مساعدة فى صيانة 40000 لنوبيرا

**MOHGOMAA2002** · 25-08-2010 03:09 PM

أهم حاجة تغيير سير الكاتينة يكون عند ميكانيكى أمين

**mr_kenawy** · 26-08-2010 05:07 PM

المشاركة الأصلية كتبت بواسطة karimfahmy99

معلش سؤال ساذج

هو مش المفروض ان تغير الشداد فى اللانوس بعد 80000 كم ؟؟ طب النوبيرا لسة عاملة 40000 لية لازم يغير الشداد ؟ و هل هناك بلية اضافية غير بلية الشداد فى النوبيرا عن اللانوس ؟؟

الرجاء الرد على هذا السؤال - البليتين بيتغيروا على 40000 و لا 80000؟

**karimfahmy99** · 26-08-2010 05:12 PM

المشاركة الأصلية كتبت بواسطة mr_kenawy

الرجاء الرد على هذا السؤال - البليتين بيتغيروا على 40000 و لا 80000؟

+111111111111111

انا منتظر رد المهندس ممدوح من امبارح

**MMamdouh** · 26-08-2010 05:19 PM

غيروا وقت ما يعجبكم... دى عربياتكم و انتوا احرار فيها

MMamdouh

**Ahmed_lol2007** · 27-08-2010 02:37 AM

يا استاذ كريم المهندس ممدوح أكيد مش قصده زى ما حضرتك فهمت كدة
وعموما انا والله لو أعرف مش هتأخر على حضرتك بس ممكن نستنى الخبراء بتوع الدايو

وتقبل مرورى

**MMamdouh** · 27-08-2010 03:25 AM

المشاركة الأصلية كتبت بواسطة karimfahmy99

اعتقد يا بشمهندس ممدوح ان دا رد تهكمى شوية من حضرتك !!!!!!!!!!!! لية ؟؟؟؟؟؟؟؟

انا بتكلم طبقا لجدول الصيانة . رمضان كريم . اخوك الكبير كريم تقريبا 50 سنة و مع الاسف مش ظاهر عندى سن حضرتك كام . تقبل تحياتى

لا هو مش مقصود منة تهكم... هو المقصود منة اخلاء مسؤليتى من اى مشاكل قد تحدث

جدول صيانة العربية بيقول سير الكاتينة يتغير عند 90 الف كيلو لكن من واقع تجارب ناس برة مصر... سير الكاتينة بيتقطع عند 60 الف و من هنا بقت الناس تغير السير بدرى عند 40 الف

البلى "ممكن" يعيش لحد 80 الف بس لو تلف قبل كدة اية اللى حيحصل؟؟؟ البلية حتقفش و تقطع السير و العربية تجيب صبابات... تكلفة القصة دى لن تقل عن 500 الى 600 جنية فى افضل الاحوال... يبقى ليه اوفر 250 جنية و اعرض نفسى لتلفيات كبيرة و تكلفة عالية طالما انا كدة كدة حبقى فاكك كل الكلام دة؟

الفكرة هنا انى لو قولت غيروا حسب الكتالوج و حد حصلة مشكلة حيقولك "محمد ممدوح اللى قال كدة"... و لو قولت 40 حيقولك "محمد ممدوح بيفتى"... عشان كدة انا سبت حرية الاختيار لكل واحد و بالتالى مسؤلية الاختيار دة بتقع على صاحب العربية مش عليا

معلش يمكن تستغرب القصة دى شوية بس دى حوارات حصلت بالفعل وواحد فتى فتية على اسمى وواحد تانى سمع كلامة (على اعتبار ان مصدر المعلومة هو انا) و ضفيرة العربية اتحرقت و فى الاخر الراجل رجع يشتكى منى انا... مع انى مكنتش فى الحوار دة اساسا... عشان كدة حتلاقى ان اى موضوع فيه اى مخاطرة بسيب القرارات اللى زى كدة لصاحب العربية عشان اخلى مسؤليتى... حتلاقى الكلام دة فى موضوع تعديل الفرامل بتاعى هنا و موضوع تغيير سير الكاتينة فى منتدى daewootech

انا سنى 32 سنة

MMamdouh

**mr_kenawy** · 27-08-2010 03:04 PM

المشاركة الأصلية كتبت بواسطة karimfahmy99

الواجب عليك لو كنت عاوز ترد على الحياد كنت قلت هو فعلا طبقا لجدول الصيانة يتم تغير البلية عند 80000 كم و يفضل تغيرها مع كل تغير للسير و الاختيار لصاحب السيارة .

كلام مظبوط جدا , انا لما قريت كل واحد حر فى عربيته قعدت حوالى ربع ساعة مش مصدق نفسى و عمال اسأل نفسى ليه اخى محمد ممدوح اللى اتعودنا منه على الرد السريع و الدقيق و المساعدة لوجه الله - ليه بيتريق عليا كدة , عموما انا فهمت دلوقتى و حصل خير و الف شكر للجميع و للمهندس ممدوح و للاستاذ كريم و رمضان كريم.

**MMamdouh** · 27-08-2010 05:39 PM

المشاركة الأصلية كتبت بواسطة karimfahmy99

اشكرك للرد و التوضيح . و اود اضافة لسايدتكم انى انا برضة مشرف بثلاث نجوم و الحمد لله فى موقع تانى و عارف موضوع انك تقول اية و اية المسؤولية من اللى تقولة عشان كدة دايما لما اقول حل اقول و على مسؤلية صاحب الموضوع و لة الاختيار .

فى حالة موضوعنا دا دى حاجة بديهية و كل الناس بتعمل كدة بلية الكتينة مش بتتغير مع اول غيار للسير بتتغير مع تانى غيار و طبعا برضة الميكانيكى بيبص على البلية و هو بيغير السير اذا كانت بتعض فيها خشانة . الواجب عليك لو كنت عاوز ترد على الحياد كنت قلت هو فعلا طبقا لجدول الصيانة يتم تغير البلية عند 80000 كم و يفضل تغيرها مع كل تغير للسير و الاختيار لصاحب السيارة .

طبعا انا ملاحظ نشاطك و ردودك و دماغك حلوة عن نفسى انا معاشر موضوع الميكانيكية دا و انا عندى 10 سنين مع الحاج الله يرحمة و خبرتى الحمد لله فوق الممتازة و لما كنت 18 سنة و امتلكت اول عربية بقيت امارس اللى اتعلمتة لوحدى فى اى حاجة من اول طقم الكهربا و انت ماشى فرامل و بقيت اعمل تغير جوان وش سلندر لوحدى و نص عمرة بمجهودى الشخصى و الشغل انضف من اجدع ميكانيكى .

عموما حصل خير و زى ما قلتلك كدة انا زى اخوك الكبير و ليك انك تاخد بنصيحتى او لا براحتك و اتمنى ان شاء الله اننا نتقابل مرة انا من الدقى و لك منى ارق تحية . كريم

الموقع التانى اللى انت فيه مصرى ولا اجنبى؟؟؟ اصلى بصراحة اكتشفت اننا كمصريين مختلفين كتير اوى عن الاوروبيين و الامريكان فى طباعنا و ردود افعالنا و اللى ينفع هناك مينفعش هنا و العكس فا كنت عايز اعرف انت وصلت للاستنتاج دة برضة زيى ولا لا

قصة حياتك مع اسيارات مشابهة لقصة حياتى تقريبا... بس انا موصلتش لمرحلة تغيير جوان وش سلندر لكن اخدت سكة التعديلات... حسيت ان الحتة دى فيها ابداع اكتر من مجرد عمل صيانة

كلنا كدة كدة اخوات فى المنتدى و انا اتشرف بانك تبقى اخويا الكبير

MMamdouh

الموضوع: مساعدة فى صيانة 40000 لنوبيرا

LinkBack

أدوات الموضوع

عرض

-

-

-

-

المواضيع المتشابهه

مساعدة بخصوص صيانة 40000

صيانة 40000

صيانة ال 40000

صيانة 5000 لنوبيرا بيعملو فيها اية ؟؟؟؟

عايز اعمل صيانة 1000 لنوبيرا اعملها فين

الكلمات الدلالية لهذا الموضوع

المفضلات

المفضلات

ضوابط المشاركة