ايهما افضل (الفيميه الزيرو وان ام الزيروا زيروا ام الستاير الكبس)ادخل شارك وقول لماذا

ايهما افضل بالنسبه لك ولماذا ؟؟

1- فيميه 00

2- فيميه 01

3- الستاير الكبس زى اللى فى الانسر بتاعت الاستاذ اسلام شاهين واللى كان عامل عليه موضوع سابق وموجوده عند محمد ابراهيم فى التوفيقيه خاف عربيه الكشرى على طول

ممكن تفيم الاربع ابواب زيرو وان و تجيب ستاره كبس للزجاج الخلفى..

طيب هو انا ممكن افيم الاربع لاابواب زيرو وان ده واروح ارخص بيه عادى؟

ستاير كبس في الشباك يبقى العربية هتبقى شبكة سمك
ماتعرفش تمد ايدك من الازاز
ممكن ورا ماشي بس الابواب فيميه او ستاير جرار

اقتباس:

---

المشاركة الأصلية كتبت بواسطة mazgangy

طيب هو انا ممكن افيم الاربع لاابواب زيرو وان ده واروح ارخص بيه عادى؟

---

طبعا مينفعش لان الفاميه اصلا ممنوع (ليه مش عارف)
انا لسه مسحوب مني الرخصة عشان الفايمه و معمول زيرو وان واللي برا شايف العربيه من جوه كويس جدا بس هو ظابط رزل :(

احلي فيميه بالنسبه ليا...02
لأنه بشوف من جوه كويس و تأثيره في الشمس احسن من الدجات اللي اخف
اما 03 فروؤيه بالليل في الضلمه رخم شويه
اما 01 و 00 بحس انهم مش بيعملوا حاجه غير ممكن اقول 01 اغمق من العادي بشويه

00 بيدى شيتكة طحن ومفيهوشى مشكلة

03 احلي واحد مظبوط و الرؤيه بتاعته جميله
أما 00 ده الناس بتسميه فميه حراري لانه بيقلل شويه من السخونه أشعه الشمس داخل العربيه
الستائر ده انا شايف انها فاشله لاني مش هعرف استخدم الشبابيك في اي حاجه و ده فشل تام

انا عندي سؤال صغير

ايه الفرق في الالوان بين الانواع 00 و 01 و 02 و 03

وياريت اسعارهم كمان وافضلهم في منع حرارة الشمس

سعر أي بكره فاميه ب 15 جنيه من شارع دمشق
بس المرور ربنا يطولنا عمرهم مبيقصروش يعني التفيميه آخرها تقعد معاك إسبوعين أو شهر بالكتير لحد أما تتسحب الرخص زي ماحصل معايا وصحابي كمان