استشارة -ارجو الافادة بجد من غير تريقة

**bodo122** · 23-08-2010 11:54 PM

اولا كل عام و انتم جميعا بخير ، رمضان كريم

الاستشارة اللى عايز اسال عنها ان انا ابنى عندة 9 سنوات و مفتنع تماما انه اتولد ليكون نجم سينمائى و يطالبى ليل و نهار انى اخليه يطلع فى اعلان او بر نامج اطفال فى الاول افتكرته بيهزر ، انما دلوقتى بيتهمنى بالتقصير وعدم الاهتمام بة

المهم انا عايز اعرف ازاى اخلية بطلع فى برنامج اطفال او حاجة زى كدة

**heshamzaky** · 24-08-2010 12:01 AM

لو الولد موهوب فعلا أهتم بية ما تكبتهوش و علشان يطلع فى برنامج لو ليك حد فى التيليفزيون كان حا يطلعة فى البرامج دى بسهولة المهم لو هو موهوب بجد نمى هذة الموهبة عندة انا ابنى يا سيدى الفاضل فى تخيلى حا يشتغل ممثل لما يكبر جيل عجيب ههههههههههههههه

**Soma_Sooma** · 24-08-2010 01:11 AM

طيب انا مامتى مخرجة فى التليفزيون ممكن لو تبعتلى صورتة و رقم تليفونك و لما يكون فى عمل اقولها عليه ب س المشكلة ان دلوقتى الأعمال وقفت خلاص و اتعرضت بس ان شاء الله الأعمال الجاية هقولها علية

بس الأفضل انك تحاول تشغل وقتة ب انة يتمرن فلعبة بيحبها او كدة و حاول تحببة فى اللعبة دى بس بطريقة غير مباشرة عشان يكون ليه هدف تانى

**heshamzaky** · 24-08-2010 01:56 AM

الاطفال اليومين دول مش عايزين يلعبو زى الاطفال دول شياطين و معجونين بمية عفاريت هههههههههه

**FunnyMickey** · 24-08-2010 02:21 AM

طب يابودو هوا حيستفيد ايه اما يطلع في برنامج اطفال
ماهو بردو مش حيمثل
كل الحكايه انه حيقعد شويه
والموضوع حيشعشع في دماغه اكتر
وانتا اللي حيجيلك صداع في الاخر لانه بردو موصلش للي هوا عاوزه

اقولك علي حل اجدع
متشوف حفلات مدرسته ودخله في حفلات اعياد الطفوله والكلام ده

**A7MED_PHARMA** · 24-08-2010 02:48 AM

صوره فيديو

وحط الفيديو على الكمبيوتر ..ووريهوله
وقوله
بص
أديك طلعت في التليفزيون أهه
ولما يقولك:إيه يابابا..إنت بتشتغلني؟
أبقى قول:حسبي الله ونعم الوكيل فيك يافارما

**heshamzaky** · 24-08-2010 02:56 AM

المشاركة الأصلية كتبت بواسطة a7med_pharma

صوره فيديو

وحط الفيديو على الكمبيوتر ..ووريهوله
وقوله
بص
أديك طلعت في التليفزيون أهه
ولما يقولك:إيه يابابا..إنت بتشتغلني؟
أبقى قول:حسبي الله ونعم الوكيل فيك يافارما

كل سنة و انت طيب يا باشا عامل اية هههههههههه انت عارف الولد لو عملت الى بتقول دة لية حا يقولى كلام تانى مقدرش اقولة هههههههههه الولد الكبير 6 سنوات و الصغير 5 سنوات كنت فى النادى راح يشترى حاجة و اتأخر روحت يا باشا أبص اشوفة بيعمل أية تصدق و تأمن ب الله لقيتهم واقفين مع بنتسن أكبر شوية منهم و بتكلمو بعد ما مشينا بقولة انتو كنتو بتعملو اية تتخيل رد عليا و قال لى أية و الله العظيم قالى كنا بنثبتهم قولت لة اية قالى اة كنت عاوز اديلها رقم موبيلى نس انا مش حافظة دى صياعة مبكرة يا باشا و الولد نازل الحضانة عاوز يحط بافان تقولة لية يقولك علشان ابقى شيك اية رأيك بقى

**A7MED_PHARMA** · 24-08-2010 03:01 AM

قالى كنا بنثبتهم

أكيد كان ضارب جل في شعره
ههههههههههههههههههه
العيال بقت حاجة غريبة..ربنا يستر

**heshamzaky** · 24-08-2010 03:03 AM

المشاركة الأصلية كتبت بواسطة a7med_pharma

أكيد كان ضارب جل في شعره
ههههههههههههههههههه
العيال بقت حاجة غريبة..ربنا يستر

انت بتقول فيها أة يا سيدى ساعات بيحط جيل مع انى مش بحب الكلام دة يا باشا انا اول ما عينى فتحت على الدنيا كنت فى اعدادى مش كى جى وان و كى جى تو هههههههههههههههههه بس الواد دونجوان يا دوك بصراحة ههههههههههههه