النترا 2004 -2006

**shady3335** · 22-08-2010 02:00 AM

يا زملاء المنتدى الجميل

انا انوى بشراء النتر 2004-2006 فهل من احد ممكن يفدنا بالفروقات فى الموديلات و ايهما افضل و كنت سمعت ان فى منها خليجى و فى منها كورى فهل يمكن توضيح الفرقات بينهم و ايهما افضل

و يا ريت لو حد يعرف رينج سعرها يقولنا و هل لو نزل موديل 2011 ده هيقصر على سعرها و الا ايه

فى انتظار ردتكوم ارجوكم لانى انوى شرائها قريبا

**shady3335** · 22-08-2010 12:59 PM

ايه النظام يا شباب انا بسال على عربية منتشرة جدا

ارجو المشاركة و الافادة لو سمحتم

**mmmmgogommmm** · 22-08-2010 03:38 PM

عربية جميلة جدا موتورها هو نفسة موتور الفيرنا ال1600 والماتركس ومتوفر منة استيراد وقطع غيارة موجودةعند التجار وخارج التوكيل ورخيصة لكن العفشة والصاج والفوانيس غاليين لانهم مش منتشرين خارج التوكيل لان العربية ملحقتش تبيع وراح غبور منزل الموديل اللى بعدها وسحب الموديل القديم وبدلة للناس باالجديد ودفعوا الفرق ويقال انة صدر القديم وباالتالى لم تنتشر ولم يشترى لها التجار قطع غيار كثيرة نظرا لندرتها ةعشان تتاكد اسال على سعر الكوبلن والمقص وقطمة الدركسيون جديد واستعمال بس موتورها وركوبتها حكاية واللة اعلم

**shady3335** · 22-08-2010 03:53 PM

شكرا على ردك الكريم

بس اللى انا مستغربه ان حوالى 25 مشاهدة للموضوع و مفيش غير واحد بس اللى رد

رجاء يا رجاله اللى عنده اى معلومة يقول عالشان ممكن كذا واحد يكون هيستفاد من المعلومات دى

**schumy** · 22-08-2010 05:12 PM

مميزاتها
عربية لا غبار عليها حمارة شغل وحمالة قسية بطريقة مش طبيعية انا معاية وماشي بها 113000 كم والحمد لله اكتر من الصيانات الدورية معملتش ثبات وتحكم تحفة قطع غيار ميكانيكا ارخص من اللب والسوداني اي حد بيشتغل فيها العربية مش منتشرة زي عموم الكوري ولا زي اللانسر الانتشار الي يخنق بصراحة في رنج سعرها مفيش احسن منها
عيوبها :
صالون من وره ضيق شوية
طابلوه تحسه فقير وستايل قديم شوية
لو مانيوال كعيب كل الهيونداي الفتيس مش ناعم

**Elsarrawy** · 22-08-2010 09:14 PM

العربية دي افضل عربيه ثابتة نزلتها هيونداي في الفئة بتاعتها لحد دلوقت

بس مشكلتها لا ABS ولا air bags وصاجها ضعيف كعادة الكوري
غير كده العربية ممتازة بصراحة وتستاهل فلوسها وعلى فكره مصاريفها قليلة جداً

**mr_sameh** · 22-08-2010 09:37 PM

عربيه ممتازه ومن احسن ما انتجت هيونداي

**حماده المصري** · 23-08-2010 06:23 AM

ممتازه شاريها مستعمله بس من حد معرفهه

انضف مافيها انها مريحه مساعدين حلوين عفشه محترمه مفيهاش خفه الكوري

وفعلا ثابته ثبات بعيد شويه على هيونداي

في ناس بتحبها عن الالنترا الجديده ومنهم انا لاتها اتقل

عيبها من وجهه نظري لو اوتوماتك مش هتجري انا مش عارف اعدي 180 خالص مش عارف ليه

بس لو مانيوال 200 مستريح ولا يهزك ريح

اكتر حاجه مقرفه تيجي تبيع يقولك 60 الف تيجي تشتري يقولك 75 الف وانت عارفه انت بتشتري ايه شغل تجار زباله

بس هي عموما للو اشتريتها وبعتها مش هتخسر فيها لانها ماسكه سعرها حلو

كان في وحده بتتباع من فتره صاحبها عايز فيها 80 الف بس فعلا تستاهل لانها كانت ماشيه 10 الف بس ومرفوعه ولسه بقى بريحه الفبريكه حتة التجار وصولوا معاه ل 77 الف مرضاش يبيع بس دي ممكن تبقى اندر وانضف حاله في مصر وبصراحه تستاهل

**shady3335** · 23-08-2010 11:52 AM

شكرا لجميع المشاركين فى الموضوع

بس ممكن حد يفيدنى اكثر فى بالفروقات فى الموديلات2004 الى 2006 و ايهما افضل و كنت سمعت ان فى منها خليجى و فى منها كورى فهل يمكن توضيح الفرقات بينهم و ايهما افضل