الموضوع: أنا لسة حتى مافرحتش بيها

وحوش اللوجان أنا كان نفسي أفرح بالعربيه شوية لكن الحمد لله يا رب تيجي على كده بس
أنا لسة شاري اللوجان من اسبوعين و رخصت من أسبوع الحمد للة حتى الان ان راضي عن العربيه

المهم بقى النهاردة الصبح كان عندي مشوار و رايح اركب العربية ألاقي في حكة و علامات بويه
في الباب الخلفي شمال واحد ابن حلال حكلي العربية و هي مركونة حسبي الله و نعم الوكيل.

حد يعرف ممكن أشيل البويه دي إزاي؟
على فكرة الصاج اطبق سنة بسيطة

حاجة تاني هيه العربيه بتعوم يا جماعة ؟
أنا النهاردة كنت عاوز أقرص بيها شوية بس حسيت إنها مش ثابته لما جبت 140

أنا لسة ظابط ضغط الكاوتش امبارح فهل ده ممكن يكون ليه علاقة بموضوع الثبات
خاصةً إن أنا النهاردة كن سامع صوت الكاوتش و أنا ماشي على حتة مسفلتة بس كان فيها تراب ؟

أنا لسة معملتش 1000 كم في حد يحب ينصحني بحاجة ؟


اخوكم

وائل الشيشيني

ضغط الهواء 29 قدام و 32 ورا

المشاركة الأصلية كتبت بواسطة waleedfadeel

لو فيه هواء جامد العربية فعلا بتعوم بعد 130

ودى تجربه شخصيه على الطريق الصحراوى وصلت 160 والعربيه ثابته ولما كان فيه رياح شديده كانت بتعوم على 130

كلام مضبوط 100 % و نفس الكلام حصل معايا على طريق القطاميه-العين السخنه.

المشاركة الأصلية كتبت بواسطة waleedfadeel

لو فيه هواء جامد العربية فعلا بتعوم بعد 130

ودى تجربه شخصيه على الطريق الصحراوى وصلت 160 والعربيه ثابته ولما كان فيه رياح شديده كانت بتعوم على 130

فية حاجة كمان أضيفها, و هى أن العربية لما بتكون على أقصى حموله لها بتجرى جرى مش ممكن حد يتخيلة هى بتكون تقيلة شوية فى بداية التحرك و سحبها مش قوى لكن لما بتصل لسرعة 100كم/س بتبقى طيارة (الله أكبر)

الحمد لله إنها جت على حد كده ...بس 140 يعنى عديت 3500 أر بى إم قبل متكمل 1000 منصحكش....أنا عارف إن فيه ناس كتيير قالت عادى مش محتاجه 1000 ...بي المصنعيين السيارة فى المانيوال بيقولوا متعديش 130 على الخامس فى أول 10000