الموضوع: ارجو اللمساعده اشتريى لانسر 1300ولا ياريس

المشاركة الأصلية كتبت بواسطة timo_crosswind

ياجماعه انا متشكر جدا علي ردودكم انا بصراحه بحب الياريس جدا بس في حاجه عاوز اخد رايكم فيها وبصراحه. انا معايا لانسر 1300 خليجي كامله وعامله 6000كم وبصراحه مرتحتش فيها لعده اسباب منها العزل الضعيف جوه الكابينه انا بكون سامع صوت المتور والعفشه وده اكتر عبيين تعبني .انا بفكر جديا ابيع لانسر اللي معايا واجيب ياريس ارجو النصيحه ومتشكر اوي

ياريس طبعا أنا كان معايا الإتنين الياريس أحسن من لانسر 1300 فى الأتى :
1- إستهلاك بنزين أفضل .
2- كماليات أكتر (ABS+EBD+Airbags).
3- عوامل الأمان أفضل من تجربة EURONACP
4- العفشة أفضل .
5-التسارع أفضل .
6- التكييف مابيأثرش نهائى على التسارع عكس اللانسر .
7- الياريس أنعم من اللانسر

و أخيرا العزل بتاعها أحسن بكتيير من اللاسر إللى بتحس جواها بأى صوت برة عكس الياريس بمجرد غلق الزجاج بنعزل عن العالم الخارجى

بس يا استاذ تيمو
المقارنه دي قعدنا فيها كتير اوي بين العربيتين دول.
مش عاوز اقولك اني كنت بقارن بين 8 عربيات و انا بشتري و في الاخرجبت ياريس .
و دا لاسباب عديده يطول شرحها
بس في حلالتك حرام تبيع عربيه عامله 6000 كيلو لمجرد العزل بتاعها مش كويس .
في حاجات ممكن تستحملها زي العزل و فيه حاجات ما ينفعش انك تستحملها زي الاعتماديه و التقفيل

المشاركة الأصلية كتبت بواسطة sharky

ياريس طبعا .......

يا Sharky دايماً ردودك بناءة و بتساعد على تشغيل الدماغ ...

الكلام اللى انت قولتة هايل بس بفروق بسيطة و دة طبيعى لعربية فى اول عمرها و خصوصاً التيوتات الجديدة كلها ...اعتقد فى فروق تانية لصالح اللانسر على المدى الطويل
1-انتشار و محبوبة للناس اكتر
2-شكل و تصميم افضل بكتير
3-قوة تحمل اعلى (قطع غيار - صاج- موتور- اكسسوارات حتى -...) ودة واضح فى الياريس اللى ماشية فى البلد حتى
4-سعر اعادة بيع حلو
5- سعر قطع الغيار غالى بس معمر عن الياريس
6- الثبات (ودة لوحدة كفاية )
انا شايف ان اللانس (عربية حديدة رياضية ) ...الياريس (عربية عائلية مرفهة بسعر معقول )
ودة يتوقف على اختيارك و واحتياجاتك و تستحمل سلبيات العربية علشان حاجات تانية كتير بتحبها .

المشاركة الأصلية كتبت بواسطة SEATLOVER

يا Sharky دايماً ردودك بناءة و بتساعد على تشغيل الدماغ ...

الكلام اللى انت قولتة هايل بس بفروق بسيطة و دة طبيعى لعربية فى اول عمرها و خصوصاً التيوتات الجديدة كلها ...اعتقد فى فروق تانية لصالح اللانسر على المدى الطويل
1-انتشار و محبوبة للناس اكتر
2-شكل و تصميم افضل بكتير
3-قوة تحمل اعلى (قطع غيار - صاج- موتور- اكسسوارات حتى -...) ودة واضح فى الياريس اللى ماشية فى البلد حتى
4-سعر اعادة بيع حلو
5- سعر قطع الغيار غالى بس معمر عن الياريس
6- الثبات (ودة لوحدة كفاية )
انا شايف ان اللانس (عربية حديدة رياضية ) ...الياريس (عربية عائلية مرفهة بسعر معقول )
ودة يتوقف على اختيارك و واحتياجاتك و تستحمل سلبيات العربية علشان حاجات تانية كتير بتحبها .

تعالى نتكلم براحة يا باشا

1- إنتشار و محبوبة أكتر
دا نتيجة لنزولها قبل الياريس بـسنتين لكن تعالى نشوف دلوقتى حتلاقى الياريس عاملة مبيعات كبيرة جدا زى اللانسر ما بدأت يعنى لو فضلت على كده حتننشر و تبقى زى اللانسر

2- شكل و تصميم أفضل يكتير
دا بتبقى أراء و بتختلف من واد للتانى يعنى انا مثلا شايف إن شكل الياريس أحلى من اللانسر و شايف إنه عصرى جدا عكس اللانسر كلاسيكى و دا رأى الشخصى .

3-قوة تحمل اعلى (قطع غيار - صاج- موتور- اكسسوارات حتى -...) ودة واضح فى الياريس اللى ماشية فى البلد حتى
الحاجة الوحيدة إللى اللانسر تتفوق فيها عن الياريس إن صاجها أجمد قليلا من الياريس لكن برضه ضعيف .

4-سعر اعادة بيع حلو
دا نتيجة لإنتشارها لكن إعادة بيع الياريس دلوقتى ممتازة بعد إنتشارها دا غير إن المعروض منها مش كتير بالنسبة لمبيعاتها يعنى قليل من إللى إشتراها عايز يبيعها .

5-سعر قطع الغيار غالى بس معمر عن الياريس
دى معلومة أوا مرة أسمعها أنا إللى أعرف إن قطع غيار التويتا عموما معمرة عن الميتسوبيشى

6- الثبات (ودة لوحدة كفاية )
دا فعلا اللانسر ثباتها أحسن من الياريس نتيجة لإنخفضها عن الياريس لكن العربيات دى الفروض إنها City car يعنى مش للجرى و إنك تقفل بيعا العداد يعنى هى ممتازة للغرض المصنعى لأجله يعنى إرتفعها مفيد جدا للمطبات فى مصر و الواحد 90% من سواقته جوا البلد يعنى مش محتاج ثبات قد ما هو محتاج إرتفاع كويس علشان المطبات

على العموم يا Sharky احنا عرضنا وجهتين النظر ...
يمكن انا مش بطيقها عشان (العدادات اللى فى النص - انها تطوير للأيكو و تاريخها - الخامات الغريبة -الاكصدامات الغالية اوى و تلاقيها مفارقة دايماً -....) :D

و ماظنش ان مستقبلها هايطول ..كل الموضوع انها نزلت فى فئة و بسعر و تحت اسم (يعنى مجموعة ظروف ) خدمتها جداً

و على فكرة الحوار معاك ممتع يا باشا
و شكرا ليك .

توكل على الله وهات الانسر طبعا