الموضوع: مطلوب نمرة أيمن momo10000 للأهمية

المشاركة الأصلية كتبت بواسطة elsarrawy

آه هما بيفكوا العلبة ويبعتوها عند واحد خراط تبعهم تتحشي والحشو بياخد حوالي من ساعة إلى ساعة ونصف بالكتير دا غير زمن فك العلبة قول كمان ساعة يبقى ساعتين ونصف للعلبة فقط

آه طبعاً انا جربته وهو كويس جداً حتى الآن وفعلًا كأني غيرت العلبة بالكامل تحفه ما شاء الله

بص موضوع العلبة ماتنفعش تتحشي دي ماعرفهاش بس عموماً الي بيبوظ في العلبة دايماً الحشو لأن الباقي حديد مش بيبوظ بسهولة

عموماً العلبة دي عبارة عن اسطوانة فيها باره حديد حواليها الحشو وبيخرج منها من الجنبين بارات الميجان الداخلية وفي جزء جاي عمودي على العلبة وليه حاجه زي قاعدة كده بيتربط فيها الدركسيون من داخل السيارة


اهم حاجه في الموضوع دا كله ان اثناء عدم وجود علبة الدركسيون في السيارة مهم جداً انك ما تجيش جنب الدركسيون خالص علشان شريط الايرباج هايتقطع لو حركته لانه مالوش نهاية في الحركة

وسبب التلف بيجى نتيجة ان العلبة دي طبعاً متركبة بطريقة افقية موازيه للأرض والدركسيون عمودي عليها فبالتالي نتيجة المطبات الي في بلدنا الجميلة ومش موجود زيها في بلد الصانع بتتأثر العلبة بالمطبات (يعني الحشو الموجود حوالين البارة الي جوة العلبة بيتآكل نتيجة حركة هذه البارة في المطبات بشكل عمودي على الحشو) ودا الي بيسبب تلف علبة الدركسيون

ولا رغي ولا حاجه اسأل براحتك ما يهماكش خالص سواء في رمضان او بعد رمضان

مش عارف أمسك نفسى أكتر من كدة
أستاااااااااااااااااااااا اااااااااااااااااااااااذ والله
توقع مكالمة قريبة منى....قبل التغيير ان شاء الله فى حالة الشعور بأى نصبة حولى
انا بقلق جدا من الصنايعية....وبحس انهم لما بيحسوا ان اللى قدامهم مش فاهم كويس.....بيبهدلوه ويروحوه بيته من غير ولا نكلة
فا ان شاء الله بتأسف ليك مبدذيا عن أى ازعاج ممكن أسببه....بس الموضوع ده جديد على وانا هستعيين بيك لما اتزنق فى أى مشكلة....وألف شكر يا أشرف باشا

المشاركة الأصلية كتبت بواسطة yalahwy2010

مش عارف أمسك نفسى أكتر من كدة
أستاااااااااااااااااااااا اااااااااااااااااااااااذ والله
توقع مكالمة قريبة منى....قبل التغيير ان شاء الله فى حالة الشعور بأى نصبة حولى
انا بقلق جدا من الصنايعية....وبحس انهم لما بيحسوا ان اللى قدامهم مش فاهم كويس.....بيبهدلوه ويروحوه بيته من غير ولا نكلة
فا ان شاء الله بتأسف ليك مبدذيا عن أى ازعاج ممكن أسببه....بس الموضوع ده جديد على وانا هستعيين بيك لما اتزنق فى أى مشكلة....وألف شكر يا أشرف باشا

يا باشمهندس ماتقولش كده احنا كلنا اخوات يعني انا لو كنت مكانك مش كنت هاتفدني كده برده !!

وعوماً أنا تحت امرك في أي وقت وفي اي حاجه وكل سنة وحضرتك طيب