ايهما افضل بالنسبه لك ولماذا ؟؟
1- فيميه 00
2- فيميه 01
3- الستاير الكبس زى اللى فى الانسر بتاعت الاستاذ اسلام شاهين واللى كان عامل عليه موضوع سابق وموجوده عند محمد ابراهيم فى التوفيقيه خاف عربيه الكشرى على طول
ايهما افضل بالنسبه لك ولماذا ؟؟
1- فيميه 00
2- فيميه 01
3- الستاير الكبس زى اللى فى الانسر بتاعت الاستاذ اسلام شاهين واللى كان عامل عليه موضوع سابق وموجوده عند محمد ابراهيم فى التوفيقيه خاف عربيه الكشرى على طول
ممكن تفيم الاربع ابواب زيرو وان و تجيب ستاره كبس للزجاج الخلفى..
طيب هو انا ممكن افيم الاربع لاابواب زيرو وان ده واروح ارخص بيه عادى؟
ستاير كبس في الشباك يبقى العربية هتبقى شبكة سمك
ماتعرفش تمد ايدك من الازاز
ممكن ورا ماشي بس الابواب فيميه او ستاير جرار
احلي فيميه بالنسبه ليا...02
لأنه بشوف من جوه كويس و تأثيره في الشمس احسن من الدجات اللي اخف
اما 03 فروؤيه بالليل في الضلمه رخم شويه
اما 01 و 00 بحس انهم مش بيعملوا حاجه غير ممكن اقول 01 اغمق من العادي بشويه
00 بيدى شيتكة طحن ومفيهوشى مشكلة
03 احلي واحد مظبوط و الرؤيه بتاعته جميله
أما 00 ده الناس بتسميه فميه حراري لانه بيقلل شويه من السخونه أشعه الشمس داخل العربيه
الستائر ده انا شايف انها فاشله لاني مش هعرف استخدم الشبابيك في اي حاجه و ده فشل تام
انا عندي سؤال صغير
ايه الفرق في الالوان بين الانواع 00 و 01 و 02 و 03
وياريت اسعارهم كمان وافضلهم في منع حرارة الشمس
سعر أي بكره فاميه ب 15 جنيه من شارع دمشق
بس المرور ربنا يطولنا عمرهم مبيقصروش يعني التفيميه آخرها تقعد معاك إسبوعين أو شهر بالكتير لحد أما تتسحب الرخص زي ماحصل معايا وصحابي كمان
المرور عندنا ده اللى فالح فيه لكن في ناس بتعكس الشوارع وتعك الدنيا ولا حد بيكلمهم
اههههههه مفيش اوحش من انك تحط الفميه و تشيله بتحس انك ماشي عريان والله
انتوا خلتوني اقلق وارجع في كلامي تاني
ههههههههههههههههههههههه
ليه واحد زميلي شاله وحطه 4 مرات لحد ما رخص العربية بيه
طيب يا جماعه نعمل ايه ممكن نعرف الحل ولا نعمل ثوره ونطالب ان من حق كل مواطن يثبت الفيميه على الرخصه والا الحل ايه طيب
انا عن نفسى مفيم super dark :eek:او بالارقام 05 ودة بالنهار بتشوف بالعافية وباليل مش بتشوف اصلا بس الى نظرة حلو بقى زيى كدة يركبة:D وعامل الفوانيس وراء فامية احمر وقبل كدة كنت عامل01 ولا كان لية لازمة وفعلا الى يركب فامية ويشيلة بيحس انة عريان وفعلا الفامية ممنوع وياسوادك لو دخلت بية على لجنة هتتسحب رخصك على طول بس ربنا يخللينا المثل الى بيقول الى لية ضهر ميضربش على بطنة
حكاية انها تتثبت على الرخصة دى صعبة جدا
لان لازم الى يثبتة على الرخصة دة حاجة من الاتى
اولا تكون العربية نزلة من المصنع اصلا بالفامية
ثانيا انى اكون راجل مهم فى البلد وحياتى معرضة للخطر والبلد موفرة لية حراسة شخصية:cool:
ثالثا اكون اعرف حد يجبلى موافقة من امن الدولة:eek:
رابعا اكون راجل شغال فى جهة حساسة وبتتطلب السرية:confused:
خامسا ودة حال الاغلبية انة بيكون معتمد على حد يجبلة الرخصة لما تتسحب وانا من النوع دة:D
خد بالك محدش من حقة يسحب رخصتك غير الظابط :)
وبعدين فى حل سهل لعدم سحب الرخصة فى الكمين وانت داخل على الكمين اربط الحزام ونزل الأزاز كلة وادخل مشغل الانتظار واضمنلك 80% ان الظابط هيكشر فى وشك:mad::mad::mad::mad: ويقولك عدى عدى
اتمنى اكون افدتك
واسف على الاطالة
مشكلة المرور عندنا في مصر
سمعتوا عن اللوحات الجديده اللى هيبقى مكتوب عليها جمهورية مصر العربية ومفيش ملاكي قاهرة او جيزة هيبقى كل اللوحات زي بعض بس كل محافظة ليها لون معين وهتبقى سمعت في ناس قالوا هتبقى 4 حروف وفي ناس قالت انها هتبقى 3 حروف و3 ارقام وهيثبتوا هما اللوحة بطريقه لو اتفكت تتكسر وبالتالي مخالفة ده غير ان مخالفة السرعة نزل قرار انها وصلت ل500 جنيه ومخالفة الحزام وصلت ايضا 500 جنيه وكمان كام شهر هيطبقوا 500 جنيه مخالفه على الحزام للراكب جنب السائق و200 لمخالفة الحزام للراكبين في الخلف
والله الموفق ومحدش فينا ياخد اي مخالفات
00 مفيهوشى مشكلة ومن بعيد شكلة محترم خالص
والله ياباشا لو عامل سالب واحد مش هترخص بردو غير لما تشيلة
انا واحد صاحبى عامل اخف حاجة جراى و بردو اتسحبت رحت انا تانى يوم شيلتو فا بلاش احسن :(
طيب مفيش اى افتكاسه لموضوع الفيميه ده؟؟!!
nooooooooooooooo way
23ml 01 hyb2a kowis l2n 00 k2nk mesh 3amel 7aga bas 7'aly balk 7ta el 01 mamnoo3 w el ro7's ets7bt mny 2bl kda
طيب يا جماعه لو كنت عايز اعمل الزجاج الخلفى بس واكتب عليه اسمى ديه فيها مشكله لاكن زجاج الابواب الاربعه مش حعمل فى حاجه هو الخلفى بس علشان الشمس والانوار العاليه والرعاشات والزينون والحاجات دى افيم الزجاج الخلفى بس مش الابواب كده تمام والا برضوا فيها مشاكل دى كمان
بصوا يا رجالة انا وانا ماشي شوفت عربية عامل فمية وراء الازاز عامل زي السطارة بس الي جوة يشوف والي برة لا اسود غامق جدا
ولاقيتة بيسحبوا زي السطارة وفي رولا بيتلف عليها وكان عامل كل العربية بس للاسف مسالتوش مشي بسرعة
ياريت لو حد عندوا معلومة بخصوص الموضوع دة يقول
دة لو داخل علي لجنة ولا حاجة بيتلم والعربية مش باين منها اي حاجة
طيب انا راى بقى ان الفاميه تسمعته وحشه هههههههههه
انا كنت عامل فامية سوبر دارك و أتمسكت برضة
والله انا مرة واحد عرض عليا انه يكتبلى الفاميه فى الرخصة بالف جنيه بس انا استخسرت بصراحة
وهوه ورانى رخصتين واحده مثبت فيها الفامية فابريكة و التانيه ستائر فابريكة و هيه ولا فابريكة ولا نيله
كل حاجة ممكنه فى بلدنا ام الدنيا
أحمد بيك عزت - ممكن تفاصيل أكتر فى موضوع الرخصة دة لأنى تاوى امشى فى المشوار دة
بص يا هندسة
الراجل اسمه خالد عبد الحليم 0103778883
كان بيخلصلى رخصة تشغيل الفندق و تراخيص الدفاع المدنى و خلافه
قوله انك من طرف فلان من فندق كراون بلازا شرم الشيخ
فلان مين بقى؟؟؟
شكرا يا أحمد وجارى التعامل
انا حاطط فيميه عاكس فى الازاز اللى ورا بس علشان الشمس و العيال
بس العربية 125 معرفش بقي لو العربية جديدة حيغلسوا ولة لا ؟
و بعدين انا اعرف فيميه اسمه سراب تقريبا زي ما قال لى بتاع الفيميه اللى فى شارع احمد سعيد و مكنش عنده للاسف بيكون عبارة عن شفاف لو مفيش شمس و بيتحول لعاكس لما تيجي عليه شمس بصراحة حلو علشان الحرارة لا تدخل العربية
طالما وصلت انك عايز تركب ورا بس انا حقولك كل ظريف في المرأه في المنتصف في دراع كده ورا و امام او يمين و شمال الدراع ده يستخدم بليل علشان الموضوع بتاع الانوار و الناس الخفيفه اللي مركبين زينون مش علشان بنور الطريق كويس و لكن علشان يعمي اللي امامه المهم لازم يكون وضع الدراع للخلف او ناحية الزجاج يعني و تزبط المراه كانك سايق عادي الصبح نيجي بليل حتحرك الدراع ده للخلف (عليك يعني) حتلاقي المرايا اترفعت لفوق و بقيت شايف سقف العربية
انا عارف طبعاً ان الناس عرفه الكلام ده و لكن التفصيل ده للنقطة اللي جايه
انت لما المراية حتترفع لفوق حتبقي بردوا شايف الخلف بس من غير الضوء زي كاتكون مركب فيميه بالزبط و النتيجه دي علشان المراه بتعكس مع الزجاج الخلفي و تعطي نفس الصوره و لكن بدون ضوء
النتيجه النهائيه للاستاذ mazgangy بلاش فيميه خالص و ريح نفسك :confused:
زيرو زيرو
خفيف ومش بيضايق خالص :)