مشكلة مع تنظيف الردياتير

**bluegene** · 07-03-2008 11:31 AM

إمبارح رحت أنضف الردياتير بتاعى (كنت رحت عند مقار و قالى إن فيه تمليح أسفل الردياتير) الراجل بتاع الردياتير شاه و لقيناه المياه الخضرة وكلاه بجد و قالي إن المياه الخضرة دي بتبقي فيها لون و مواد كاوية (االردياتير بتاعى ألومنيوم gm ) المهم الراجل نضفه خالص و خلاه يبرق بس قالى مش هيعد كتير معاك( طب أحط مياه إىة) المياه العادية فيها أملاح و بتصدي و على فكرة المياه الخضرة أنا كنت جايبها من شل .

المشكلة الأساسية دلوقتى إن المروحة بتشتغل أول لما أعمل كونتاكت على أقصي سرعة بعد ما نضفت الردياتير و مؤشر الحرارة واطى زيادة عن الأول قولت عشان الردياتير اتنضف بس مش أوي كده.... والمروجة بتبطل تشتغل أول لما أدوس بنزين (هاتجنن يا عالم) و الكتاوت يتاعت الروحة بتعمل صوت و تنور جه كهربائى قالي الكتاوت مفوته و عايزه تتغير... رغم إنها كانت شغتاه كويس قبل تنظيف الردياتير.

مش عارف المروحه أعمل معاها إية بتشتغل علي طول و
أنا ماشى و أول مأدوس بنزين تتطفى أبعد رجلى من على دواسة البنزين ترجع تانى
العربيه أوبل فكترا موديل 95

**S H @ F T** · 07-03-2008 11:55 PM

فيه عندك 2 ثرموستات بيركبو في الرادياتير
أكيد بتاع الرادياتيرات وهو بيركبهم مركبهمش كويس فهتلاقي في أسلاك بتلمس مع بعض
وتشغل المراوح

**pcegypt** · 08-03-2008 01:34 AM

بالنسبة للمياه ممكن تجرب المياه الحمراء بتاعة موبيل ، اعتقد هاتكون كويسة للرادياتير الالومنيوم

تحياتي

**bluegene** · 08-03-2008 11:24 PM

الحمد لله المشكله اتحلت بفضل من عند ربنا ...
المشكلة كانت المروحة شغاله أول لما أشغل العربيه و بتطفى لمل أدوس بنزين..
زى ما قال أستاذ shaft قولت أبص على الثرموستات تانى لأنى كنت سائل الراجل قالى إنه ركبهم كويس....ملقتش حاجه وبعدين لما لمست السلك بتاع الثرموستات لقيت الروحه بتعلى و توطى .....صدق أو لا تصدق السير اللى جنب الموتور كان بيلمس السلك بتاعهم رحت جايب السلوك على جنب الروحة طفت (ساعتها افتكرت كلام الكهربائي اللى قالى غير الكتاوت مع إنهم كانوا Gm أصلى كاو طلع فل هجايس) السير كان بيعمل mechanical irritation للسلك فكان بيشتل و الكتاوت بطلع صوت و لما أدوس بنزين السير يشد على نفسه و يبعد عن السلك ........الحمد لله المشكله اتحلت