النهارده جربت عربية زميلتي في الشغل والعربيه ماشاء الله
الفتيس كان بالنسبة ليا غريب شوية بالنسبة للانوس يعني وضع المور بتاع الجين 2 زي مكان الأول بالنسبة للانوس
مش شايف الكبوت خالص والرؤيه الخلفية مش قد كده وتقريبا مش شايف حاجه من ورا
العربيه اول ماسقتها حسيت انها عربيتي يعني طلعت بيها عادي ومنتشتش مني خالص وده مش بيحصل لما اركب اي عربيه غير عربيتي خصوصا ان دبرياج عربيتي واطي
الفتيس مش عارف حاسه قصير او النقلات مش سلسه قوي والفرامل كنت بدوس نص المشوار ولسه مفيش بس زميلتي من قبل مااركب قالتلي ان الفرامل فيها مشكله وهي رايحه التوكيل السبت الجاي وان شاء الله هروح معاها عشان اشوف الوضع
الكاسيت والسماعات معجبونيش قوي بس حلوين والأضاءه مش احسن حاجه بس لما تبقي خافته من الزارر اللي في التابلوه بيبقي شكلهم حلو
اجمالا العربيه عجباني قوي وشكلي كده هعملها بس الاقي وقت