أنا لسة حتى مافرحتش بيها

**walloo1978** · 20-08-2010 01:11 PM

وحوش اللوجان أنا كان نفسي أفرح بالعربيه شوية لكن الحمد لله يا رب تيجي على كده بس
أنا لسة شاري اللوجان من اسبوعين و رخصت من أسبوع الحمد للة حتى الان ان راضي عن العربيه

المهم بقى النهاردة الصبح كان عندي مشوار و رايح اركب العربية ألاقي في حكة و علامات بويه
في الباب الخلفي شمال واحد ابن حلال حكلي العربية و هي مركونة حسبي الله و نعم الوكيل.

حد يعرف ممكن أشيل البويه دي إزاي؟
على فكرة الصاج اطبق سنة بسيطة

حاجة تاني هيه العربيه بتعوم يا جماعة ؟
أنا النهاردة كنت عاوز أقرص بيها شوية بس حسيت إنها مش ثابته لما جبت 140

أنا لسة ظابط ضغط الكاوتش امبارح فهل ده ممكن يكون ليه علاقة بموضوع الثبات
خاصةً إن أنا النهاردة كن سامع صوت الكاوتش و أنا ماشي على حتة مسفلتة بس كان فيها تراب ؟

أنا لسة معملتش 1000 كم في حد يحب ينصحني بحاجة ؟

اخوكم

وائل الشيشيني

**MoHaMed HaMeD** · 20-08-2010 02:41 PM

اولا الف مبرو
ثانيا نقطه البويه ده ممكن تعملها ببولش لو هى مش عميقه وبقلم دكو ةبلون السياره

نقطه التعويم ده ياما الطريق مش مظبوط السفلته مش كويسه ياما كنت لسه مظبطش ضغط الهواء لا نى بحمد الله كنت بجيب 160 دون ادنى مشاكل ومتقلقش اى حاجه مع الصيانه الدوريه بتتظبط استمتع بالسياره وربنا يباركلك فيها ان شاء الله

**karimnet** · 20-08-2010 03:09 PM

ضغط الهواء 29 قدام و 32 ورا

**waleedfadeel** · 20-08-2010 03:25 PM

لو فيه هواء جامد العربية فعلا بتعوم بعد 130

ودى تجربه شخصيه على الطريق الصحراوى وصلت 160 والعربيه ثابته ولما كان فيه رياح شديده كانت بتعوم على 130

**MoHaMed HaMeD** · 20-08-2010 03:31 PM

تمام استاذ وليد هذا يعتبر ايضا احد الاسباب

**fox198626** · 20-08-2010 03:36 PM

الحمد لله إنها جت على حد كده ...بس 140 يعنى عديت 3500 أر بى إم قبل متكمل 1000 منصحكش....أنا عارف إن فيه ناس كتيير قالت عادى مش محتاجه 1000 ...بي المصنعيين السيارة فى المانيوال بيقولوا متعديش 130 على الخامس فى أول 10000

**mo7a_mo7a** · 20-08-2010 06:42 PM

الموقف ده حصل معايا في التريوس وعملت بولش ومنفعش
وعملت كومباوند ومنفعش
لحد اما قلت اخلي السواق عندي في الشغل يديني النصيحة

هو اسمه عم ابراهيم 55 سنة وشبه ممدوح فرج كده
ولسة بقوله عملتها بالبولش.... لقيته بيقولي ..
بولش؟؟؟
صلي علي النبي في قلبك يا باشا.
عندك منديل؟؟

وانا بضحك طبعا قلتله اه عندي بس ليه؟ .. [color="rgb(255, 0, 255)"]قالي هات بس![/color]

ومسك 3 او 4 مناديل ورق سوا وراح موطي علي الارض وماسح شوية من طين الجنينة اللي تحت المكتب عندي وقام ماسح الباب بالمناديل والطينة
وفجاة!
سبحان الله !
العربية رجعت زي الاول .. حاجة كده زي السحر (استغفر الله العظيم)

جرب كده بس راعي ان الطين يكون ناعم جدا علشان ميخربش الدهان وخد بالك انه يكون طين مش رمل
ومتحاولش تزود الدعك كتير في الاماكن غير المحكوكة علشان متطفيش لمعة الدهان

تقبل تحياتي