الموضوع: اكبر مشكلات المازدا فى مصر

السلام عليكم...
فى البداية احنا طبعا عارفين ان سيارة المازدا 3 موجودة فى السوق من حوالى 7 سنوات. ناس كتير جدا اعجبت بيها وناس كتير برده ليها تعليقات عليها .
احنا عايزين نعمل الصفحة دى علشان نعرف مشكلات العربية دى وامكانية حلولها . للتسهيل على المشترى او على الشخص اللى اشترى العربية لاتخاذ القرار المناسب سواء بالشراء او بحل المشكلة.
يا ريت يا جماعة كلنا نشارك ونعرف آراء بعض ونفيد ونستفيد من بعض.
وشكرا

المشاركة الأصلية كتبت بواسطة medo_hammad

مشكلة مازدا الوحيدة هي قطع الغيار

انا معاك فعلاً يمكن اكبر مشكلة ف العربية دي هيا قطع الغيار لكن الكلام ده كان من فترة مش قريبة .
لكن دلوقتى انا ملاحظ انها بقت متوافرة جدا مقارنة بالفترات السابقة.
واسعار قطع الغيار هاتنزل قريب جدا على فكرة الكلام ده من مصدر موثوق منه فى سونستا موتورز.

قطع الغيار مش موجودة فى التوكيل وبرة

المشاركة الأصلية كتبت بواسطة pharonicking

قطع الغيار مش موجودة فى التوكيل وبرة

هو فعلا الكلام ده صحيح جدا بس دلوقتى انت ممكن تلاحظ بنفسك ان مصادر قطع غيار مازدا بقت كتيرة جدا وعلى العموم لو حضرتك دورت على حاجة وماقيتهاش انا ممكن اشوفهالك واقوللك هى موجودة فين بالضبط.

المشاركة الأصلية كتبت بواسطة bassem_sams

بسم الله الرحمن الرحيم

انا معجب جدا بالمازدا لأنها:
1- سيارة يابانيه و الشكل الخارجى جميل و فخم
2-من داخل جوده خامات عاليه و تقفيل ممتاز
3- كماليات رهيبه و كثيرة جدا مثل ما موجود فى سيراتو و كورولا
4-موتور قوى و ثبات محترم

و كان فى نيه لشراؤها لكن بعد البحث وجدت هذه نقطه محيرانى و يمكن ان اكون خاطىء:
1- واطيه نسبيا و احيانا و هى محمله بتحك فى مطبات
2- لأسف صالون مش واسع خاصه فى الكنبه الخلفيه ضيقه نسبيا ليس كفئه منافسيها مثل كورولا و لانسر
3-شنطه مساحتها ليست بسيئه عند سفر
4-سعر اعادة بيع و قطع غيار و انتشار ليس جيد

و هذا راى بصراحه و يمكن ان اكون خاطىء فى بعض نقط كما قلت و اتمنى من اخوة تصحيحها يمكن يخلونى ارجع افكر فيها تانى

انا معاك فى كل اللى قولته الا موضوع ان العربية واطية نسبيا ليه ما تقولش ان مطبات مصر هى اللى عالية وبزيادة

المشاركة الأصلية كتبت بواسطة waelabdualla

انا مع محمود بصراحة واطية جدا لدرجة كنت فى مشوار ومش مركب كتيير يعنى يا دوب انا ومراتى واختها وحماتى و بنتى وابنى صغيرين
و جينا فى مطب العربية منفعش تعدى من عليه و وقفت ياما كانت هتحك لدرجة رهيبة فنزلتهم وعديت المطب
وقطع الغيار اكيد غالية جدا عن الباقى
دى عيوبها من وجهة نظرى

شكرا على مشاركتك معانا بس احنا عارفين ان المطبات فى مصر كتيرة جدا بس مش كلها عالية لدرجة انها تخلى العربية تحك فى المطبات كتير.