ياجمتعه لو سمحتوا عايز أعرف سعر المارش البوش للعربيه أوبل فكترا 97 / 2000 سى سى أستيراد
يعمل كام أو رقم تليفون حد بتاع أستيراد علشان كل الكروت بتاعتهم اللى عنى ضاعت والحمد لله
عرض للطباعة
ياجمتعه لو سمحتوا عايز أعرف سعر المارش البوش للعربيه أوبل فكترا 97 / 2000 سى سى أستيراد
يعمل كام أو رقم تليفون حد بتاع أستيراد علشان كل الكروت بتاعتهم اللى عنى ضاعت والحمد لله
هاشوف نمرة سوسو
الموضوع ده فيه كل تيليفونات واسعار تجار قطع غيار الاوبل الاستيراد
افعص الرابط يبان المستخبي
http://www.nilemotors.net/Nile/25135-a.html
شكرا أستاذ عبد العزيز جزاك الله كل خير
تمام يا باشا
بس غلبه فى التدوير
انا بادور على حافظة الكروت اللى مكتوب عليها اوبل
ده رقم تاجر فى الحرفيين : أحمد النواصرة
0126564441
ده رقم تاجر فى الاسماعيليه 0124650323 اسمه حمدى زين واسعاره كويسه
rabbat5 &
ashrafnoby
شكرا للساده الأفاضل اللى أتكرموا وردوا عليا
ومستنيك ياعم طنانى
والموضوع ده خلانى أفكر نعمل موضوع جديد نحط فيه أرقام تليفون وعناوين تجار الأستيراد بس
من كل المحافظات عشان سهوله البحث وياريت الموضوع يبقى كله كده يعنى من غير ردود غير الأرقام والعناوين فقط
سؤال صغير
هو المارش عندكماله
لو جلب بتتغير
و لو حدافة بتتغير
بلى بيتشال و يجى غيره
والله ياطنانى منا عارف أقولك أيه بس الموضوع طويل شويه معلش أستحملنى
البدايه كانت البطاريه فجأه نامت مع العلم هى 72 أمبير وأنا عارف أنها مش بتاعتها
بس مستحرم أغيرها وهى لسه جديده وأنا شارى العربيه بيها
المهم رحت للكهربائى بتاعى ولأول مره أحس أنه بيخرف ( قاللى نشوف المارش يمكن فى ماس ) مع أن العربيه مكانتش بتعتل فى الدواره وأنا عارف عيب البطاريه ممكن يكون يأما دينامو ياأما حاجه عمله تسريه
المهم فكه وفعلا بيفك المسامير بتاعته لقى جواه ترس بلاستيك (مش عارف أسمه ) مكسر بالكامل بس موجود فى مكانه ولما فك المارش نفسه الترس فك من بعضه وقاللى كده المارش لازم يتغير بدل مانجيب نص مارش وكده
غيرنا المارش وجربنا تمام التمام وبعد شويه أدور العربيه مش عايزه تدور جبت كهربائى تانى عمللى قفله فى المارش عشان أدور وأمشى وقاللى الأتوماتيك بتاع المارش بايظ روحت متصل بالأفندى وقولتله العربيه فى الجراج ولو ماجيتش فكيته بنفسك هاجى أكسره على دماغك وفعلا جه زى التييييت فكه ومشى والحمد لله أنى مكنتش أديته غير 50 جنيه مصنعيه قولتوا مش عايزها ومش عايز أشوف وشك قدامى فى ظرف 10 دقايق والعربيه سخنه ولسوعت أيديه لحد ما فكه وجرى من قدامى
طيب اللى بتتكلم فيه ده ترس البندكس
هو فى الأوبل 3 تروس جوه بعض بتعشق بطريقه معينه
هوه الترس البلاستيك وشكرا لردك على الخاص ياطنانى والله فعلا أنسان جميل وخدوم
تحت امرك و ربنا يسهل لما فيه الخير
ياباشا عرفت السعر ولا لسه
وعموما أنا هحاول أجيبلك سعره التقريبى
لسه والله يا أحمد بس طنانى قايم معايا بالواجب فعلا وفى محاوله لتصليح القديم وربنا يسهل
ربنا معاك ياطارق باشا وإن شاء الله تنفع محاولة التصليح
إنشاء الله وطنانى باشا فعلا قايم بالواجب وزياده وفعلا من غيره كنت لبست مارش فى حدود 300 جنيه غير المصنعيه هوه لسه مكلمنى من شويه وقاللى أنه غير الترس وباقى الشغل عند الخراط هايظبته صح عشان كان فى عك كتير والكلام ده أنا شوفته فعلا وربنا يباركله ويكفيه شر الطريق والبنى أدميين
أه على فكره أيه رأيك تعمل موضوع عن تصليح المارش ده ياعمنا طنانى وبالصور لو أمكن عشان الكل يستفيد ويدعيلك
طيب استنى لما يتصلح و بعدين نشوف
و حاضر يا باشا
بس الموبايل اللى كاميرا بتاعته حلوه اتسرق
منهم لله
اه فكرتنى والله معلش ياطنانى المؤمن دايما مصاب بس برده ده يخليك تعمل الخير لكن بحذر شويه
(مش كل الناس طيبين زيك )
الحمد لله على كل شئ
على فكره الخراط لسه مخلص دلوقتى و ملحشى يوديه للكهربائى
هياخده منه بعد الضهر بكره يقفله
الكهربائى نضف و جهز حاجته
و الخراط فور كل الجلب اللى كانت معموله و عمل جلب من اولها
فمعلشى بكره اكد عليك انه تمام ان شاء الله
على فكرة المارش ناقص طبقين و سوستتين الكهربائى هيحاول يتصرف فيهم يا الخراط يعملهم
شكرا يا طنانى باشا والله الواحد مش عارف يودى جمايلك دى فين
وعلى فكره لو مش نافع مفيش مشكله عشان أنا حاسس أنى تعبتك جدا والله
ومنه لله الكهربائى بتاعى أبن التيييييييييييييييييييييي يت
على فكرة المارش خلص
و كان بيلين الجلب دلوقتى
لغاية ما ظبطت شوية
و بكره هيلين فيها تانى عشان متبقاش محمله
و هو جاب النواقص مش عارف منين هو اتصرف
بس بيقولى بقى ما شاء الله تمام
و ربنا يسهل بكره اشوف ايه الظروف
على فكرة الكهربائى ده مقلب حاجات من المارش ده و الحاجات البسيطه دى تبوظ تصليح اى مارش
و ربنا يسهل بكره و يكون المارش لين و بقى تمام
بالنسبة للتكلفه
انا معرفشى اتكلف ايه غير تمن الترس البلاستيك
لما اشوف الكهربائى هيعمل ايه
و لو عايزنى اجيبه و اى حد عندك يركبة مفيش مشكله انا متأكد انه بقى تمام
مليوووووووووووووووووووووو وووووووووووون الف شكر يا طنانى ومش مهم التكلفه
المهم وقفتك معايا قصاد ولاد ال ................... وألا بلاش أحنا فى رمضان
وبالنسبه للتركيب لن أتنازل عن الكهربائى بتاعك حتى لو هياخد العربيه نفسها ومش هاروح للحرامى ده تانى
تــســـــــــــــــــلم يا كبيـــــــــــــر
انا بكره هاخلص مشوار عندى فى المعادى
لو لقيت الكهربائى بيتكلم فى كلام عقل فى السعر بتاعه عشان يجى يركبة هاتكل على الله و اكلمك
مكانشى هاتصل بيك الأول
مشكور يا طنانى إنت فعلا ونعم الاخ
ربنا يخليك لينا وميحرمناش منك إبدا
ok ياباشا
و ركب المارش و الحمد لله
طارق بقى يبقى يحكى الحوار كله
طنانى والله فعلا أنسان جميل وخدوم وللعلم ان نفسى لما انزل القاهره اشوفه علشان يعزمنى على شاى او قهوه علشان اغرمه
بس كده
و غدا كمان
انا كنت جايبه فى حدود 400 للأسترا عندي من حوالي 8 شهور
كان فيه ايه عشان تغيره
كان الاتوماتيك بيودع
و الرجل قالي ان الاوتو و المارش حته واحده
و انه مينفعش يتفتح وكدا
يا حلاوة
الأتوماتيم منفصل عن اى مارش فى كوكب الأرض
و قصدك ايه بيودع
محدش عايز يتعب نفسه و يشتغل
و لازم تزنق الصنايعى و تخليه يحس انك فاهم مش زبون
السلام عليكم
اولا ابدا بحديث النبي عليه الصلاة والسلام معناه ان أحب الناس الى الله تعالى انفعهم للناس
قال صلى الله عليه وسلم: .« أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام .. » صححه الألباني الأحاديث الصحيحة رقم (906).
اما عن نفسي فانا استفدت كثيرا من الاخوه الكرام وهذه منفعه عامه والكل يستفيد