مشكلة فى فتيس لانسر 98

**amr_elrashidy** · 06-03-2008 01:43 PM

السلام عليكم و رحمه الله
انا عندى حاجة بتحصل فى فتيس عربيتى مو98 اوتوماتيك وهى انه بيأخر نقلات بمعنى انى بحس بالنقلة انها بتتأخر او العربية بتقفز كده بشكل محسوس نوعا ما ده غير ان العربية لما بتبقى خلاص حتقف و الجير بوكس يفضى نقلاته بتحصل ساعات خبطة خفيفة و ساعات تانية يبقى النقلات كلها ماشية تمام و لا فى اى مشكلة..فهل الموضوع ده من الزيت و لا ايه..افيدونى؟

**أبو_حمزة** · 07-03-2008 09:19 PM

يستحسن فى حاجة كبيرة زى لفتيس الاتوماتيك تروح التوكيل
على فكرة انا معايا اخت بتاعتك بس 99 و الوصف اللى انت بتقوله ده يخليك مش تسكت على الموضوع

**amr_elrashidy** · 08-03-2008 06:34 PM

انا سألت بالفعل مهندس ميكانيكا قالى ان البساتم بتاعة الفتيس الاوتوماتيك بتتسد بالرايش بتاع الزيت اذا فضلت ماشى بيه كيلومتر كتير اكتر من 20 او 30 الف و بالتالى مرة فى مرة بتتأخر فى عملها و النقلات مش بتيجى فى معادها يعنى لازم اغير الزيت و اذا مختفتش المشكلة ان شاء الله اروح التوكيل يشفولى حل..شكرا

**Ghamrawy** · 08-03-2008 09:54 PM

يا جماعة خالوا بالكم
روح الفتيس الاتوماتيك فى الزيت بتاعه
و ربنا يسترها

**أبو_حمزة** · 09-03-2008 07:58 PM

زيت الاتوماتيك بيتغير على 40 ألف و ممكن 60 كمان لو بتستعمل الاصلى مش موبيل (ده مش موجود)
عربيتى عملة 132 ألف و الزيت الاتوماتيك بيتغير على 40 زى ما قولت و الحمد لله الفتيس تمام
عشان الزيت يوصل للدرجة دى معنى كدة ان العربية كانت بتكشى على Rpm عالى لفترات طويلة
و ده يرفع درجة حرارة الزيت و يقصف عمره
و الله اعلم
على العموم غير الزيت و شوف اذا كانت ها تتحل يبقى تمام