادم 26/8 في التجمع الخامس

وبالتوفيق ان شاء الله وفي نظام شراء اسمه المرابحه الاسلاميه لو هتقسط ال5 الاف جنية الفرق على سنه هتدفع 450 جم شهريا وده نظام اسلامي ومفيش حظر بيع على السياره وكمان ممكن انك تحط مقدمه مثلا 53000 جم ويبقى معاك من المبلغ10000جم نقديه لاي ظروف طارئه لو حبيت وهتدفع قسط لو العربية فول اوبشن تقريبا240 جم على 7 شهور وما تنساش ان مفيش حظر بيع على السيارة

فيه موضوع اسمه الشراء بالمرابحه الاسلامية
والوضع ده بالنظام الاسلامي السليم في البنك الاهلي المصري فرع اتحرير للمعاملات الاسلاميه بالدقي