ارجو المقارنة بين الاوبترا اوتوماتك و انيو اكسنت اوتوماتك ريا رجالة

**ezzatfox** · 25-08-2010 07:47 PM

المشاركة الأصلية كتبت بواسطة aymanmaly

ليا توضيح ارجو تقبلة
طبعا موضوع العفشة بتفرق من اسلوب قيادة شخص الى اخر
انا معاية اوبترا عاملة 73000 و مش مغير حاجة الا علبة دركسيون فى اول ثلاث شهور و بعد كدة مافيش مشاكل
و كمان انا مشارك فى اغلب مواضيع الاوبترا فى قسم شيفورلية و لا اتذكر انى سمعت شكوي قوية او عامة من العافشة
و طبعا المقارنة صعبة بين العربتين لصالح الاوبترا

كلامك مظبوط يا باشا .. انا مقصدتش ان العفشة فيها مشاكل .. حتى علبة الدركسيون اللى انت غيرتها بيتهيألى انها مش مشكلة عامة ممكن يكون عيب فردى .
اللى اقصدة ان العفشة بتحتاج مراجعة و تربيط على فترات اقرب من النيو اكسنت و عمرها الافتراضى بردة اقل من النيو اكسنت بس دة مش عيب فى الاوبترا لان دة ضريبة ان العفشة ناعمة .

**aymanmaly** · 25-08-2010 08:59 PM

المشاركة الأصلية كتبت بواسطة ezzatfox

كلامك مظبوط يا باشا .. انا مقصدتش ان العفشة فيها مشاكل .. حتى علبة الدركسيون اللى انت غيرتها بيتهيألى انها مش مشكلة عامة ممكن يكون عيب فردى .
اللى اقصدة ان العفشة بتحتاج مراجعة و تربيط على فترات اقرب من النيو اكسنت و عمرها الافتراضى بردة اقل من النيو اكسنت بس دة مش عيب فى الاوبترا لان دة ضريبة ان العفشة ناعمة .

شكرا للتوضيح
مع العلم انها بتتربط عندى كل 5000 مع الصيانة الدورية
وفرق التربيط بسيطة جدا وفى الغالب بتكون متربطة كويس مش محتاجة ربط مجرد تأكيد
اما عن العمر الافتراضى زي ما اتفقنا
و شكرا ليك الاهتمام بالرد

**sameh75** · 28-08-2010 03:59 AM

شكلاها كدة العطا رسى على الاوبترا ولا اية ؟

**SAMEHNOSHI** · 01-09-2010 12:47 PM

انا الاوبترا مش بتعجبنى ... لكن لو فى مقارنة مع النيو اكسنت تبقى الاوبترا افضل... و متنساش ان الاوبترا فئة اعلى من النيو اكسنت و مفروض تقارنها بالالنترا مش النيو اكسنت.