الموضوع: ارحمونى !!! أجيب فيكترا ولا لأ

متشكر للرد يا طنانى باشا,بس الحقيقه أنا محتار جداً وضارب لخمه ومش عارف أعمل أيه ناس كتير بتقول ابعد عن الاوبل وخليك فى اليابانى أو الكورى وبرضو ناس كتير بتقول الأوبل لا يعلى عليه , بس فعلاً فيه أسعار موديلات فيكترا مبالغ فيها جداً و الواحد خايف يجيب عربيه أغلى من تمنها لأنى بصراحه هأحط اللى ورايا واللى قدامى في العربيه دى وكمان ممكن تتطلع عربيه نص كم واعانى تانى زى ما عانيت مع الاسترا قبل كده

في عربيات نظيفه كتير وسعر الاوبل بينزل او الالماني عموما لان الناس بتخاف من قطع الغيار لكن الاوبل ارخصهم لكن اللي يعرف قيمت العربيه دي لايمك يفرط فيها بالساهل كل اللي بيبيع باسعار مش غاليه بيكون مش عارف يصرف علي العربيه وانا والله طالب في عربيتي 98 65000 وجالي فيها 62 ومش موافق لاني عارف عربيتي وصارف عليها كويس جدا ارميها ليه بقي من الاول خايف من قطع الغيار يبقي ابعد عنها وربنا معاك

من الاخر عاوز تركب و تستمتع بالقيادة و رنة صوت الموتور و عاوز ثبات و تحس ان العربية مكتمة جدا وانك مالكها كده و عربية تقيلة على الطريق .. اشترى أوبل أو المانى عموما .. و فى المقابل لما يحصل عطل هتضطر تروح لحد بيفهم أوى و تجيب قطع غيار الى حد ما غالية بس معمرة.

مش فارقة معاك متعة الركوب أوى و عاوز تركب عربية اعتمادية و كويسة و اعطالها بسيطة و تكييفها كويس و قطع غيارها رخيصة و أى حد بيشتغل فيها .. هات أى عربية يابانى أو كورى.

و مادمت انت مركبتش المانى قبل كدة مش هتحس باللى أنا قلته فى الأول .. انما لو ركبت المانى ..هتفهم اللى أنا قولته فى الأول و هيبقى صعب انك تنزل منه و تركب حاجه اسياوى.

ُانا رأيي المتواضع لا لا لا لا

شكراً ليكم جميعاً واسف لعدم التواجد بسبب انقطاع الكهرباء.هههههههه سياسة توفير بئه