مقابله رمضان

**mimo116** · 25-08-2010 11:17 AM

يعني خلاص ان شاء الله على 9ونص 10 كده في جراج اكادميه مبارك النهارده ... انا ان اشاء الله موجود .... بس لو فيه تاجيل ان حاجه اعرف عشان مجيش على الفاضي ....

**waelamin123** · 25-08-2010 12:25 PM

السلام عليكم انا كمان معاكم فى المقابلة ان شاء الله بس ياريت استاذ حسام يعرفنى رقم تليفونة علشان لو الواحد معرفشى يوصل اتصل بيه وبعتذر ليه اذا كان اتصل بيا وانا مش رديت عليه قبل كدة لانى مش عارف رقمة

**auto5truck** · 25-08-2010 01:09 PM

المشاركة الأصلية كتبت بواسطة hosam_optrawy

خلاص ياجماعه زى ماتحبوا

نخليها بكره الاربعاء 25/8 الساعه 10 فى اكاديمية مبارك

بأذن الله معاكم اليوم مساء

**Bassem Raafat** · 25-08-2010 01:59 PM

يبقى كده الحمد لله أستقرينا على الميعاد والمكان ، وإن شاء الله أنا ح أكون من الساعه 9.30 م هناك ... وأى حد ساكن قريب من مصر الجديده ويحب إنى أعدى عليه وأنا رايح فأنا تحت أمره ..

**fawzyyyy** · 25-08-2010 02:56 PM

المشاركة الأصلية كتبت بواسطة bassemraafat

يبقى كده الحمد لله أستقرينا على الميعاد والمكان ، وإن شاء الله أنا ح أكون من الساعه 9.30 م هناك ... وأى حد ساكن قريب من مصر الجديده ويحب إنى أعدى عليه وأنا رايح فأنا تحت أمره ..

انا بردو ان شاء الله حبقي هناك من الساعة 9:30

انا اعرف الاكاديمية بس معرف الجراج فيين ؟؟

لو حد يوصفه يبقي تمام هل هو علي الدائري من بره

**Bassem Raafat** · 25-08-2010 03:25 PM

المشاركة الأصلية كتبت بواسطة fawzyyyy

انا بردو ان شاء الله حبقي هناك من الساعة 9:30

انا اعرف الاكاديمية بس معرف الجراج فيين ؟؟

لو حد يوصفه يبقي تمام هل هو علي الدائري من بره

لا يا دكتور مدخل البارك من الطريق إللى بيدخلك على التجمع ... يعنى لو جاى من ناحية طريق مصر السويس متنزلش أول نفق ولف من فوقه وإدخل طريق التجمع ( شمال ) وإمشى حوالى كيلو ح تلاقيه على يمينك .....

صح كده برضه يا بقيت الأعضاء ولا ح أطلع أنا كمان مش عارفه

ولو تحب يا دكتور نروح مع بعض أنا معنديش أى مانع أعدى عليك ... وأهو نتوه شويه مع بعض

**fawzyyyy** · 25-08-2010 03:28 PM

المشاركة الأصلية كتبت بواسطة bassemraafat

لا يا دكتور مدخل البارك من الطريق إللى بيدخلك على التجمع ... يعنى لو جاى من ناحية طريق مصر السويس متنزلش أول نفق ولف من فوقه وإدخل طريق التجمع ( شمال ) وإمشى حوالى كيلو ح تلاقيه على يمينك .....

صح كده برضه يا بقيت الأعضاء ولا ح أطلع أنا كمان مش عارفه :u_thin1[1]:

ولو تحب يا دكتور نروح مع بعض أنا معنديش أى مانع أعدى عليك ... وأهو نتوه شويه مع بعض :n_no[1]:

خلاص ايه رأيك نتقابل عند طلعة الدائري من علي طريق السويس (اكيد انت حتروح من الطريق ده بردو ) صح ولا ايه ؟؟

و انا رقمي اهو عشان نبقي نتفق مع بعض بليل 0111634549

**aymanmaly** · 25-08-2010 04:37 PM

بص يا دكتور احمد
انت عارف الاكادمية على الطريق الدائرى ؟
وانت جاي من ناحية المعادى ولا من ناحية الاسماعية؟
و على العموم هاوصف من كارفور على الطريق الدائرى
خلي كارفور على يمينك و امشى على طول و ماتزودش عن 90 لان الطريق فية اكثر من رادار ثابت جديد
اول نفق انزلة اما ثانى نفق خليك من فوق و دة طبعا على يمينك اكادمية مببارك للامن
من فوق النفق هتلاق ميدان امامك سيبك منة و خذ يمينعلى على طول هتلاقى على شمالك بوابة نادى وادى دجلة فرع القاهرة الجديدة و على يمينك هاتقبلك ارض فاضية هو دة الجراج

**aymanmaly** · 25-08-2010 04:47 PM

طيب لو جاى من طريق السويس على الدائرى اطلع اتجاة المعادى
هاتاخذ الطريق لغاية اول نفق ما تنزلش النفق هايقبلك صانية لف معاها شمال فى اول يمين هايقبلك
كدة الاكادمية بقت على يمينك تمشى على طول هتلاقى بوابة نادى وادى دجلة على شمالك و الباقى فى الوصفة السابقة

**aymanmaly** · 25-08-2010 04:53 PM

طيب لو جاى من مدينة نصر من الشارع الى فية سوق السيارات
هاتعدى سوق السيارات و تكمل على طول لغاية سنترال مدينة نصر 3 و تكمل على طول لغاية لما تلاقى صانية على الطريق الدائرى الى هايكون امامك
يمين تروح المعادى هاتلف الصانية يعنى شمال طريق السويس عل طول هو دة مدخل اللطريق الى على يمينك اكادمية مبارك و هايقابلك على الشمال بوابة نادى ودى دجلة و الباقى فوق
و انا تحت امر لجميع لو فية وصف اكثر