اجيب الخوذة منيين ؟؟ و هية دى اسعارها ولا لا؟؟

**farid_c4** · 20-08-2010 11:10 PM

امبارح روحت مدينة نصر علشان اجيب خوذة و جونتى بقرار من الحج ( رئيس جمهورية البيت عندنا و النك نيم بتاعة بابا )انا طبعاا لسة جديد في موضوع الريس دا فسئلت خالد قالى روح لى ايمن فوزى و روحت بصراحة راجل قمة في الزوق و رحب بية جامد المهم من اول ما اتكلمت معاة عرفت ان مافيش عندة جونتى او سلايدر بس لئيت عندة كذا نوع من الخوذ (جمع خوذة على ما اعتقد ) في عندة نوع صينى ب 600 جنية بس انا حسيت انو بلاستيك فى نوع تانى تايلندى ب 950 و في نوع تالت ايطالى ب 1500 طبعاا الخوذة الاخيرة دى وهم يعنى حرام تلبسها على بيك دا انتا تلبسها و تطلع علي السطح عندك و تاخد الالطيارة ال f16 الى انتا راكنها فوق و تطير طبعاا انا اول مرة اسمع السعار دى و مكنتش عامل حسابى على المبلغ دة كلة ادفعة للخوذة بس فا عاوز اعرف هى دى فعلن الاسعار ولا اية ؟؟؟؟

**hassan14** · 21-08-2010 12:55 AM

بص يا فريد باشا انا عندى خوذة اسباني اسمها LS2 انا كنت جايبها وملبستهاش غير مرتين بالظبط لو عاوزها انا عارضها للبيع هى مقاسها لارج شوف لو تناسبك هى لونها اسود مطفى زى دى بالظبط
http://www.forthgear.co.uk/pub/files..._w450_h400.jpg

**hassan14** · 21-08-2010 12:56 AM

اه نسيت الفرق ان الاسكرينة بتاعتى بيضا مش سودا

**zoom2zoom** · 21-08-2010 06:21 AM

بص ياجميل هقولك علي حاجه في خوذ اشكالها شيك جدا واسعارها معقوله انتا اولا محتاج حاجه عليها ال DOTولا لا ودي معناها ان الخوذه معتمده من وزاره النقل في امريكا او ممكن تشتري حاجه لطيفه انا مجربها وعجباني INDX دي بتبدا من 250 لكن مش عليها ال DOT بس خليك في الامااااااااان واقرص علي نفسك شويه في الفلوس وهات حاجه زي agv او ICON وممكن تروح عند تامركو تاخد فكره بس متشتريش علطول عشان هو ممكن يقولك سعر وبعد ساعه سعر تاني خالص لو حاجه عجبتك قولي وانا هدلك تعمل ايه وتجيبها بسعر اقل شويه منين

**nemous** · 21-08-2010 08:26 AM

روح عند أحمد فهمي في العجزا عنده شوية خواذ تحفة, وبلاش تسترخص وهات ماركة معرفة ومدمنة زي الماركت دي ( ICON, Scorpion, AGV, Shark)

**zoom2zoom** · 21-08-2010 06:07 PM

المشاركة الأصلية كتبت بواسطة nemous

روح عند أحمد فهمي في العجزا عنده شوية خواذ تحفة, وبلاش تسترخص وهات ماركة معرفة ومدمنة زي الماركت دي ( icon, scorpion, agv, shark)

هو انتا الكي بورد عندك بايظ ولا الفوناتكس

**farid_c4** · 21-08-2010 07:17 PM

متشكر جداا شباب على الاهتمام و المساعدة

**R_A_M_Y** · 22-08-2010 12:49 AM

لا للرخيص و لا للصيني
انت اغلي منهم بكتير و يا رب ما تجربها ابداااااااااااااااااااااا اا
روح بص عند هيثم لطفي و اسامة لاشين هما برضة في مدينة نصر
lazem dot :)