بائع الموز الذي حكم ماليزيا

**Dr Ahmed** · 21-08-2010 06:29 AM

ياخواننا ولا حاجة هتنفع غير الثورة بجد

حدش بن حلال يخلصنا؟

**M.almaghraby** · 21-08-2010 07:15 AM

بس ثورة ثورة يعني

مش انقلاب عسكري تاني :))

.................................................. .....................

كل مرة اركب البروتون احس بعظمة بلد اسمها ماليزيا .... اتقدمت في 20 سنة تقدم مذهل :)

**Dr Ahmed** · 21-08-2010 07:20 AM

المشاركة الأصلية كتبت بواسطة dr.almaghraby

بس ثورة ثورة يعني

مش انقلاب عسكري تاني :))

الحمد لله أخيرا لقيت حد بيوافقنى إن ثورة يوليو مش ثورة وانها مجرد انقلاب عسكرى

لو حصل انقلاب من تانى كل اللى هيحصل إننا هنرجع لسنة 52 بمعطيات وواقع أسوأ وأضل سبيلا

انقلاب أو "ثورة" يوليو كانت بيضاء!!!!
دلوقت عايزة برنامج إبراهيم عيسى

**kamalsalem** · 21-08-2010 01:15 PM

انا رحت ماليزيا 10 ايام لما اتجوزت، ازاي الناس دول متواضعين كده واي حد نفسه يخدم، 10 ايام مطلعتش فيهم مليم فوق سعر اي حاجة وخدت احسن خدمة من غير ما اطلبها.

بقى حلم حياتي اني اروخ اشتغل هناك.

تعالوا يا جماعة نرجع لربنا عشان يرحمنا ويكرمنا ان شاء الله

**D . a .\ AYMAN** · 21-08-2010 04:08 PM

المشاركة الأصلية كتبت بواسطة Dr Ahmed

الحمد لله أخيرا لقيت حد بيوافقنى إن ثورة يوليو مش ثورة وانها مجرد انقلاب عسكرى

لو حصل انقلاب من تانى كل اللى هيحصل إننا هنرجع لسنة 52 بمعطيات وواقع أسوأ وأضل سبيلا

انقلاب أو "ثورة" يوليو كانت بيضاء!!!!
دلوقت عايزة برنامج إبراهيم عيسى

ياجماعة إحنا بنتكلم عن ماليزيا مش بلد تانية ....

عشان بس الموضوع مايتقفلش الله يكرمكم

لكن عموما الثورات اللى أنا أعرفها تلات أنواع ماعرفتش غيرها في حياتي لأن التعليم بتاعي ما إدانيش غيرها

- ثورة الأزهر ... ودي جابت محمد على .. وما بعده

- ثورات الشعب (19 .. 36 .. وعرابي وسعد وما الى ذلك) ودي زي قلتها وفرقتش كتير

- الثورة البيضاء ( ................ ) ... ودي جابت اللى إحنا فيه دلوقتي

مع العلم إن الأنواع دي حصرية إيه رأيكوا .. إختاروا بقى

لكن ثورة من اللى في خيالكوا والشعب كله يفوق ويختار ويطالب بحقه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

دي ما حصلتش من 7000 سنة منتظرينها تحصل دلوقتي ؟

**D . a .\ AYMAN** · 21-08-2010 04:20 PM

المشاركة الأصلية كتبت بواسطة kamalsalem

انا رحت ماليزيا 10 ايام لما اتجوزت، ازاي الناس دول متواضعين كده واي حد نفسه يخدم، 10 ايام مطلعتش فيهم مليم فوق سعر اي حاجة وخدت احسن خدمة من غير ما اطلبها.

بقى حلم حياتي اني اروخ اشتغل هناك.

تعالوا يا جماعة نرجع لربنا عشان يرحمنا ويكرمنا ان شاء الله

إحنا عندنا مبدأهم في السياحة .. إزاي تطلع اللى تقدر عليه من جيب السايح من غير ماتديله خدمه .. عشان تجيب أكتر كمية عملة أجنبية للبلد منه ومش مهم النتيجة

- سواقين التاكسي ممكن قوي يرموا السياح في أي حتة ماهم مش فاهمين هما فين المهم ياخدوا منهم المعلوم

- الفنادق بتتكلم في أسعار فلكية غير اللى في باقية الدنيا ليه وعلى إيه مش عارف

- ده حتى المصريين لما بيروحوا أي حتة زي مطروح ولا إسكندرية ولا .. طبعا إنتوا عارفين بيتعمل فيهم إيه

**mmedali1978** · 21-08-2010 08:14 PM

الف شكر وتقدير لحضرتك بهذا الموضوع الرائع واحب بس اعرف سيادتك اننى فى عملى بيسمونى مهاتير محمد وفى الحقيقه اصلا هما ميعرفوش ماهتير مين اصلا بس ده لانى متمرد دائما على كل ما هو خطأ والبلد طبعا كلها غلط فى مره من المرات جبت سيره مهاتير محمد قدامهم من يومها وهما دايما بيتريقوا عليا بكلمه مهاتير لكن ميعرفوش مين هو قولت ربنا يجعلنا بس صباع من مهاتير محمد ومره اخرى الف شكر لحضرتك على هذا الموضوع الرائع بس طبعا لازم نحط فى اعتبارنا ان فى فرق السما من الارض بين الشعبين المصرى والماليزى
وطبعا ناس كتير هتطلع تقول احنا مش عارف مين ومين ربنا يهدى ويولى من يصلح لكن (لا يغير الله بقوم حتى يغيروا ما بأنفسهم)

**Abo_Lina** · 21-08-2010 09:19 PM

شعب محترم مشى ورا قائد محترم و وصلوا لمكانة محترمة ..
أحييهم بجد و يا ريت شعب مصر بأكمله يبص على النماذج دي و يحس بالغيرة على بلده شوية ..

**memo_p910** · 21-08-2010 10:25 PM

شخص واحد شوفوا عمل ايه تقدم وازدهار في 20 سنه وفي بلد تانيه شخص واحد خرب البلد في 20 سنه برده

**D . a .\ AYMAN** · 23-08-2010 04:13 PM

المشاركة الأصلية كتبت بواسطة mmedali1978

الف شكر وتقدير لحضرتك بهذا الموضوع الرائع واحب بس اعرف سيادتك اننى فى عملى بيسمونى مهاتير محمد وفى الحقيقه اصلا هما ميعرفوش ماهتير مين اصلا بس ده لانى متمرد دائما على كل ما هو خطأ والبلد طبعا كلها غلط فى مره من المرات جبت سيره مهاتير محمد قدامهم من يومها وهما دايما بيتريقوا عليا بكلمه مهاتير لكن ميعرفوش مين هو قولت ربنا يجعلنا بس صباع من مهاتير محمد ومره اخرى الف شكر لحضرتك على هذا الموضوع الرائع بس طبعا لازم نحط فى اعتبارنا ان فى فرق السما من الارض بين الشعبين المصرى والماليزى
وطبعا ناس كتير هتطلع تقول احنا مش عارف مين ومين ربنا يهدى ويولى من يصلح لكن (لا يغير الله بقوم حتى يغيروا ما بأنفسهم)

ياباشا العفو

ماهي دي المشكلة مافيش مجال للمثاليات في حياة المواطن المصري .. مع إن هية الصح مش أكتر وغيرها هو الغلط

المشاركة الأصلية كتبت بواسطة tyler_durden

شعب محترم مشى ورا قائد محترم و وصلوا لمكانة محترمة ..
أحييهم بجد و يا ريت شعب مصر بأكمله يبص على النماذج دي و يحس بالغيرة على بلده شوية ..

بلاش الحقد ده بقى ... إحنا نبص بس

المشاركة الأصلية كتبت بواسطة memo_p910

شخص واحد شوفوا عمل ايه تقدم وازدهار في 20 سنه وفي بلد تانيه شخص واحد خرب البلد في 20 سنه برده

إحنا نبص بس آه ... لكن نتعظ لأ

الموضوع: بائع الموز الذي حكم ماليزيا

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

فوائد الموز... مهم لكل فرد فى الأسرة

لا تثق فى بائع المستعمل ولو كان دكتور جامعه

بائع الترماي - حقيقة مصرية :)

الكلمات الدلالية لهذا الموضوع

المفضلات

المفضلات

ضوابط المشاركة