مشكلة فى سى دى الميجان 2 + مشكلة تانية بسيطة

**Rsarabia** · 20-08-2010 04:32 PM

اهلا بأعضاء نايل موتورز الكرام و كل رمضان و انتم بخير وان شاء الله تكونو كويسين

امبارح كنت بغير شوية حاجات فى الفيوزات اللى جوة الطالبوه اللى بتتفك اللى عليها مثبت السرعة و تعلية و توطية النور و الحاجات دى و من بعدها الارقام كلها اتصفرت ما عدا عداد العربية طبعا و السى دى بيطلعلى رسالة انه طالب الكود و انا كتبت الكود 9996 بعدين مش بيفتح و بدوس على اى حاجة مش قابل هل الكود غلط ؟ ولا المفروض اكتب الكود يفتح على طول ولا بدوس على حاجة ولا فى مشكلة فى الكهربا ولا ايه ؟

فى مشكلة تانية ان الاكصدام اتكسر حتة صغيرة من تحت و رحت لحمته لحام داخلى عند حد بتاع لحام فايبر و بقى تمام اوى بس الشكل العام بقى مش مظبوط لان البوية قشرت و انا مش حابب ارش الاكصدام كله عشان حتة صغيرة من تحت فهل فى طريقة ادارى بيها الشكل دا او هل فى لزق معينة او حاجة اغطى بيها الجزء دا بس ؟ و احط زيه فى اليمين و الشمال ؟

شكرا مقدما

**blazer** · 20-08-2010 08:50 PM

المشاركة الأصلية كتبت بواسطة rsarabia

فى مشكلة تانية ان الاكصدام اتكسر حتة صغيرة من تحت و رحت لحمته لحام داخلى عند حد بتاع لحام فايبر و بقى تمام اوى بس الشكل العام بقى مش مظبوط لان البوية قشرت و انا مش حابب ارش الاكصدام كله عشان حتة صغيرة من تحت فهل فى طريقة ادارى بيها الشكل دا او هل فى لزق معينة او حاجة اغطى بيها الجزء دا بس ؟ و احط زيه فى اليمين و الشمال ؟

شكرا مقدما

انت ممكن تشترى استيكر زى اللى على شكل الكاربون فايبر و تحط شريط منه على الكصدام من تحت والعتب كمان عشان الخدوش والحكات الخفيفه متأثرش فيها

**romiobek2000** · 21-08-2010 03:56 AM

الكاسيت عمل معايا كده فبل كده اضطريت اروح للتوكيل و برمجلي كود جديد

**triton** · 21-08-2010 08:32 AM

سؤال بره الموضوع ... بما ان معاك لانسر و ميجان ... ايه الفروقات اللي انت شايفها بينهم ؟

**Rsarabia** · 21-08-2010 05:54 PM

دلوقتى فى مشاكل جديدة
بعد ما الكهربائى فك الفيوزات و ركبها تانى مروحة الرادياتير بقت تشتغل لوحدها كدا و تطفى و كمان الزجاج الكهربائى بقا بيعلق يعنى ادوس ينزل حبة و يقف و كمان على سرعة بسيطة جدا على 1 rpm ال rpm بيعلى و ينزل لوحده انا قلت العيب من البطارية فغيرتها
هل تغيير البطارية او فصلة الكهربا عن الكمبيوتر بيحتاج انى اعاير الموتور تانى ؟؟

**Rsarabia** · 21-08-2010 05:55 PM

المشاركة الأصلية كتبت بواسطة blazer

انت ممكن تشترى استيكر زى اللى على شكل الكاربون فايبر و تحط شريط منه على الكصدام من تحت والعتب كمان عشان الخدوش والحكات الخفيفه متأثرش فيها

فكرة حلوة .. و ممكن الستيكر الابيض بس فى الحتة اللى تحت مش هيبقى جامد اوى زى الكاربون فايبر

**Rsarabia** · 21-08-2010 06:06 PM

المشاركة الأصلية كتبت بواسطة romiobek2000

الكاسيت عمل معايا كده فبل كده اضطريت اروح للتوكيل و برمجلي كود جديد

طيب و دا كان اتكلف كام ؟؟

**Rsarabia** · 21-08-2010 06:07 PM

المشاركة الأصلية كتبت بواسطة triton

سؤال بره الموضوع ... بما ان معاك لانسر و ميجان ... ايه الفروقات اللي انت شايفها بينهم ؟

فرق الخامات الداخلية لصالح الميجان بفرق ملحوظ جدا و كماليات ميجان اكتر بكتير جدا
الميجان انعم و ثابتة على السرعات العالية جدا اكتر من لانسر لكن لانسر رياضية اكتر يعنى موتور اقوى و ثبات ممتاز بردو بس مش ناعمة زى الميجان

**Ahmed Selim** · 21-08-2010 09:04 PM

الكاسيت ليه طريقة تدخل بيها الكود بتاعه موجودة فى الكتالوج بس أنا مش فاكرها بصراحة

و نصيحة......متخليش أى كهربائى يلعبلك فى العربية..........لازم حد يكون فاهم فيها أو على الأقل خالص......حد فاهم كويس مش حافظ.

كلم أيمن مومو momo10000 على الخاص و هو هيبعتك لحد كويس يراجعلك عليها.

-

الموضوع: مشكلة فى سى دى الميجان 2 + مشكلة تانية بسيطة

LinkBack

أدوات الموضوع

عرض

-

-

-

المواضيع المتشابهه

عندى مشكلة تانية !!!!!!!!!!!!!!!!!!!

مشكلة تانية

(عاندى مشكلة تانية بردة فى الميجان 2006)

مشكلة مرة تانية فى الميجان

مشكلة eror ظهرت مرة تانية

الكلمات الدلالية لهذا الموضوع

المفضلات

المفضلات

ضوابط المشاركة