اخيرا
وبعد لف ودوران وتعب
قررت اجيب
اوبترا - اوتوماتيك

ورحت منصور واتفقت وهستلم بعد كام يوم

المهم انا ليه سؤال يا جماااااعة

اخوكو مزنووووووووق

بصراحة انا طول عمري راكب لادا
وكانت عربية اصيييييييلة - الله يرحمها

وما جبتش قبل كده زيرو

وبسمع عن فترة تليين العربية
وارشادات وتعليمات للعربيات الجديدة وكده

فياريت حد يتكرم ويقولي اعمل ايه من اول لحظة استلام العربية من المعرض

احط زيت امتي ونوعه ايه

وياتري باستلامها فيها زيت ولا انا اللي بحطلها

اغير الزيت امتي

وزيت الفتيس والبور والفرامل ايه ظروفهم

بصراحة انا كنت بطحن في اللادا وبعاملها معاملة بوابين ومش بتقول لا

لحد ما توفاها الله في اخر ايامها
وقالولي ان ده سببه معاملة العبيد اللي كنت بتتعامل بيها مع العربية

بصراحة انا دافع في الاوبترا مبلغ محترم
وغالبا هتكون دي عربية العمر لحد ما ربنا يدينا نقدر نغير بحاجة الماني ولا ياباني


المهم
اخوكو مزنووووووووق

اعمل ايه ؟؟؟؟؟؟؟؟؟؟؟

سؤال كمان معلش

ايه الحاجات اللي اشيك عليها قبل ما اخد العربية من المعرض واللي لازم اتأكد منها قبل ما اتحرك بالعربية وامضي باستلامها
عشان الواحد بيسمع حاجات غريبة والناس مابقاش عندها ضمير

كمان سؤال هو العداد بيجي متصفر ولا بتكون العربية ماشية 10 ولا عشرين كيلو مثلا