عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

**ramyar** · 20-08-2010 06:41 PM

السلام عليكم ورحمه الله وبركاته
بي النسبه لاستفسار حضرتك
التكيف صوتع عالي بره عشان في مروحه تانيه راكبه علي الردياتير وبتشتغل مع كل دوره كبس لكومبروسور التكيف ودي ميزه مهمه جدا مش موجوده في عربيات كنير كمان المروحه دي زاويه الكيل بتاعت الريش بتاعتها اطبر من مروحه التبريد العاديه عشان كده صونتها مسموع وكمان الكومبروسورماركه ساندين ياباني والمعروف عنه الكفائاه العاليه
الباور تقيل شويه بي المقارنه بي الهونداي بس يحسسك انك راكب عربيه يعتمد عليها كمان لو حابب في حاجه بتتعمل فيه وده ويخف الباور زي ماتحب
التوكيل كويس والناس القائمين عليه بيجتهدوا جداااااااااااا وبصراجه الناس دي بتتعب جدا معانا
الفرامل دي من اهم مميزات بروتون

**toreador** · 20-08-2010 11:38 PM

انا عربيتى 2007 بس بصراحة مفيهاش العيوب اللى انت كاتبها غير ممكن صوت التكييف عالى بس مش مزعج خالص وبجد تحفة تكييفها ماشاء اللة علية ..
الفرامل معقولة بس التيل بينتهى بسرعة وبيصفر على طول حتى لو جديد..
الباور انا معاك مش جامد وقطر دورانها كبير اوى مع انها صغيرة بس من ناحية تانية بيخليك تعرف تتحكم فى العربية كويس ...
التوكيل اكر عيب فيها بس المهم انى لما بروح بمشكلة الحمد للة بيحلوها بس خد بالك مبتطلعش ايدك فاضية يعنى هايدوك مشكلة بسيطة وانت طالع وانت ونصيبك ..
والعربية فعلا ممتازة باستثناء بعض العيوب اللى فيها اللى بتطلع كل شوية بس بتتحل من الاخر على قد فلوسها

**das1328** · 21-08-2010 12:54 AM

جمد قلبك ومتققلقش
العربية جميلة ((ماشاء الله)) ومش هتندم لما تشتريها

**khpopo** · 21-08-2010 02:55 AM

المشاركة الأصلية كتبت بواسطة ahmedfathy77

اعتقد ملاك موديلات 2006 و 2007 و علي راسهم استاذ خالد حمدي و استاذ توت اللي المفروض يردوا علي الكلام ده خاصه اني اول مره اسمعه

عشان خاطرك ياجميل
الحمدلله ماشاءالله

لم افتح غطاء الريداتير نهائى حتى الان

اكشف على المياه من القربه كل فين وفين ...

وعمرى مازودتها

قكك الكلام كتير... والجمارك متعرفش عنه حاجه خالص يااحمد بيه

ربنا يسترها معاك ومعانا
ربنا يوفق

**ahmad--ezzat** · 21-08-2010 03:00 AM

المشاركة الأصلية كتبت بواسطة DR.almaghraby

1.
2. الباور ممتع لانه مش مايع زي الباور الكهرباء مثلا ,, و انا شايفه more than satsfying و بيديك تحكم اعلي فالعربية

هو الباور الزيت بيدى تحكم اعلى

؟؟؟؟

انا سوقت سيفيك lxi الباور بتاعها كهربا....مش هقول غير بسم الله ما شاء الله...خفيف وانت بتركن...تقيل وانت بتجرى احسن من الزيت 10000 مره واخف

(اسف لخروجى عن الموضوع تقبل تحياتى)

**M.almaghraby** · 21-08-2010 03:28 AM

المشاركة الأصلية كتبت بواسطة ahmed_nubira

هو الباور الزيت بيدى تحكم اعلى

؟؟؟؟

انا سوقت سيفيك lxi الباور بتاعها كهربا....مش هقول غير بسم الله ما شاء الله...خفيف وانت بتركن...تقيل وانت بتجرى احسن من الزيت 10000 مره واخف

(اسف لخروجى عن الموضوع تقبل تحياتى)

مساء الخير يا باشا

انا مقلتش كدا نهائي لكن انا بتكلم فعربية بالتمن دا لو كان اتحط فيها باور كهرباء مكانش حيبقي شيء لذيذ

انا بقول كدا لان الالنترا مثلا باورها كهرباء و خفيف جداا في كل الظروف و سواقتها مش ممتعة في رأيي و دا من احد اسباب انها مش ثابتة اوي عالطريق...

لكن السيفيك دي قصة تانية و فئة تانية خالص و تكنولوجيا و حرفة يابانية و معروف عنها الثبات الرهيب ... مش حيفرق الباور كهرباء ولا لاء

دا شرف للجين 2 انها تتقارن بعربية اغلي منها ب 90 الف جنيه

انا معاك انه كمبدأ ,,, مفيش معيار مقارنة بين الثبات و نوعية الباور... لكن فعربية تحت 100 الف جنيه كان لازم يعملوها كدا عشان تناسب الفئة السعرية بتاعتها و سعرها ميزدش..

و كلمة اخيرة... الباور بتاع الجين مش تقيل خالص, بالعكس كويس جدا,, الا لو عايز تلف العربية بالصابع الصغير

و تحياتي ليك يا باشا وانتا تنور الموضوع في اي وقت اكيد :)))

.................................................. .................................................. .................................................. ....

تعليقا علي حوار العربية ممكن تسخن و تجيب جوان...

انا عمري ما سمعت الكلام دا عن بروتون ابدا في حياتي

العربية انا مش بزودلها مية خالص و دايرة التبريد ماشاء الله فوق الممتازة و مفيهاش اي مشاكل مع اي حد " علي حد علمي "

و طبعا استاذنا الكبير خالد حمدي ادري و اعلم مني :))

**tutankhamoun** · 21-08-2010 08:36 AM

المشكلة الأساسية و العيب الشائع و الكلام مش موجهه للمالكى السيارة من الزيرو " العربية لو سخنت سهل تجيب جوان وممكن وش سلندر " يعنى ما بتستحملش السخونيه و الكلام ده أنا مجربه بنفسى و ما حدش قال لى عليه يعنى يا جماعة ألى عدى على عربيتة 4 سنوات يهتم جداً بدورة المياه ونظفتها و يبقى شئ جميل لو عمل تشك على مستوى المياه كل 3 أيام و صيانة تتضمن تغيير وصلات المياه (الخراطييم) كل سنتين .

الكلام اللي حضرتك بتقوله ممكن يكون بسبب الأهمال في شئ معين ..........

دورة التبريد ممتازة من 2007 و لحد دلوقتي العربية عمرها ما سخنت

أحب أضيف كمان ............... التيل الأصلي لسة فيها و عاملة 45 ألف كم تقريبا .

**mostafashokry** · 21-08-2010 01:47 PM

المشاركة الأصلية كتبت بواسطة tutankhamoun

الكلام اللي حضرتك بتقوله ممكن يكون بسبب الأهمال في شئ معين ..........

دورة التبريد ممتازة من 2007 و لحد دلوقتي العربية عمرها ما سخنت

أحب أضيف كمان ............... التيل الأصلي لسة فيها و عاملة 45 ألف كم تقريبا .

أنا بشكر حضرتك على اسلوب ردك الجميل و المهذب , فعلا أنا كنت هاكتب أن المالك الأول شاب و كان مهمل فيها شويتين و حضرتك عارف سواقة الشباب , و لكن ألى اكد لى أن المشكلة عامة ‘إنى تعبت جداً لغاية ماو جدت وش مش خلع يعنى لاقيت أكثر من محرك إستيراد بدون وش سلندر , ومع ذلك أنا وضحت إن اصحاب السيارات الأول يد مش حيشعوروا بالموضوع ده , وانا فى كلامى محدد جدا قلت أى مشكلة فى دورة التبريد ما بتستحملش و بتجيب جوان وش سلندر بسرعة من أول مرة بعكس اليابانى مثلا ممكن يسخن منك لأى سبب كان مرة وأتنين ومن غير تأثير على وش السلندر ,و كمان وضخت أن العربية ألى عدى عليه أكثر من 4 سنوات !!! ارجوا الرجوع لأصل ردى,,, وأما الى حصل مع المالك الأول اتخرم الريدياتير جابت جوان و بعدين مع صديق ليا كوعة الميه سربت جابت جوان تانى ولذلك لم أدعى أنها بتسخن ذى ما فى ناس أتسرعت وفهمت وردت بأسلوب غير لائق أنا فقط حذرت من الأهتمام بالصيانه لدورة المياة وما جبتش سيرة أطلاقاً إنها بتسخن

**hanyyacot** · 21-08-2010 01:55 PM

ايوة يا جماعة موضوع الفرامل ده انى لما احب اقف فجأة ادوس نص دوسة , ده حقيقى فعلا , لان لو حقيقى تبقى مصيبة فعلا وبلاها العربية , ولا انا مافهمتش صح , انا عارف ان فى عضو فاضل شرح الموضوع باستفاضة بس برضه مافهمتش بصراحة , ماينفعش اكون ماشى على 60 مثلا وتطلع حاجة تخلينى اقف فجأة يبقى المطلوب منى ساعتها انى بكل برود ادوس نص دوسة , ومحدش يقولى ال عشان انا سوقت اللانسر وكانت فراملها عادية جدا وطبعا هى فيها abs

**Eng. Rafy Samy** · 21-08-2010 01:59 PM

المشاركة الأصلية كتبت بواسطة ramyar

لو حابب في حاجه بتتعمل فيه وده ويخف الباور زي ماتحب

استاذ رامي
ممكن توضح النقطة دي اكتر ...؟

تقبل تحياتي

الموضوع: عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

LinkBack

أدوات الموضوع

عرض

-

-

-

-

-

-

المواضيع المتشابهه

عندى معلومه عايز اتاكد منها

انا بادور علي امبريزا 2006 او 2007 و عايز شوية معلومات عنهم

سمعت حاجة عن الالنترا 2010 عايز اتاكد منها

عايز اروح .... انى اتكلم من تحت الثلوج

اجيب هيونداى اى30 ولا النترا ولا لانسر و اية مواصفات و عيوب كل واحدة منهم

الكلمات الدلالية لهذا الموضوع

المفضلات

المفضلات

ضوابط المشاركة