الموضوع: عزاء واجب لاحمد موجه في فقيد عائلته

متشكر جدا ليكم ياجماعه علي هذا الشعور الطيب وربنا يتقبل منكم خالص الدعاء ويبعد عنكم كل شر متتصوروش حالة

امه وابوه عاملين ازاي امه في حالة لايرثي لها وابوه زي مايكون فقد النطق لاحول ولاقوة الا بالله

العلي العظيم ربنا يصبرهم ويلهمهم الصبر والسلوان ويجعله سببا في دخولهم الجنه

النهارده كان يوم صعب جدا جدا علي الاسرتين اسرتي واسرة زوجتي فقد فقدت اخت زوجتي ولدها

وهي مازالت حامل في شهرها التاسع نتيجة سقوطها من علي السلم لأن الكهرباء كانت مقطوعه ربنا

يصبرها هي كمان واخدنا الولدين وتم دفنهما سويا بعد انتهاء العمليه الجراحيه للأخيره سبحان الله وامره اذا اراد شيئا ان يقول له كن فيكون

ايها الأباء والأمهات انتبهوا علي اولادكم جيدا وخاصة عند انقطاع التيار الكهربائي وحسبي الله ونعم الوكيل في حكومتنا اللي كانت السبب

اللي حصل ان النور قطع كالمعتاد بسبب هذا القرار الغبي الذي تتخذه الحكومه فالولد جري وطلع علي

كرسي البلكونه ومحدش شايفه ولا اخد باله منه والبلكونه مش عليا وحصل اللي حصل ربنا يتغمده

برحمته ويصبر اهله لا حول ولا قوه الا بالله العلي العظيم ان لله وان اليه راجعون

خدوا بالكم ياجماعه كويس جدا من ابنائكم الصغار اثناء انقطاع النور وربنا يبعد عنكم كل شر معلش مضطر

اسيبكم دلوقتي وياريت من ادارة المنتدي تعمل موضوع خاص لهذا التنبيه والخطر اللي ممكن يحصل

للأطفال اثناء انقطاع الكهرباء استودعكم الله