شباب افيدونى معروض على لانسر بوما 2008

**new2002** · 24-08-2010 03:33 PM

شكرا يا غالى على ردك
معك حق وانا اسف انا فعلا عندى اميه ثقافيه فى السيارات والله مش عارف ولكن الدريكسون فيه تعلية وخفض صوت الكاسيت وزرين اخرين وكلهم موجودين فى جنب واحد فى الديريكسون

يا ريت لو تحط صور الاثنين يبقى افضل
ولكن الصورة اللى انا حاططها للتابلوه هى نفس تابلوه العربية اللى شوفتها
وايهما افضل البوما ام القرش ( شارك )

**mr_vampire** · 24-08-2010 06:45 PM

بصراحة انا معنديش صور للاسف. بس هو كدة خلاص مادام نفس التابلوه اللي فالصور ده وكمان دريكسيون مالتي ميديا وهتلاقي زرار مكتوب عليه set و + و - ده عشان تثبيت السرعة وتزود وتخفض السرعة من الدريكسيون ومتستخدمش رجلك خالص غير فالفرامل. ومن ناحية ايهما افضل الشارك او البومة بصراحة بالمواصفات اللي بتتكلم عنها ده انا ارجح الشارك وخصوصا ان في شباب كتير هنا بيشكر فيها اوي ( انا مجربتهاش لان انا معايا مكوة اللي هي نفس البومة تقريبا في الشكل والكماليات) انكا الشارك اختلاف كلي وجزئي في الشكل والمضمون. فراي شخصي اكشف عليها كويس في اي مركز خدمة وسمكرة وموتور وعفشة وكل حاجة ولو تمام يبقي عالبركة. وتبقي تعرفنا وصلت لايه عشان نباركلك

**new2002** · 24-08-2010 07:13 PM

فعلا طلعت الـ شارك ( القرش )
فهل السعر مناسب
والزجاج الامامى به شرخ من اعلى بعرض الزجاج

**mr_vampire** · 24-08-2010 09:09 PM

متهيالي السعر ممكن ينزل شوية لان عدادها عالي بالنسبة لموديل 2008 ده فيه عربيات موديل 2000 لسة عدادها مكسرش ال100 عموما هو مش مقياس لو بيتعملها صيانة في مواعيدها. وبالنسبة للزجاج قول للبايع هتغيرلي الزجاج او نخصم سعر زجاج جديد من السعر لان المفروض بيبيعلك عربية عالركوب علي طول.

**M.FOUAD** · 24-08-2010 09:09 PM

المشاركة الأصلية كتبت بواسطة new2002

فعلا طلعت الـ شارك ( القرش )
فهل السعر مناسب
والزجاج الامامى به شرخ من اعلى بعرض الزجاج

السعر مناسب جدا لو 90 الف و الحالة زي ما بتقول بس انت كاتب في اول مشاركة انها معروضة عليك ب 85 و المرسيدس بردة سعرها مناسب جدا فلو مش فارقة معاك الموديل و غلو اسعار الصيانة خليك في المرسيدس.