العربية مش راضية تدور الحقوني بسرعة مش عارف اعمل اية

يا اجماعه العربية على طول بتدور من اول مرة
انهاردة رايح الشغل الصبح أجي ادور أسمع صوت تكة :majd(4): ومفيش اي حاجة بتحصل ولا صوت مارش ولا اي حاجة هو مجرد صوت تكة بس أحاول تاني مفيش فايدة فتحت الكبوت وشوفت كبلات البطارية لقيتها ثابته مكنها زي الفل وكل حاجة بافتح الباب نور الصالون بينور ولما بادور لمض التابلوة بتنور جربت وخليت الناس زقوني العربية دارت وطفت وزقو تاني انسا يا عمرو مفيش أي أمل
وأديني رحت الشغل بالمواصلات واتأخرت ساعة وربع :_Alshmokh08[1]: وهارجع مواصلات ومش عارف هاعمل اية انا في مدينة بدر ومعرفش أي ميكانيكي هناك
يا ريت تساعدوني بسرعة عشان لما اروح اعرف اتصرف
مستني ردودكم

مشكلة فى اتوماتيك المارش

غالبا 90 % البطارية باظت . فيها ربع . تنور انوار ماشى كلاكس ماشى بس الدوارة مع موتور البنزين انسى انها تقوم العربية . شوف حد يديك وصلة و شوف كهربائى يكشف على البطارية

اعتقد البطاريه

بص يا باشا هات زلطة من الارض و هتلاقى سكلين ماسكين فى البطارية خبط على الحلقة الحديد اللى حوالين العواميد بتاعت البطارية خبط عليها 10 مرات كدة مثلا بس بالراحة و مش من النص من الاطراف و دور العربية وادعيلى

اقتباس:

---

المشاركة الأصلية كتبت بواسطة matrixco

بص يا باشا هات زلطة من الارض و هتلاقى سكلين ماسكين فى البطارية خبط على الحلقة الحديد اللى حوالين العواميد بتاعت البطارية خبط عليها 10 مرات كدة مثلا بس بالراحة و مش من النص من الاطراف و دور العربية وادعيلى

---

هذا الحل 80% يفسد البطارية دا على اساس انها سليمة كدة انت بوظتها لا البطارية اكيد مش جديدة . طبعا اساس كلامك ان الاوتاش مهرب يبقى احسن يفك و يغسل بمية سخنة بدل الظلطة . و بعدين بيبان لو فى تمليح حوالين الاوتاش دا ممكن يؤدى لتهريب او ضعف توصيل دا لو بطارية سائلة اما الجافة صعب تلاقى اى تمليح و بيكون بطارية باظت . اولا صاحب المشكلة لازم يعرف البطارية عمرها اد اية اذا عدت سنة و نص يبقى تتغير و برضة يكشف الاول ممكن يكون عندة عيب فى الدينامو شحن قليل او ممكن شحن عالى و هيكون اما دينامو او كتاوت الشحن .

انا عندى نفس المشكلة بقالى اسبوعين .... مابسمعش صوت المارش خالص لما اجى اشغل العربية ..... بس بجرب كذا مرة فالمارش بيشتغل والعربية بتشتغل عادى
و البطارية جديدة برده ماكملتش 3 شهور
بس لما كنت بغير البطارية كانت السلوك اللى بتتربط فيها مملحة و الراجل غسل الملح و نظفه تمام بس لما فتحت الكبوت علشان اشوف البطارية الجديدة مالها لقيت الملح اتكون مرة تانية و مش عارف ايه السبب ....

يا ريت حد يقدر يفيدنا
ولكم جزيل الشكر

اقتباس:

---

المشاركة الأصلية كتبت بواسطة m_kamal

انا عندى نفس المشكلة بقالى اسبوعين .... مابسمعش صوت المارش خالص لما اجى اشغل العربية ..... بس بجرب كذا مرة فالمارش بيشتغل والعربية بتشتغل عادى
و البطارية جديدة برده ماكملتش 3 شهور
بس لما كنت بغير البطارية كانت السلوك اللى بتتربط فيها مملحة و الراجل غسل الملح و نظفه تمام بس لما فتحت الكبوت علشان اشوف البطارية الجديدة مالها لقيت الملح اتكون مرة تانية و مش عارف ايه السبب ....

يا ريت حد يقدر يفيدنا
ولكم جزيل الشكر

---

نوع البطارية اية ؟ سائلة و لا جافة ؟؟

وانا برضو بعاني من نفس مشكله حضرتك بس في الغالب ده عيب مارش

انا ملاحظ حاجه ان في عيوب منتشره عندي وعند ناس تانيه الايام الحر دي زي مشكله حضرتك
ومشكله ان العربيه بتبطل ومترضاش تدور ودي غالبا بتكون مشكله طرمبه بنزين

اقتباس:

---

المشاركة الأصلية كتبت بواسطة karimfahmy99

غالبا 90 % البطارية باظت . فيها ربع . تنور انوار ماشى كلاكس ماشى بس الدوارة مع موتور البنزين انسى انها تقوم العربية . شوف حد يديك وصلة و شوف كهربائى يكشف على البطارية

---

100%

اقتباس:

---

المشاركة الأصلية كتبت بواسطة karimfahmy99

نوع البطارية اية ؟ سائلة و لا جافة ؟؟

---

البطارية جافة و نوعها ايه سى دلكو

اخواني في المنتدي أنا مش عارف اشكركم ازاي على ردودكم دي وانا فعلا فرحان بيها مع اني لغايت اما مشيت من الشغل امبارح مكنش حد رد عليا المهم ومكنتش عارف هاروح اعمل اية
المهم انا امبارح روحت ودورت على كهربائي لقيت فيه اتنين جنب بعض على بعد بتاع كيلو كدة في المنطقة الصناعية في بدر أخد التكتك المكار ورحت على هناك واقوله العربية مبتدرش وفيها كذا كذا وهو يقولي هاتهالي اقولة يا عم اجيبهالك ازاي يقولي زقها او اقطرها المهم يا عم يهديك يرديك فضل لاطعني ساعة وفي الآخر تكرم عليا وأخدني في عربيته الفارهة موديل 30 أو حاجة و30 اللي الباب بيتفتح عكس المهم رحنا على العرببية وهو كل اللي جايبة معاه كابل طويل وبنسة بس وفضل يلمس البطارية وتشرز لغاية اما وصل بسلامة الله ان المشكله في الكتاوت في سلك من اللي داخل فيها سايح وعليه قالي روح بقا هاتلي كتاوت يعني اطخ المشوار ده تاني واسيبه في عربيتي المهم قالي هاحاول اتصرف قص السلك وظبطه وشال العلبة البلاستيك بتاعة الكتاوت وزقالي عايز شيكرتون ومفك صليبة (يعني جاي ومعهوش مفك) المهم اتصلت بالمدام نزليلي مفك وشيكراتون وانجز المهمة والعربية رجعه الحمد لله وما شاء الله تدور من أول مرة زي الاول رحت فطرت واخدت المدام والولد وطلعت على والدي في العباسية قلت استجم من حرقة الدم.
وربنا ميوقعكمش في مصيبة ولا صنايعي زي بتاع امبارح دة بارد
وموضوع البطارية بطاريتي بقالها حوالي 11 شهر او اقل
معلش طولت بس

الحمد لله انها جت على قد كده وطلعت حاجه بسيطه وربنا يسترها معاك ومعانا
كل سنه وحضرتك طيب

اقتباس:

---

المشاركة الأصلية كتبت بواسطة smaalos

الحمد لله انها جت على قد كده وطلعت حاجه بسيطه وربنا يسترها معاك ومعانا
كل سنه وحضرتك طيب

---

وحضرتك بالصحة والسلامة
وفعلا الحمد لله انها جت على كدة
وربنا يسترها معانا جميعا

حاول تجيب كتاوت وتركبه اضمن

اقتباس:

---

المشاركة الأصلية كتبت بواسطة a.saad

حاول تجيب كتاوت وتركبه اضمن

---

عندم حق وانا ان شاء الله هاعمل كدة بس