مشكلة صغيرة في الدهان

**Bishoy.Girgis** · 25-08-2010 07:37 PM

انا برده برجح رأي الاستاذ وليد في استخدام بوليش ممكن يحل المشكلة كتير اوي بس البوليش العادي مش بحبذ البوليش اللي بلون العربية الا لو كان لعربية لون اسود فده مش هيكون باين عيبه

**SeaShark** · 25-08-2010 09:44 PM

انت عربيتك سوداء
طيب انا عندي كذا اقتراح اولا انك تجيب قلم دوكو اسود و ده بيتباع عن سمير و علي هاته و حاول انك تمشي علي الخدش بدقة هتلاقيه بءي احسن بكتير

في حاجة كمان (لو الخدش سطحي) اسمه rubbing compound و صورته اهي ادهنه علي الخدش و سيبه ينشف و بعد كده بقطنه و امسحه كويس ساعات بيجيب نتيجه في بعض الخدوش
و صورته اهي

و معلش متزعلش و ربنا ياخد كل مؤذي

**ahmed.mohy** · 29-08-2010 02:00 PM

المشاركة الأصلية كتبت بواسطة hisho

طيب مافى حل يا جماعه انتو ناسيينه
ليه ماتجيبوش غطا للعربيه ولما تركنوها تغطوها بيه زى ما الناس كانت بتعمل زمان
=)

انا فعلا عندى غطاء للسيارة بس بغطيها لما بتبقى برة الجراج وواضح اني ده حصل وهي واقفة في الشارع اثناء صلاة التراويح
لكن فكرة غطاء السيارة بصفة عامة فكرة ممتازة بتنفع لما بتركن السيارة مدة كبيرة او لو في مكان شمس وخاصة فى المناطق الساحلية

**ahmed.mohy** · 29-08-2010 02:13 PM

المشاركة الأصلية كتبت بواسطة karaktar

ايواااا هوه الصوباع ابن الإييه ده وانا تحت امرك طبعاً

طيب دة كلام جامد جدااااا
حضرتك كان جاى مع العربية نفسها معني كدة ممكن ابص علية مثلا في شنطة العدة بتعتها ولا ايه
علي كل حال هشوفه ولو ماعنديش هكلم حضرتك وابقي شاكر جدا .وبعد كدة فعلا انا هظبط العربية بالبولش ومادة تشميع للحماية اكتر من الاتربة والشمس
وشكرا جدا لحضرتك ولاستاذ احمد وصراحة انا عايز اتعرف عليكوانتم الاتنين لانكم من الناس اللي ساعدوني كتير خاصة وقت حيرتي في شراء العربية وبعدها كمان ... وطبعا بقيت اعضاء نيسان المحترمين جد

**ahmed.mohy** · 29-08-2010 02:46 PM

المشاركة الأصلية كتبت بواسطة mk682

انت عربيتك سوداء
طيب انا عندي كذا اقتراح اولا انك تجيب قلم دوكو اسود و ده بيتباع عن سمير و علي هاته و حاول انك تمشي علي الخدش بدقة هتلاقيه بءي احسن بكتير

في حاجة كمان (لو الخدش سطحي) اسمه rubbing compound و صورته اهي ادهنه علي الخدش و سيبه ينشف و بعد كده بقطنه و امسحه كويس ساعات بيجيب نتيجه في بعض الخدوش
و صورته اهي

و معلش متزعلش و ربنا ياخد كل مؤذي

ده برضه من ضمن الحاجات اللي فكرت فيها بس معرفش النتيجة بتعته ايه لكن هجربه
وبعد لما اخلص الموضوع ده هاطمنكوا ونستفاد كلنا من التجربة دى وشكرا لأرائكم المفيدة

**Ahmed.TV** · 30-08-2010 02:29 AM

المشاركة الأصلية كتبت بواسطة mohyel9

وشكرا جدا لحضرتك ولاستاذ احمد وصراحة انا عايز اتعرف عليكوانتم الاتنين لانكم من الناس اللي ساعدوني كتير خاصة وقت حيرتي في شراء العربية وبعدها كمان ... وطبعا بقيت اعضاء نيسان المحترمين جد

يافندم لينا الشرف ونفسنا نتعرف عليك اكيد والاسرة تكبر ونفسنا نتعرف على كل الناس
لان دخولنا على منتدى نايل موتورز مش مجرد صفحة نت بنفتحها وخلاص
يهمنا التشارك مع بعض دايما لخدمة الناس , وترابطنا مع بعض بصداقتنا هى اللى بتقوى القسم وبتخليه واقف على رجله
وبيسعدنا اننا نلاقى حد سعيد , وياريت باذن الله نتعرف عليك فى اقرب وقت لان زى ما قولنا لحضرتك ده شرف لينا

وفى مقابلات مصغرة للكوماندوز ممكن تشرفنا فيها عقبال المقابلة الكبيرة اللى على اخر السنة اللى بنخطط ليها مع الكوماندوز عشان تتم على اكبر مستوى يشرفنا ويشرفكم ويشرف القسم

وياريت نعرف رايك فى افضل موضوع مميز وافضل عضو فى الموضوع المطروح عشان من خلالك ومن خلالكم عاوزين نتطور القسم والموضوعات , وده مش حيتم الا لو كلنا ايد واحدة مع بعض