ارجو المساعدة والرد من خبراء السيارات بالموقع

**semsemrotana** · 21-08-2010 05:54 PM

السلام عليكم ورحمة الله وبركاته

بعد ازنكم يا خبراء الموقع استفسار كدا رخم شوية لان بجدانا زهقت من الجو الحر دا وبقا الواحد بيركب العربية بتاعته عامل زى الواخد شاور باللبس بتاعه
انا عربيتى 128 موديل 84 موتور 1100 سى سى
انا سمعت من ناس ان ممكن يتركب ليها تكيف وناس تانية تقول غلط بيكون حمل على الموتور
طيب انا شوفت بقا ناس مركبة تكييف فى سزوكى ماروتى وطبعا هييا كلها على بعضها 800 سى سى وكمان فى سيارة ايديا نازلة فى السوق 1000 سى سى وكمان 1100 سى سى بتكيف وشغال كويس
طبعا انا اسف لان مطول عليكم لاكن اكيد فى حل لموضوع حمل التكيف اللى على الموتور يعنى يكون تكيف مثلا اقل شوية فى التحميل اكيد ليكم انتوا خبرة فى الموضوع او يكون تكييف الكمبريسور بتاعوا اقل او اصغر ياريت بجد تفيدونى فى الموضوع دا ولو فى حد بيشتغل فيه ياريت العنوان او الارقام
ولكم مننى جزيل الشكر

**semsemrotana** · 22-08-2010 10:25 AM

ايه يا جماعة فين خبراء الموقع انا متابع معاكم ومستنى ردكم على الموضوع

**semsem_uno** · 23-08-2010 12:11 AM

اهلا يا ابو السماسم
معاك سمسم بردو :))))

قبل ما تفكر تركب تكيييف لازم يكون كل كاوتشات ابوابك سليمة مش مقطوعة و مفيش اي فنحات في الصاج ولا في الأرضية و الكلام ده عن طريق ان سمكري نضيف و سروجي يفكو الفرش بالكامل (تبقي عالصاج) و يتسد اي فتحات او اخرام

و تشيل التابلوه و تعمل عازل بين الموتور و التابلوه و برده تسد الفتحات ما عدا اماكن السلوك و كده

لازم يكون الموتور مش تعبان
يعني مش محتاج عمرة او طقم شنبر او كده و كله تمام
تركب بوجيهات من نوع كويس و تتأكد بردو من ان دورة التبريد سليمة 100% و العربية مش بتسخن

التكييف بقي
هتجيب تكييف جديد طبعا و هو تكييف ياباني من نوع sanden و التوكيل بتاعه في المعادي و سعره 2500 (تكييف كامل ياباني نضيف جداا) و ضمان سنة بالتركيب

و بيبقي معاه مروحة بتتركب زيادة للتبريد

**semsemrotana** · 23-08-2010 08:54 PM

اهلا يا ابو السماسم كلها
انا بشكرك على ردك يا حبى واهتمامك
وانا معاك فعلا كل كاوتش البيبان وكمان الفتحات وكل دا محكم الحمدلله
وكمان الموتور حالته زى ما كل المكانيكيا اللى روحت ليهم كويس بنسبة 75 او 80 % الحمدلله
وبالنسبة للتكيف اللى حضرتك بتقول عليه هل دا فعلا يركب على موتور فيات 128 موديل 84 وكمان 1100 سى سى ومش هياثر على الموتور ولا حاجة
وهل فعلا فى نوع تكييف بيشتغل على البطارية ومالوش توصيل ولا حاجة ع المكانة وكدا ولا ايه
انا اسف لان بطول بس بجد انا محتاج اركب تكييف انتا شايف الجو بس هنعمل ايه بشوف كل الحاجات والاحتمالات عشان اكون مطمن وانا بركبه
فى انتظار ردك يا سمسم
متابع