مراكز الخدمة

**Sharky** · 26-05-2007 07:27 PM

مراكز الخدمة :

* مركز خدمة عز العرب :
* طريق القاهرة الأسكندرية الصحراوى
ت/ 5390601

* الإعلام :
ت/ 3025363

* الأسكندرية:
5003001/03

* مركز خدمة أمير و جوزيف :
ش ذاكر حسين - مدينة نصر
ت/2721412

*أتوماجد سيرفيس:
9ش الأربعين من جسر السويس - مصر الجديدة .
ت/22990888[/font]

**Aladdin** · 12-07-2007 09:54 AM

سلام عليكم جميعا
حد جرب امير و جوزيف في صيانة ال AX يا جماعة انا رحت عز العرب الراجل اللي ما بنصلحهاش :shock: انا مش عارف اصلحها فين عزيزة دي :lol:

**Sharky** · 12-07-2007 09:57 AM

السلام عليكم

بصراحة أنا معرفش بس كل اللى أعرفه إن الناس بتشكر فى مركز خدمة أمير و جوزيف و هما بيشتغلوا فى السيتروين

**Aladdin** · 12-07-2007 10:01 AM

انا سمعت كده برضه من كذا واحد بس عندهم C4 مش عربيات اديمة مافيهاش كمبيوتر زي ال AX ان شكلي هاجربهم و نحكم بعدها

**khaled_mahmoud** · 13-10-2007 02:46 AM

يا جمعاعة منصحش حد بعز العرب و لا امير و جوزيف الاتنين غالييييييييييين موت
اعرف واحد عندو Ax طلبو منو 24000 جنية عمرة موتور و العربية سعرها 26000 جنية
و كمان واحد عندو اكسارا 2 الفتيش علق طلبو منو 12000 جنية
انا عندي Xara 1 و مجرب
و بقيت بتعامل مع ناس تانية خالص و اللي مش مصدق يروح برجلية و ربنا معااااااااه

**Sharky** · 13-10-2007 02:56 AM

ممكن يا أستاذ خالد تحط لنا أسماء و عنوانين الناس اللى إنت بتتعامل معاهم

**Aladdin** · 14-10-2007 12:19 AM

في الاول مل سنة وانتوا طيبين بمناسبة العيد اعاده الله علينا بالخير و البركات.
أنا صلحت العربية عند امير و جوزيف و بصراحة ما حستش انهم كانوا غاليين ولا حاجة يالعكس المصنعية كانت معقولة جدا و قطع الغيار كانت اسعارها اقل من لما بشتريها من عند مركز قطع الغيار بتاع وسط البلد بتاعهم. مثلا غيرت جلب العفشة و ظبط الكربراتير و الكهربا و كل ده المصنعية 150 جنيه و هم امناء جدا جدا و حريصين على النظام لدرجة ان القسيس كان بعدي في الدور و ما دخلش قبل اي حد بالعكس دخل في دوره بالظبط. بس ما عجبنيش حاجة واحدة هي انهم ما بيكشفوش المشكلة ياعني لازم تقولهم المشكلة ايه بالظبط . انا كنت هاتجنن لان خبرتي محدودة جدا ومش مميز اي صوت او اي مشكلة فلما بقول في صوت مش مريحني بيطلب مني منين او ازاي او كده. بمعنى اصح ماتوديش العربية و تقوله صلحها لازم تقول صلح كذا و كذا...

**khaled_mahmoud** · 14-10-2007 02:42 AM

يا جماعة دا بناء علي تجربة لاني عندي اكسارا و طلع عيني عقبال لما لقيت حد مريح في الاسعار و كمان شغلو
واحد فاتح ورشة في ناهية و اسمو خالد بس مش انا يا جماعة و اللة هو اسمو خالد خلف
و دا رقم تليفونو 0103770049
و بجد مش هتندم لانو فعلا متخصص جدا في الستروين و البيجو و انتو عارفين الاتنين بقو واحد
و علشان انا عارف ان مشكلة الستروين في بلدنا انها مش منتشرة كقطع غيار و ميكانيكية علشان كدة حاجتها مش رخيصة
دي نصيحة اخ و انتو احرار

**أحمد الدرعه** · 28-12-2007 03:20 AM

انا جربت الاتنين عز العرب وأمير وحوزيف
الاتنين ذوق ومكان نضيف بس غاليين موووت .. كل ما هنالك ان فرق امير وجوزيف عن عز العرب حوالي 100 الي 150 ج في المصنعيه انما كل قطع الغيار سعرها عندهم زي بعض بالضبط
يعني مثلا لو عز العرب هيدفعك 350 مصنعية فقط عشان يغيرلك تيل فرامل وفلاتر امير وجوزيف هيدفغك 200 جنيه في شغلانه المفروض مصنعيتها متاخدش بالكتير 50ج من الاساس ده غير انهم دايما عندهم زحمة ودور طويل يعني اليوم بيروح كله عندهم..
فانا قررت اني اغير الحاجات اللي كل شويه باعملها تيل وفلاتر وما شابه عند اي ميكانيكي محترم -لو حد يعرف حد كويس يرشحه- لاني بصراحه استويت من الاتنين دول انما لو لا قدر الله هافتح حاجه في موتور ولا كده هاخاف صراحه وهاضطر اروحلهم فيها -ربنا ما يحوجنا لكده-.

بالمناسبة صحيح في استشاره سريعه .. بالنسبه لقطع الغيار زي التيل والطنابير والحاجات دي هل تغييرها بحاجات مش اصليه بس برضه صناعه اوروبيه عادي؟ لأنها بتفرق جامد في السعر مثلا التيل الاصلي ب 350ج والصناعه الاوروبيه من محلات في شارع ددمشقفي مصر الجديدة ب 225ج وعلي كده كل حاجه فيها 100 , 150 ج توفير ان مكانش اكتر فايه رايكم ايه قطعه الغيار اللي ممكن تجيبها كده وايه لازم تجيبه اصلي ؟

**habdelbar** · 24-01-2008 10:38 PM

السلام عليكم جميعا
انا اسمى هشام عبد البر وحاليا عندى زد اكس بس لسه يا دوب بقالها خمس ايام لكن كان عندى قبليها ايه اكس لمدة خمس سنين.
انا فيه ميكانيكى مرتاح معاه اوى الحمد لله وكل بتوع الاجرة عارفينه اسمه محمد الابيض وده فى زينهم هو عيبه مكانه بس مش حلو فى بداية مطلع زينهم بتدخل شمال من عند مستشفى بروك الخيرى (بيطرى) وبعدين تانى يمين هاتلاقيه فى الوش
انا مرتاح معاه اوى هو فاهم كويس اوىىى فى الستروين وبيشتغل فيها هى بس وعنده حاجاتها كمان استيراد وممكن يجيب جديد بالطلب وارخص من امير وجوزيف شوية واسعاره اغلى شوية من اى ميكانيكى عادى لكن طبعا مش زى امير وجوزيف . انا راى مثلا ان امير وجوزيف تروحلهم لو حاجة محتاجة ظبط بالكمبيوتر لو بتغير حاجة بيكسبو جامد من قطع الغيار وبيكسبو جامد من المصنعية.