الموضوع: لانسر 1991 ( عيون صفيه ) بــ 25000

يعني هو موضوع الحدفة بس؟ طيب لما تعدي ال 100 و ال 120 بيحصل ايه؟

السلام عليكم ورحمه الله وبركاته ربنا يجيرك في مصيبتك ويخلف عليك خيرا منها بس احب اوضح لحضرتك حاجه يمكن تريحك شويه من الحاله النفسيه اللي انت فيها انا مريت بموضوع مشابه لده من فتره طويله كنت جبت عربيه وشديتها وصرفت عليها بغشم لاني كنت معنديش خبره وبعد فتره حبيت ابيع لقيت اني حاخسر حوالي 10000 جنيه عشره الاف جنيه فقط لاغير طبعا الدنيا اسودت في وشي وحسيت اني دخلت في حيطه سد وكانت حالتي النفسيه زي الزفت لحد ما واحد فالي انا حاريحك بحسبه بسيطه قالي العربيه بقالها معاك اد ايه قلت له سنه قالي لو انت مأجر عربيه نقول ان اليوم ب 30جنيه ايجار قلت له ماشي قالي يبقي السنه دى عملت كام 30*365=10950جنيه والله لما حسبتها كده استريحت والعربيه بقالها معايا 4 سنين وتعتبر النهارده واقفه عليه ببلاش الا ربع فمتضيقش نفسك ومتستعجلش عليها واحسبها بالحسبه اللي قلتلك عليها عشان التفكير ده حيتعبك وربنا ييسر لك امورك واسف علي الاطاله

اول شيء بحيي صاحب الموضوع جدا علي امانته ويارب انشاء الله تتباع بالسعر اللي يناسبك ويكفيك شرها يا رب.

وصدقني لو فيه نصيب ان حد يشتري منك بالتمن اللي انت عايزه هيتم بأذن الله وصدقني تقائل وربنا هييسر الامور

كل اللي خانقني ان انت متضايق والله انا كده زيك لسه بتعلم سواقه ولسه مش لاقي عربيه اشتريها ده انا مقلق والله من كلو خلاص

ماتنساش اهم حاجه بما انك انسان محترم وزوق ان انت تنوه علي الشخص اللي هيشتري العربيه انشاء الله بمشكلتها لو اللي هيشتري من بره المنتدي لان موضوع الحدفه دي صعب لو حد مش متمكن من السواقه وفلتت منه العمليه لا قدر الله تبقي مشكله

المشاركة الأصلية كتبت بواسطة m_badr

يعني هو موضوع الحدفة بس؟ طيب لما تعدي ال 100 و ال 120 بيحصل ايه؟

انت اكييد بتهزر العربيه بتحدف وهي علي 70 عايزه يجرب 120؟ ده انتحار بقي

المشاركة الأصلية كتبت بواسطة abokoko

25+7=32
9-32=23

معذره ولكن

حضرتك مسألتش نفسك ليه ثمن العربيه فى الارض كده ؟؟؟

على فكره انا خسرت مابين 12 الى 13 الف فى عربيتى الاولى
ولحد دلوقتى بقول حسبي الله ونعم الوكيل فى اللى كان السبب

حضرتك تقصد ان انا مكلفها حتى الان 32 الف و لما ابعها ابعها ب 23 الف يعنى الخساره 9 على فكره انا اشترتها شهر ابريل 2010 و كانت بتتشد حتى اول يوليو 2010 و بدات اركبها من يوليو حتى امس يعنى حوالى 55 يوم
طب حضرتك تفتكر لو بعتها ب 23 هذا تمن كويس لى و بالنسبه للمشترى ؟
اما بالنسبه لموضوع عربيتك و خساره 12 او 13 الف ربنا يعوض عليك و عليا ان شاء الله .
اما بالنسبه لموضوع تمن العربيه فى الارض انا الصراحه مش عارف ليه
انا اعرف ان العربيه يابانى و اعرف ان عيون صفيه موديل كويس فى الانسر بس اقدر اقوللك السن له حكمه و بعدين بقالها 19 سنه ممكن علشان كده ؟

المشاركة الأصلية كتبت بواسطة m_badr

يعني هو موضوع الحدفة بس؟ طيب لما تعدي ال 100 و ال 120 بيحصل ايه؟

ههههههههههههههه
بقولك 70 بتحدف طب على 120 هتعمل ايه ؟ ديت هترقص

المشاركة الأصلية كتبت بواسطة mexmarine

و الله انت راجل طيب , انا اتعمل معايا كده فى عربيه ابيزا بس الحاله مكانتش بالدرجه دى هى كانت مخبوطه فقط و مسمعه فى الشاسيه بس رشه دواخل اخر حرفنه , روحت جبت اللى كان معايا و نزلته من بيتهم بزفه اسكندانى بالبيجامه و ربنا كرم بصاحب العرربيه اللى باعها لى بقضيه تبديد و اخر مره شوفته كان رايح قسم المنتزه ( ربك ما بيسيبش و الحرام ما بيدومش) و المره دى لما جيت اشترى خدها عالتوكيل زى الباشا و حكولى تاريخ حياتها منايام ماكانت زيرو و رربنا يعوض عليك

طب انت لما عملت كده فى اللى كان معاك نزلتوا بالزفه رجعت العربيه بعد كده و لا خلاص على كده اخذت حقك منه ضرب و شتيمه؟