الموضوع: اكبر مشكلات المازدا فى مصر

المشاركة الأصلية كتبت بواسطة medo_2060

وعليكم السلام
انا معاك ان العربيه جميله
بس فى مصر مستحيل هيبقى ليها سوق بسبب
- التوكيل اساسا مش جايبها
- لو موجوده بتنزل بسعر عالى عشان سعه الموتور كبيره زى الكامرى مثلا وتمنها بيعدى 500 الف وبكدا بقت بتمن المرسيدس والبى ام والقائمه تطول ومحدش هيسيب العربيات دى ويجيب مازدا... وهى منتشره بره عشان العكس سعرها قليل ومنافس وكذلك فى دول الخليج نفس القصه.
تحياتى لحضرتك

+1111111

انا اعتقد ممكن تكون 400 مثلا بس اكيد الواحد يركب بى ام مستريح افضل فى مصر

المشاركة الأصلية كتبت بواسطة medo_hammad

مشكلة مازدا الوحيدة هي قطع الغيار

انا معاك فعلاً يمكن اكبر مشكلة ف العربية دي هيا قطع الغيار لكن الكلام ده كان من فترة مش قريبة .
لكن دلوقتى انا ملاحظ انها بقت متوافرة جدا مقارنة بالفترات السابقة.
واسعار قطع الغيار هاتنزل قريب جدا على فكرة الكلام ده من مصدر موثوق منه فى سونستا موتورز.

المشاركة الأصلية كتبت بواسطة pharonicking

قطع الغيار مش موجودة فى التوكيل وبرة

هو فعلا الكلام ده صحيح جدا بس دلوقتى انت ممكن تلاحظ بنفسك ان مصادر قطع غيار مازدا بقت كتيرة جدا وعلى العموم لو حضرتك دورت على حاجة وماقيتهاش انا ممكن اشوفهالك واقوللك هى موجودة فين بالضبط.

المشاركة الأصلية كتبت بواسطة bassem_sams

بسم الله الرحمن الرحيم

انا معجب جدا بالمازدا لأنها:
1- سيارة يابانيه و الشكل الخارجى جميل و فخم
2-من داخل جوده خامات عاليه و تقفيل ممتاز
3- كماليات رهيبه و كثيرة جدا مثل ما موجود فى سيراتو و كورولا
4-موتور قوى و ثبات محترم

و كان فى نيه لشراؤها لكن بعد البحث وجدت هذه نقطه محيرانى و يمكن ان اكون خاطىء:
1- واطيه نسبيا و احيانا و هى محمله بتحك فى مطبات
2- لأسف صالون مش واسع خاصه فى الكنبه الخلفيه ضيقه نسبيا ليس كفئه منافسيها مثل كورولا و لانسر
3-شنطه مساحتها ليست بسيئه عند سفر
4-سعر اعادة بيع و قطع غيار و انتشار ليس جيد

و هذا راى بصراحه و يمكن ان اكون خاطىء فى بعض نقط كما قلت و اتمنى من اخوة تصحيحها يمكن يخلونى ارجع افكر فيها تانى

كلامك جميل جدا وفعلا انت قربت الموضوع اوى و لميته كله علينا .
1-هو فى الحقيقة العربية مش واطية بس فى نفس الوقت من عالية العلو المطلوب .اما بالنسبة لمشكلة المطبات فأكيد حضرتك عارف اننا فى مصر واكيد برضه حضرتك عارف المطبات دى ممكن بتتاخد من الجنب.
2-اما بالنسبة لمشكلة الصالون هو فعلا ضيق نسبيا مقارنة بالنيسان تيدا بس المفروض الاول كنت ظبط قاعدتك على العربية من عند كرسى السائق وبعد كده كنت شوفت الوسع بتاع الكنبة.
3-بالنسبة لموضوع الشنطة من وجهة نظرى المتواضعة ان الشنطة مساحتها مش صغيرة.
4-بالنسبة لسعر اعادة البيع و الانتشار :فخلاص العربية بقى ليها تجار كتير فى مصر وبقت منتشرة اكتر من الاول والبتالى ده هاينعكس على سعرها فى المستقبل.
-----------------------------------------

المشاركة الأصلية كتبت بواسطة lepermessiah

انا لسه بعمل مقارنه بين المازدا و الكورولا و كنت عند شيرين كار من يومين اشوف العربيه ديه اخبارها ايه لقيت التالى

1- العربيه مش واطيه (ارتفاعها بالضبط زى البومه اللى مانت عندى)
2- الكنبه الخلفيه فى مسع البومه برضه بالضبط بس الكورولا اوسع
3- الشنطه صغيره للأسف

و هاعمل موضوع عنها كمان شويه

يارب اكون افدت

شكرا جدا على مشاركتك واحنا فى انتظار موضوعك

المشاركة الأصلية كتبت بواسطة ceratokoup

بالنسبة للمازدا 2010

1- الشنطة مش صغيرة ولا حاجة اد الكرولا تقريبا
2- مش واطية مقارنة بالعربيات التانية بس للاسف شوارع مصر العزيزة متنفعش فيها العربيات النضيفة
3- بسمع ان قطع غيارها غالية جدا و مش متوافرة و في ناس بتشتكى من غبور اوتو ياريت لو حد عندة معلومات كافية يوضحلنا اكتر ؟
4- العربية فخمة جدا و لما ركبتها احساس انك راكب عربية bmw دون مبالغة

شكرا على مشاركتك
بس احنا ممكن من خلال الصفحة ده نحل جزء من مشكلة قطع الغيار . يعنى لو حد مش لاقى حاجة معينى ممكن ندورلو عليها
ونقولله على السعر بتاعها.

المشاركة الأصلية كتبت بواسطة maserati

السلام عليكم و رحمة الله و بركاته

انا كنت بسأل على العربية ال mazda 6 , هى مواصفاتها ايه و كام سى سى و موجودة فى مصر و لا لأ و بكام يا ترى ؟؟؟

أصل أنا كنت شوفت منها موديل 2010 بره و كانت بصراحة أكتر من رائعة و كمان بتعالج كل العيوب اللى السادة الأعضاء الأفاضل قالوا عليها فى العربية ال mazda 3 .

http://www.netcarshow.com/mazda/2009-6_sap/

http://www.netcarshow.com/mazda/2009-6_us-spec/

http://www.netcarshow.com/mazda/2011-6/

ياريت اللى عارف أى معلومات اكيده عنها , يقولنا لأن أنا شايف انها عربية ممتازة جدا و لو نزلت مصر بشكل تجارى , هتكون من العربيات اللى هتاكل السوق و خاصة الموديل 2010 - 2011 .

مازيراتى كواتروبورتيه

هو فعلا العربية دى عربية جميلة جدا انا هاجهزلك كل معلوماتها وهارد عليك النهاردة من خلال الصفحة دى.شكرا لمشاركتك

المشاركة الأصلية كتبت بواسطة frozen_pain

انا معاك فى كل اللى قولته الا موضوع ان العربية واطية نسبيا ليه ما تقولش ان مطبات مصر هى اللى عالية وبزيادة

فعلا الكلام ده مظبوط بس هى المطبات اللى فى مصر كتيرة جدا لكن مش كلها عالية يعنى ده مش بيأثر فى العربية بنسبة 100% وبعدين احنا اتعودنا فى مصر على حل المشكلة دى بالطرق اللى عارفينها طبعاً