مبارك عليك ان شاء الله
رزقك الله خيرها وبعد عنك شرها
المهم اي عربيه جديده محتاجه نظام تمشيها عليه يعني متهنهاش عشان متهنكش
يعني تحافظ علي مواعيد الصيانه وتغيير القطع في مواعيدها عشان مفيش حاجه تبوظ حاجه .
العربيه لما تستلمها بأذن الله لو تعرف تاخد معاك سمكري او حد بيفهم في صاج العربيه عشان ياكد لك ان العربيه اجزائها الخارجيه كلها سليمه ومش ملعوب فيها عشان ساعات مش دايما بنسمع عن حاجات بيعملوها التوكيلات في عربيات جديده حصلها خبطات بتصلح وتتسلم علي انها جديده للعملاء فياريت حضرتك تاخد بالك من حاجه ذي كده .
مقبول ان العربيه كون ماشيه في حدود 200 كيلو عشان مش كل العربيات بتوصل للمعرض علي الكساحت في منها بيروح للمعرض عادي عن طريق سواق اكتر من كده حضرتك حاول تبص علي العربيه ولو تعرف ترفعها يكون احسن عشان تكون مطمئن انها خدت مطب جامد او حاجه .
حضرتك تطمن عل وجود الاستبن والكوريك وعده العربيه .
يا ريت تشيك علي ضغط العجل بعد الاستلام عشان دايما بيكون زياده عشان التخزين .
فتره تليين العربيه من وجهه نظري فتره نسبيه بتختلف حسب طبيعه سواقه حضرتك وكمان نوعيه الطرق اللي بتستخدمها , لاكن المهم انك متقرص علي العربيه في الاول وتخلي عدد لفات الموتور يعدي 3000 وتعمل كيك دون كتير بدون داعي ,بعد 5000 كيلو الاولانين حاجات كتير حتضبط في العربيه وعلي راسها استهلاك البنزين واحساسك بالعفشه .
العربيه فيها زيتها وده اعتقد بيقعد لغايه اول صيانه وهما بيغيروه معاها .
زيت الفتيس والبور ده بيتم التششيك علي مناسيبه من فتره للتانيه وزيت لفتيس بيتغير علي 60000 كم .
بص ان شاء الله الاوبترا عربيه جميله واعتماديه ولن تخزلك ن شاء الله ومش حتحس انك اخطأت في الاختيار .
واخيرا محبا بيك معانا في نايل موتورز واحنا هنا تحت امرك في اي مساعده ومستنين يا سيدي تقرييرك عن العربيه بعد الاستلام والاستخدام متبخلش بيه علينا .
شكرا
المفضلات