-
حادث غريب عجيب في مغسلة محطة السويس ( دة عنوانها علي اليوتيوب )
-
الله يلعن ابو المخدرات و اللي بيشربوها
-
اية اللي بيحصل دة
اكيد كان شارب حاجة
-
بيقولوا دة في رام الله - فلسطين حتة اسمها البيرة, و التعليق من اللي ناشر الفيديو عاليو تيوب اهو :
حصل هذا الحادث في مغسلة سيارات تابعة لمحطة السويس للوقود في البيرة-رام الله، فلسطين بتاريخ 14-8-2010. التقط هذا الفيديو من قبل كاميرا المحطة. راقب السيارة عند الثانية 0:50. طابور السيارات على اليسار بانتظار المغسلة.
ههههههههه المحطات اسمها شركة "السويس" انما مش في السويس
و التفسير اهو في تعليق اخر :
يا جماعه الموضوع وما فيه ان هذا الحادث حصل في رام الله فلسطين وان هذه السياره الكوريه من نوع kia قد فقد سائقها السيطره عليها لان دعسة الوقود قد علقت وهذا تماما ما حدث مع سيارات تيوتا
تقريبا دواسة البنزين علقت و الراجل كل اللي عملة انة حرك السيليكتور للامام و لما خبط لهوندا حط السيليكتور عالمارشدير و العربية كملت الباقي هههههههههههههه
-
ممكن تكون دواسة البنزين بتعلق مع فتيس اوتوماتيك!
أو يكون واحد متقل العيار حبتين!
-
او الاتنين مع بعض هههههههههه
-
الاتنين مع بعض يعملوا أحلى شغل :)
وينزل في الاخر يتخانق مع الناس ويقولهم خبطوني ليه
ههههههه
-
-
المشكله ان ربنا كان هاديه و واقف كويس في الصف اتجنن فجأة
انا حاسس ان الدركسيون و دواسه البنزين معلقين
-
انا مش صعبان عليا الا بتاع العربية الهاتش باك الفضي اللي ماشي الناحية التانية في امان الله و يلاقي دة طالع لة من الناحية التانية من فوق الرصيف و خلاة دخل بجنب و ضهر العربية في التريللا اللي راكنة و اكصدامة وقع و اكيد جنب عربيتة من ورا اتبهدل
-
فيديو يفطس من الضحك .... هههههههههه
فكرني بموقف مشابة كنت مع واحد صاحبي في القاهرة الجديدة وهو غشيم سواقه خالص ... فطلب مني اعلمة السواقه يادوب لسه بيحط رجله على البنزين وكأن عفريت ركبه ضغط بنزين على الآخر ومحستش الا واحنا ناطين بالعربية فوق الجزيرة اللي بين الطريقين (على الرغم من ارتفاعها) والعربية نايمه على جنبها
-
اقتباس:
المشاركة الأصلية كتبت بواسطة adham
قد فقد سائقها السيطره عليها لان دعسة الوقود قد علقت وهذا تماما ما حدث مع سيارات تيوتا
تقريبا دواسة البنزين علقت و الراجل كل اللي عملة انة حرك السيليكتور للامام و لما خبط لهوندا حط السيليكتور عالمارشدير و العربية كملت الباقي هههههههههههههه
دة اللى حصل فعلا
بس اللى علق وكتب الكلام دة مكانش لازم يضيف ضحكة فى الآخر
بصراحة الموقف لا يضحك ابدا
تخيل لو ان اى حد لا قدر الله مكان حد منهم
ربنا يستر من شر الغفلة
-
-
اي حد بيعرف يسوق مش حايعشق الفتيس على غيار (سواء كانت مانيوال او اوتوماتيك) و العربية الاكسراتير معلق و الار بي ام فوق ال 3000 مثلا
ما هو دة يا مابيعرفش مباديء السواقة يا محشش او سكران
و عالعموم ماتزعلش نسحب ال هههههههههههههههه
-
ده اكيد حب يتمنظر وعمل حتا امريكاني فا دواسه البنزين علقت معاه يا عمل حتا امريكاني والشحم الي بيبقا علي الارض في البنزينه جراه علي العربيات ولما حس انه دغ دغ العربيات واحبها هيعدموه قالك اجيب مرشدير واجري بدليل انه لما رجع بي دهره العربيه وقفت وعدل نفسه علي الطريق الاخر
-
لا حول ولا قوة الا بالله .. ربنا يحفظنا جميعاً من الغفلة ومن اخطاء الغير
-
اقتباس:
المشاركة الأصلية كتبت بواسطة kh_talaat
فيديو يفطس من الضحك .... هههههههههه
فكرني بموقف مشابة كنت مع واحد صاحبي في القاهرة الجديدة وهو غشيم سواقه خالص ... فطلب مني اعلمة السواقه يادوب لسه بيحط رجله على البنزين وكأن عفريت ركبه ضغط بنزين على الآخر ومحستش الا واحنا ناطين بالعربية فوق الجزيرة اللي بين الطريقين (على الرغم من ارتفاعها) والعربية نايمه على جنبها
ههههههههه
عملت الموقف دة اول ما تعلمت سواقه بس ربنا ستر و الطريق كان فاضي قدامي فملبستش في حاجة
-
-
ياجماعة ان بعض الظن اثم للناس اللى قالوا كان شارب
انا كنت على كورنيش اتجاه المعادي وحصل موقف زي ده
فيه جيب صيني جنبي والراجل جاى من ورايا بيزنق وانا كنت عايز ادخل شمال واديت اشارة لقيته جاى جنبي وقفل عليا وكنت مدايق جدا من الحركة لان الطريق زحمة مش هتفرق لو دخلني حارته لاني كنت ورا عربية الشرطة الكبيرة اللى بتنقل المساجين المهم وقف جنبي وكانت قدامه عربية فولكس خنفسة القديمة مرة واحدة لقيت الراجل بتاع الجيب ده ضغط بنزين جامد ولزق في الخنفسة من ورا والكوتش بتاعه قعد يفرك من ورا لانه دفع خلفى واول ما الخنفسة طلع قدام شوية وهو وراه مشلش رجله من عالبنزين لقيت طلع فوق الخنفسة عالشنطة بعربيته مكنتش مصدق المنظر وبعدين نزل من عليها ببص عليه لقيت راسه جايى عالدركسيون اما راسه جت عالدركسيون العربية حدفت منه يمين بكل اندفاع لعربية الشرطة
لزق في الكوتش الكبير بتاعها من ورا ورجله فضلت عالبنزين لغاية ما الناس راحوا له بسرعة
وطلع ياعيني عنده صرع وساعتها جت له الحالة دي
الحمدلله انه موسعليش عشان اجي قدامه
فالحمدلله انها جت له في وقت زي ده ولزق في عربية شرطة عشان مكنش بوظ الدنيا او كان ماشى بسرعة مثلا والطريق وقف او اي حاجة مشابهة
وربنا يستر طريقنا كلنا
-
-
يخرب بيت كده
هو مش طبيعي و لو عنده إدراك كان إكتفى بحادثة واحدة ..و كان مور بعد أول حادثة و نزل ..
لأ ده دخل في الناس و بعدين عشق و رجع خبط في الناس و بعدين عشق و طلع ع الرصيف و دخل في الناس !!
كون عنده صرع أو غيره دي مش مشكلة الناس على الطريق دي مشكلته هو و مفروض يحلها قبل ما يتولى قيادة سيارة
-
اعتقد فعلا ان في حاجه غلط في العربيه والسواق مايقصدش لانه كان واقف عادي في الانتظار
-
-
لا حول ولا قوة الا بالله
اكيد في حاجة حصلت في العربية
ربنا يسترها علينا
-
لا حول ولا فوة الا بالله
الواحد يبقى واقف فى امان الله ويجى واحد زى كدة يدمرلو العربية
-
حصلت لابويا في الكويت كان في باركينج مركز سلطان (شبه باركينج هايبر1 بس على كبير) وفوجئ بعربيه تويوتا برادو طلعت فوق الرصيف وخبطت في عربيتين واقفين والراجل مكمل على البنزين وفضل ينط بين الارصفه ويخبط في العربيات وبعدين طلع على الطريق ومشي عادي خالص!!
-
اقتباس:
المشاركة الأصلية كتبت بواسطة medo007
ياجماعة ان بعض الظن اثم للناس اللى قالوا كان شارب
انا كنت على كورنيش اتجاه المعادي وحصل موقف زي ده
فيه جيب صيني جنبي والراجل جاى من ورايا بيزنق وانا كنت عايز ادخل شمال واديت اشارة لقيته جاى جنبي وقفل عليا وكنت مدايق جدا من الحركة لان الطريق زحمة مش هتفرق لو دخلني حارته لاني كنت ورا عربية الشرطة الكبيرة اللى بتنقل المساجين المهم وقف جنبي وكانت قدامه عربية فولكس خنفسة القديمة مرة واحدة لقيت الراجل بتاع الجيب ده ضغط بنزين جامد ولزق في الخنفسة من ورا والكوتش بتاعه قعد يفرك من ورا لانه دفع خلفى واول ما الخنفسة طلع قدام شوية وهو وراه مشلش رجله من عالبنزين لقيت طلع فوق الخنفسة عالشنطة بعربيته مكنتش مصدق المنظر وبعدين نزل من عليها ببص عليه لقيت راسه جايى عالدركسيون اما راسه جت عالدركسيون العربية حدفت منه يمين بكل اندفاع لعربية الشرطة
لزق في الكوتش الكبير بتاعها من ورا ورجله فضلت عالبنزين لغاية ما الناس راحوا له بسرعة
وطلع ياعيني عنده صرع وساعتها جت له الحالة دي
الحمدلله انه موسعليش عشان اجي قدامه
فالحمدلله انها جت له في وقت زي ده ولزق في عربية شرطة عشان مكنش بوظ الدنيا او كان ماشى بسرعة مثلا والطريق وقف او اي حاجة مشابهة
وربنا يستر طريقنا كلنا
الحمد لله على نعمة الصحة
و ربنا يشفى كل مريض
-
ياجماعة لو حصلت حاجة فى العربية كان هايروح شمال ويمين دة يا اما شارب او مجنون
-
الحمد لله
قدر الله
ربنا يحفظنا
-
اقتباس:
وطلع ياعيني عنده صرع وساعتها جت له الحالة دي
الحمدلله انه موسعليش عشان اجي قدامه
فالحمدلله انها جت له في وقت زي ده ولزق في عربية شرطة عشان مكنش بوظ الدنيا او كان ماشى بسرعة مثلا والطريق وقف او اي حاجة مشابهة
وربنا يستر طريقنا كلنا
صرع و معاه رخصة ............... تحيا ج ع ع ......... و يحيا البزرميط ......... و كله سمك لبن تمر هندي
بلد تفرح ...... تفرج الصراحة
-
ربنا يشفي الراجل بتاع الصرع ,,,,,,,,,, و الحمد لله الذي عافانا مما أبتلى به غيرنا
و ربنا يهدي الناس المسئولة عن الرخص
-
اقتباس:
المشاركة الأصلية كتبت بواسطة tutankhamoun
ربنا يشفي الراجل بتاع الصرع ,,,,,,,,,, و الحمد لله الذي عافانا مما أبتلى به غيرنا
و ربنا يهدي الناس المسئولة عن الرخص
ماهو طول ما المطلوب منك علشان تطلع رخصة هي شهادة باطنه و نظر و بيطلعوا حتي من غير كشف يبقي عادي و ربنا يشفي كل مريض
-
اقتباس:
المشاركة الأصلية كتبت بواسطة tutankhamoun
صرع و معاه رخصة ............... تحيا ج ع ع ......... و يحيا البزرميط ......... و كله سمك لبن تمر هندي
بلد تفرح ...... تفرج الصراحة
ياسيدي الفاضل وحد الله
واحد جارنا عنده صرع و بيجيلة نوبات اللهم احفظنا لغاية ما بيبل هدومة (على كلام اخوة) و دخل حربية بالكوسة و بقى ضابط
-
اقتباس:
المشاركة الأصلية كتبت بواسطة tutankhamoun
ربنا يشفي الراجل بتاع الصرع ,,,,,,,,,, و الحمد لله الذي عافانا مما أبتلى به غيرنا
و ربنا يهدي الناس المسئولة عن الرخص
أمين
-
-
-
اقتباس:
المشاركة الأصلية كتبت بواسطة tutankhamoun
صرع و معاه رخصة ............... تحيا ج ع ع ......... و يحيا البزرميط ......... و كله سمك لبن تمر هندي
بلد تفرح ...... تفرج الصراحة
ربنايشفي كل مريض آآآآمين
كووووسة
المفروض واحد عنده صرع ممنوع يطلع له رخصة
-
أنا عمري ما شفت حاجة كده !!!
-
-
فيه حاجة مش مضبوطة ,
منين كان واقف و مرة واحده اتحرك و طلع على جنب الرصيف و خبط العربية و عربيته وقفت فلو فيه مشكلة في العربية يبقى هينزل منها , لكن جاب مرشدير و حاول يهرب ,
و في نفس الوقت لف بطريقة غريبة على الناحية التانية ,
انا رأي إنه متعلم سواقة جديد و في الغالب شاب صغير و خاف لما خبط العربية الأولي فحاول يهرب ..