اوتوماتيك فى حدود 45-50الف

**night_phoenix** · 25-08-2010 01:27 PM

اعتقد ان ده يجيب لحضرتك عربيه محترمه مستعمله و ايه رايك لو بصيت كده علي سوق المستعمل في النت و لو في هنا في المنتدي اهو تاخد فكرة و ربنا يوفقك يارب

**ehabhoba** · 25-08-2010 03:33 PM

نصيحة هات اوبل فيكترا قديم اوتوماتيك ... عربية بجد محترمة وفى حدود السعر اللى بتتكلم عليه

**mohamedaghali** · 25-08-2010 03:42 PM

المبلغ ده ممكن يركبك سيفيك 94 او 95 او نوبيرا 2006 -2003 حسب الحاله و ده من احسن الحاجات اللى موجوده فى الرنج ده و لو انى افضل الهوندا سيفيك بس اتعب فى التدوير و متستعجلش,دور فى المنتدى و فى موقع اسمهhttp://car100100.com/ بص عليه بردو و اهلا بيك معانا فى كيا و تحت امرك لو ينفع نساعدك

**max_ziro** · 25-08-2010 05:13 PM

للاسف العربيات فى حقبة ال 90 لل 2006 الكورى ف الاوتو وحشة
و حضرتك ب المبلغ دة محصور فى السيفيا و النوبيرا و الانسر الكريستالة

و السيفيا و النوبيرا فى الاوتو مبيستحملش
اما الكريستالة ال1300 فى الاوتو ولا ال128 فى السحب اما عن الكفاءة فى الاستحمال فهى رقم 1

و الى مخلى الفتيس فى النوبيرا و السيفيا مبيستحملوش انهم دايما محتاجي اهتمام و عناية ب الفتيس يعنى محتاجيت تغيير زيت و فلاتر بشكل مستمر(تكلفتهم مش عالية )
و محتاجين معاملة حنينة مش معاملة خشنة و دب رجلك لاخر الدواسة شوف اخرها اية كدة الفتيس مش هيكمل معاك 4 شهور
و مع لعناية حضرتك هتكسب عربية واسعة ثابتة حسنة المظهر قطع غيار رخيصة و شنطة كبيرة (دى الصفات المشتركة فى السيفيا و النوبيرا و الكريستالة )
اما عيوب كل واحدة منفردة
السيفيا الفرامل محتاجة رجلاش كل 3 شهور او غير الطنابير الورانية و انساها ف غير كدة الفرامل كفائتها عالية
تابلوة بيطق من الشمس (محتاج عناية)
اهتمام بدورة التبريد و دورة الزيت
ف غير كدة عربية بتشم البنزين الا فى حالات الجرى و الشد
قطع غيار رخيصة
و ثابتة على الطريق
.........................................
اما النوبيرا و للاسف معرفش عنها كتير
بس الى اعرفة
المقصات محتاجة جلب ب استمرارا متوسطتها سنة
استهلاك بنزين خزعبلى و لية حل بتغير الرشاشات و بتتظبت
اما غير كدة ف الله اعلم
و ف غير العيوب البسيطة عربية روعة
عربية ثابتة
و قطع غيار رخيصة
.............................
الكريستالة ثابتة استلاك قليل للبنزين
واطية و بتحط ف اغلب المطبات
حجاتها متوفرة و غالية نسبيا عن الكورى (مثال لو حاجة كورى ب 20 اليبانى ب 35 يعنى مش حاجة تزكر)
بتشم البنزين شم ولا سيفيا بقى ولا بتاع
اما فى المقابل ف اعلم حسابك انك راكب عربية بطيئة فى الستارع و حط دى ف دماغك
اما الفرامل ف جميلة جدا و فعلا احسن من بتاعت السيفيا و النوبيرا و دة يرجع لخفة وزن العربية و الصاج الورق بمعنى الكلمة و النفخة الكذابة الى العربية فيها و دة طبعا مش عيب ..
و الله اعلم ..

**max_ziro** · 25-08-2010 05:14 PM

المشاركة الأصلية كتبت بواسطة mohamedaghali

المبلغ ده ممكن يركبك سيفيك 94 او 95 او نوبيرا 2006 -2003 حسب الحاله و ده من احسن الحاجات اللى موجوده فى الرنج ده و لو انى افضل الهوندا سيفيك بس اتعب فى التدوير و متستعجلش,دور فى المنتدى و فى موقع اسمهالموقع الاشهر والاكثر انتشارا للسيارات فى مصر - The most famous site for cars in Egypt بص عليه بردو و اهلا بيك معانا فى كيا و تحت امرك لو ينفع نساعدك

حضرتك تقصد سيفيا من 99 ل 2001 ..