طلب بخصوص مروحة التابلوه؟؟؟

**mona_881** · 22-08-2010 01:50 AM

أولا كل عام وكل أعضاء نايل موتورز بصحة وسعادة بمناسبة شهر رمضان الكريم
من فضلكم يا جماعة دي أول مشاركة لي في المنتدي (أول طلب يعني) ويارب حد يرد عليا ويفيدني

أنا معايا 2107 موديل 2008 ومش فيها تكييف (وبصراحة مش معايا فلوس أركب تكييف)
علشان كده كنت باسأل علي مروحة التابلوه ياتري تتكلف كام ويا تري هاتجيب هوا ولا لأ
علما بأن التابلوه فاضي من جوه يعني لسه المروحة هاتتركب والخراطيم بتاعتها هاتتحط في الريش علشان تطلع هوا من الريش (اللي قاللي الكلام دا واحد كهربائي)
أرجو النصيحة لأختكم في الله لحسن يكون الكهربائي ده بيشتغلني ولا حاجة
حاجة أخيرة .. أنا مش عاوزة أحط المروحة الصغيرة اللي فوق التابلوه دي عشان شكلها بيدي علي تاكسي خالص ههههه شكرا وأسفه علي الإطالة ورمضان كريم

**osamram** · 23-08-2010 02:06 AM

عندى نفس السؤال وياريت حد يفيدنا

**mona_881** · 25-08-2010 04:26 AM

يا جماعة من فضلكم حد يفيدني في الموضوع ده علي وجه السرعة
الصيف قرب يخلص والجو لسه نار واللادا عامله زي الساونا أكيد كلكم مجربين الحر بتاعها
وشكرا علي حسن التفاعل في المنتدي

**mado_9999** · 25-08-2010 04:50 AM

السلام علكيم ايوة هى ممكن تركب بس هى هتبقى ضعيفه والهواء هيبقى ساخن وتكلفه على الفاضى

**a7madramadan** · 27-08-2010 02:13 AM

بيركبلها عادي جدا ....بس هواها سخن قوي قوي قوي ..... حرام تسخن نفسك افتح الشباك ارحم والله و لو انت في مشوار طويل و فتحت المروحة هتولع

وحاجة تانية لو معاك 3000 جنيه زيادة وقررت تركب تكييف خلي بالك ان العربية اساسا موش معموله علشان يتركب فيها تكييف .... العزل الحراري معدووم تماما هتحس بالتكييف فقط لو قربت وشك من الفتحات و بس .... دي نصيحة عن تجربة شخصية في سيارة جاري

**miso8489** · 27-08-2010 03:56 PM

انا عربيتى فيها مروحه ف التابلوه هى نازله كده اصلا هى روسى بس الحقيقه ان المروحه زى قلتها تقريبا مبتجيبش هوا

**smsm061274** · 28-08-2010 11:23 AM

انا جايب المروحه الصغيره فوق التابلوه ب35 جم والحقيقخ جايبه نسمه هوا ومليش اى دعوه بشكلها لان الادا اصلا شكلها وحش

**a7madramadan** · 28-08-2010 05:58 PM

موضوع مروحة التابلوه الي بتركب في فيشه ال 12 فولت بتاعة الولاعة اوكى بس انت و زوقك لو عادي شكلها بالنسبالك هاتها هواها معقول ... بس سيبك من موضوع المروحة الداخلية و تاكيد لكلام الاستاذ فعلا في كل الروسي الجديد موجود مروحة داخلية وانا قولت لحضرتك رايي عنها