انا العربية a/t
من خلال الفاتورة
التاريخ 15/11/2009
التكلفة الاجمالية 129.01
تفاصيل التكلفة
مصنعية 30 ج
زيوت 87.28 ج
ض مبيعات 11.73
نوع الزيت موبيل أت ف
الكمية 4 لتر
يجب تغير الزيت كل 30000 و ليس كل 60000 حفاظا على الفتيس
عرض للطباعة
انا العربية a/t
من خلال الفاتورة
التاريخ 15/11/2009
التكلفة الاجمالية 129.01
تفاصيل التكلفة
مصنعية 30 ج
زيوت 87.28 ج
ض مبيعات 11.73
نوع الزيت موبيل أت ف
الكمية 4 لتر
يجب تغير الزيت كل 30000 و ليس كل 60000 حفاظا على الفتيس
شكرا يا باشا على الموضوع
شكرا يا استاذ ايمن
بس معلش سؤال غلس هوه حط اربعه لتر كاملين ولا حط ثلاثه وشويه .
سؤال مرتبط بالموضوع، انا أول مرة اركب اوتوماتيك، هو الفتيس بيعمل صوت أو حاجة ف أعرف انه الزيت قليل، او العربية تنط في الغيارات، ومنكم نستفيد طبعاً
حج ايمن انا مش اد الدلع ده ربنا يباركلك عقبال ما تفرح بأحفادك
اصل انا عايز اقول لحضرتك حاجه ان انا المره اللي غيرت فيها زيت الفتيس كانت في امارات مصر والعامل سحب الزيت في بالابره وكان بالضبط 3 لتر وطبعا كان محروق وده غيرته تقريبا علي 65000 كم وبعد محط الزيت الجديد خلاني اخد كل الغيارات ورجع قاس تاني وكان المقياس مضبوط .
فيه حاجه مقياس زيت الفتيس مش بيوضح حج الزيت الموجود ده فيه درجتين بس علي ما اتذكر hot - cold بس ولا انا غلطان .
فيه معلومه كان حد قالها قبل كده ان الفتيس بتاع العربيه ياباني وهوه نفسه اللي راكب في الكرولا الشكل القديم فلو عرفنا نجيب المنيول بتاعه اكيد حنرتاح ولاايه .
وشكرا
انا لقيت اللنك ده اللي فيه المواصفات الفنيه بتاعت العربيه اللاسيتي
http://lacetti.com.ua/manual/EN/........s/Nubira-Lacetti/sm-j/5J2_0B0.en.html
خد بالك من الجزء ده
Automatic Transaxle
Application
1.4L DOHC
1.6L DOHC
1.8L DOHC
Maker
-
AISIN
ZF
Type or Model
-
81-40LE
4HP16
Gear Ratio :
.
.
.
1st 2nd 3rd 4th Reverse- - - - -2.875:1 1.568:1 1.000:1 0.697:1 2.300:12.719:1 1.487:1 1.000:1 0.717:1 2.529:1Final Drive Ratio
-
3.750:1
3.945:1
Oil Capacity
-
5.77±0.2L (6.1±0.2 qts)
6.9±0.2L (7.3±0.2 qts)
هه هوه كده الغيار حوالي 6 لتر هل بقه فيه طبتين للفتيس ولا طبه واحده افيدونا افادكم الله
وده بيوضح نوعيه الزيت المستخدم
Automatic Transaxle
5.77 ± 0.2L (6.1 ± 0.2 qts) :
1.6L DOHC (AISIN 81-40LE)
ESSO JWS 3309 or ISU DEXRON III
6.9 ± 0.2L (7.3 ± 0.2 qts) :
1.8L DOHC (ZF 4HP16)
ESSO LT 71141 or TOTAL ATF H50235
انا افتكرت حاجة مهمة بدون الدخول فى متاهات
من حوالى شهر تقريبا عديت على مركز صيانة خارج التوكيل علشان اكشف على العربية لان ضمانى يخلص شهر اكتوبر علشان لو فية عيوب اقدر اصلحها بعد رمضان
و من ضمن الكشف كان زيت الفتيس علشان نطمن ان حرق الزيت جيد
و قال لى ان الزيت زايد ب حوالى نصف كيلو يبقى كدة الفتيس بالضبط 3.5 كيلو
الى انت لفت نظرى لية و محتاج سؤال هو فية فلتر للفتيس الاوتو ولا لأ
تانى حاجة البيان الى حضرتك جايبة عن زيت اسو انا غيرت موبيل فا بالتالى الرقم مختلف
اما عن موضوع ال 6 لتر لا اظن و دة اختلاف من موديل لموديل
على العموم يجب الاستفسار اكثر من الوكيل ولا اظن انى هاروح الا بعد رمضان فلو فية حد هايروح المركز الاول يسئل و يقول لنا
تمام كده
معلوماتي ان الفتيس ليه فلتر بس مش بيتغير اللا لا قدر الله فيه مشكله في الفتيس , انا مره سألت عليه زمان وكان بحوالي 700 جنيه .
بس الموضوع محتاج متابعه عشان نوصل للصح عشان التوكيل بيفتوا وخلاص .
ونشوف حضرتك علي خير
كل سنة وانتو طيبين يا جماعة ورمضان كريم علي كل الاصدقاء انا كنت بس حابب اسأل علي زيت الفتيس المانيوال هل بيحتاج تتغيير زي الاوتو ولو بيتغير يبقي علي كام كيلو ... وشكرا
ارجو من الادارة التثبيت نظرا لاهمية الموضوع لوجود خطاء فى كتيب السيارة خاص بهذا الموضوع
تم اضافة موضوعك الى أهم الموضوعات عن الاوبترا
وشكرا لمجهوك
مشرف 12 ب
معلش يا جماعة علشان انا اتلخبطت
انا لسة جايب العربية و المفروض اني اعمل لها صيانة و اغير زيت الفتيس و اللي اعرفة ان منصور بيحط زيت موبيل للفتيس
السوؤال انا لما اروح اشتري الزيت اقول للراجل اديني زيت موبيل بتاع الفتيس و لا لية مواصفات تانية
ارجو الافادة
و شكرااا
حضرتك هاتروح اي بنزينة موبيل وتقول لة عايز اغير زيت الفتيس و تحدد اتوماتيك ولا عادة
لو اتوماتيك فى اول الموضوع هتلاقى الرقم بتاع زيت موبيل لو مانيول انا ماعرفش
بس لو بنزينة موبيل حاول تروح واحدة كبية و محترمة
انا عن نفسي خفت اروح بنزينة و روحت اتو ماستر مدينة نصر
و فية ناس فى المنتدى راحو امارات مصر وليس عندهم اى شكوي حتى الان
معلش اصل الفتيس غالى واحنا مش حملة
انا جبت الخبر اليقين
فتيس الاوبترا الاتوماتيك الحد الاقصى للزيت فى حالة ان لا يوجد زيت 4 ك
طيب لو نزلت الزيت عن طريق السحب بياخذ 3 ك فقط
طيب لو فتحت الطبة ياخذ 3.5 ك
طيب لو نظفت المصفاة بياخذ من 3.5 ال 4 ك حسب انت سيبتة يصفى كلة ولا لأ
و الغريب ان المصفاة دى هى الفلتر يعنى مفيش فلتر بالمعنى المفهوم زي الزيت مثلا
و المصفاة عمرها الافتراضى طويل جدا يعنى اكثر من العمر الافتراضى للسيارة
طيب اية احسن طريقة لغيار الزيت هى عن طريق فتح الطابة و غسل المصفاة و ترك الفتيس اكثر و قت ممكن لتصفية الزيت العالق على التروس
طيب و منصور بيفضل انهى نوع من الزيوت
بيفضل زيت موبيل حسب النوع المزكور فى اول الموضوع
طيب انا جبت الكلام دة منين
من منصور نفسة مش قصدى منصور صاحب الشركة طبعا هاهاهاها
لكن من مدير فرع القاهرة الجديدة و تم التاكيد على الكلام من مهندس فى فرع الطيران
و بالتوفيق للجميع
شكرا ليك يا حج ايمن
وفعلا الكلام كده منطقي
بس ايه رايك غسيل المصفاه بيكون اذاي ممكن اننا بعد لما ننزل الزيت القديم نزود لتر كده علي الهواء وهوه يقوم بالواجب ولا انت ايه رايك ,
انا ححاول ايجيب مواصفات الزيت بتاع امارات مصر ونقارنها ببتاعه موبيل عشان نعرف انهي الاحسن .
بجد متشكرا
يا حبيب قلبى تحت امرك انت عارف المعزة يا ابو يحي
و كمان انا كت محتاج المعلومة علشان انت عارف الفتيس بكام و مش ناقصة مشاكل
على العموم بالتوفيق
بالنسبة لموضوع نوع الزيت مجرد راى
لولا تعدد الازواق لبارة السلع
و على فكرة فية ناس كتير بتشكر فى زيوت امارات مصر
و خلى بالك منصور نفسة كل فروعة بيغير موبيل و زيت موبل هو الزيت الرسمى لشيفورلية الافى فرع التجمع الزيت شيل علشان الفرع دة فى بنزينة شل
يبقى بالتوفيق فى الاختيار
بصفة عامة (مش للاوبترا خصوصاً)
فلتر الفتيس الاوتوماتيك بيتغير كل فترة طويلة (تقريبا 100 الف كيلو) وممكن بعد 60 الف كيلو يتفك يتنضف مع تغيير الزيت الثاني مثلا و يتركب تاني
لما بتغير زيت الفتيس انت مش بتنزل الزيت كلة لانة فية زيت بيبقى في القربة بتاعه الزيت ما بينزلش الا لو القربة نزلت, و دي ماتنزلش الا لو الفتيس اتحل
يعني لو بتغير زيت و الفتيس راكب في العربية ممكن ياخد ال 3 لتر و نص
انما لو الفتيس اتفك برة العربية للاصلاح ممكن تلاقية بياخد 6 لتر زيت
حسب كلام التوكيل الى اظن انهم افضل شخص يتكلم على الموضوع دة
ان مافيش فلتر دى مصفاة و يستحسن تغسل مع غيار الزيت و غيار الزيت كل 30000 وليس 60000
اما عن سلك الكيك داون انا عامل 75000 ولم يغير فى التوكيل حتى الان و معنديش مشاكل
و نصيحة لما تغير زيت الفتيس برجاء روح لحد من مراكز منصور او مركز معتمد لضمان ان المصفاة هاتتغسل
لانى اظن ن دة صعب فى بنزينة
و بالتوفيق و ابقى طمنا
لضمان ان الكلام الى شرح لى عن طريق منصور سليم ارجو من الاعضاء الى مهتمين بالموضوع زيارة فرع لصيانة منصور للتأكد فدة صح لتاكيد المعلومة
حج ايمن تسلم بجد
كلا حضرتك مضبوط
معلش نحطه في نقط عشان الموضوع ميتهش
الزيت بيتغير كل 30000 كم وده الافضل
التوكيل بيحط زيت موبيل حوالي 3.50 وده منطقي وكده فهمنا التركه اللي عندي صح
انا برضك اعرف ان التوكيل مبيغيرش الفلتر او الصفايه الا عند وجود مشكله
سلك الكيك داون اعتقد مبيتغيرش الا عند وجود شكوي .
وشكرا
انا غيرت الزيت فى توكيل سموحه الاسكندريه
الراجل فك الطبه اللى تحت الفتيس لحد اما الزيت كله نزل وقفلها تانى
وحط 3 لتر بس زيت وقالى ان زيت الفتيس هوه هوه نفس النوع المستخدم فى الباور انا متاكد انهم 3 اتر بس لان كل عبوه كانت كيلو
وهوه حط 3 عبوات بس
معنى كده ان زيت الفتيس عندى قليل ولا ايه وازاى اعرف
ممكن اعرف ايه هوه سلك الكيك داون وعلاقته بالفتيس ؟
وشكرا
حضرتك لما بتفتح الكبوت هاتلاقى امامك 2 مقياس واحد زيت ماتور و التانى فتيس و هتلاقى علية at
حضرتك هاتقيس كانك بتقيس زيت ماتور هاتلاقى فيى علامة max و علامة min
و من هنا هاتعرف هو مضبوط ولا لأ
و اما انة اخذ 3 لتر رغم انة فتح الطابة ممكن ماداش فرصة لتصفية الزيت الى فى الفتيس
و بالتوفيق
يا تري فية مقياس لزيت فتيس المانيوال و لا لا ؟
المشكلة انة لما عملت صيانة في منصور فك طبة الزيت لغاية ماصاها و بعدين حط 2ك بس
فانا مش عارف بقي اية الموضوع و العربية شغالة معايا كويس بس ساعات بحس بخشونة و انا بعشق لازم ازق شوية بس الكلام دة مش علي طول
ياريت لو حد يقدر يفيدني
شكراااااااااا
اي زيت فتيس اوتوماتيك بيبقى اسمة ATF اختصار Automatic Transmission Fluid و اعتقد الكيلو الموبيل بحوالي 26 جنية تقريباً
بعد السلام عليكم جميعا ، انا عندي اوبترا 2008 اوتوماتيك محدش قاللي في التوكيل اغير الزيت والعربية عاملة 90 الف كيلو لما شوفت الموضوع بتاعكم نزلت بصيت على العربية لقيت الزيت لونة مش احمر بقى لونة زي لون الزيت العادي بتاع العربية ، يا ريت حد يدلني اعمل ايه مع العلم اني مش بشتكي خالص من الفتيس
ارجو من الاخوة الكرام سرعة الرد ولكم جزيل الشكر والتحية
لازم حضرتك تغيرة بسرعة
ولو نازل وحش او محروق بتعمل غسيل للفتيس عن طريق انك تغيرة و بعد ١٠٠٠كم تغيرة تانى و بعد كدة تغيرة كل ٣٠٠٠ و رقم الزيت مزكور فى اول الموضوع
بالتوفيق فى القرار السليم
انا عاجز عن الشكر يا باشا ، انا هروح التوكيل الصبح ان شاء الله واغيرة هناك بس حضرتك متأكد من الطريقة اللى بتقول عليها دي انها مفيدة وهل العمر الافتراضي للفتيس كدة هيقل ولا ايه الاخبار ؟ انا سمعت كمان ان الكلاتشات بتاعت الفتيس مش بتتغير هل الكلام ده صحيح ولا افتاءات من الصنايعية اللى بيقولو كدة
انا متشكر جدا يا باشمهندس على المعلومات المفيدة ربنا يكرمك ان شاء الله، انا وديت العربية النهاردة التوكيل وشافو الزيت وقالولي ان الحمد لله الزيت مش محروق للدرجة اللى تقلق وهيتغير ان شاء الله
عاجز عن الشكر