حد عارف حاجة عن الايريال ده ؟

**MaZaGAngeE** · 22-08-2010 02:16 PM

وانا راكب مياكروباص شفت الاريال ده
عايز أعرف أجيبه منين و هل عملي و شغال كويس
هل هناك فروقات بينه و بين العادي ؟ الكهربائي
صور الايريال ::::

**sary005** · 22-08-2010 04:30 PM

ياااااااا دة قديم اوى دة اريال عادى بس المفروض انو هو ارسالة اقوى شوية بس الكلام دة فى الهلس و هتلاقى فى التوفقية

**Esam Mosaad** · 22-08-2010 04:36 PM

مش هلس ولا حاجه على فكره بالعكس اريل كويس جدا
اغلبيه المستخدمين لاما تكاتك لاما نص نقل عشان مش هيبقى عملى معاهم الاريل بتعنا لانهم بيسفروا كتير وبيحتاجوا اشاره قويه
اشارتوا قويه لدرجه انك ممكن وانت مشغل الراديو تلاقى محطه تانيه دخلت على الى انت مشغلها
وده سببوا انك مثل امعدى على حد مركب الاريل ده
واحد صحبى مركبوا فى العربيه وشغال ميه ميه

**ahmed elsherif** · 22-08-2010 04:48 PM

ركبته عندي شويه وشلته بيبوظ بسرعه كنت شاريه ب 15 جنيه وركبت اريال السقف تاني

**Adham** · 22-08-2010 04:55 PM

زمان من سنين كان فية حاجة اسمها حرامي الدش

و ناس كتير بقت تتكلم فيها و يقولك انهم بيعلقوها عالسطح و بتلقط الارسال من اي دش حواليها

كان وقتها الدش ب 10 12 الف مثلا

انا مرة ماشي في العتبة لقيت واحد بينادي و بيبيع حرامي الدش و الناس ملمومة و ب 6 جنية باين

قربت وبصيت لقيتة بيبيع بوردات كمبيوتر مستعملة و مفكوكة من كمبيوترات قديمة قوي ما قبل ال بنتيوم لو تفتكروا ال 386 و ال 486 دي بقى حاجات و كارتات قديمة جدا و كل واحدة غير التانية

انا رأيي ان الايريال دة فكس و لا هو غير دايرة منظرة بس و حتتين البوردة اللي خارجين منها قال يعني زي ايريال البي ام اللي في القزاز الوراني

اخويا كان جايب الايريال دة و مركبة و كان ارسالة زفت و اكيد ان الايريال الاصلي بتاع العربية افضل منة 100 مرة