-
برجاء المساعده بخبراتكم
السلام عليكم ورحمه الله وبركاته
اولا قبل البدء فى كتابه مشكلتى وهى عن سخونه الريداتير قرات مداخلات حضراتكم لمشاكل من هذا القبيل حتى اتم حل المشكله
لكن للاسف مشكلتى قد تكون متشابه فى جزئيات ومختلفه فى جزئيات اخرى
وبالنسبه لى من بعد ماتعرفت على حضراتكم فى هذا المنتدى وانا لا اقدم على اعطاء سيارتى الى اى فنى قبل ان اضع مشكلتى بين ايديكم وذلك لما اقراءه من فتاوى بعض الفنيين فى اصلاح السيارات اصبح مثل دكاترة العصر عاوزك تعمله اشعاءات على كل جزء فى العربية ويجرب ويحل ويفك وتذهب بشراء قطع الغيار اللى يقولك علية ويفضل العيب زى ماهو لغاية ماتكرهه نفسك
المهم سوف ادخل لحضراتكم فى المشكله
سيارتى ريجاتا نوفا 90 وانا ذاهب الى مكان عملى وجدت مؤشر الحرارة عدى 90 ركنت ورفعت الكبوت مفيش مشكله كل الوصلات عادية
استحملت ومشيت بالسيارة حتى وصلت شركتى طبعا على مراحل تبرد السيارة وامشى تشخن اركن على جنب حتى تبرد ثم اشغل السيارة وافتح غطاء الريداتير وازود مياه وهكذا حتى وصلت الشركة وركنتها
واضفت اللى حصل فى مداخله
احد الاعضاء قالى لى اعمل قفله فى السلكتين اللى وصلين الى ترمستات اللى فى الريداتير لو المروحه اشتغلت يبقى العيب فى الترمستات تغيرة
جبت قطعه سلك تخينه ووصلت السلكتين ببعض وركبتهم فى الترمستات المروحه اشتغلت والحمد لله لكن علشان اطفيها يجب نزع القطب السالب من البطارية حتى تفصل المروجه قلت مش مشكله لم امشى اليوم بيها من عملى اغير الترمستات فورا
اليوم ركبت القطب السالب فى البطارية علشان اروح بها والسيارة اشتغلت وزودت مياة القربه المروحه طبعا شغاله ديركت مباشر 000 الطبيعى هنا ان العربية لا تسخن نظرا لان المروحه شغاله على طول
لكن للاسف الحرارة بتزيد كان المروحه مش شغاله ومش عارف سبب لذلك
مشيت بالسيارة وتسخن اركن افتح الكبوت المياه فى القربه بتغلى غلى ابطل السيارة تبدا المياه فى القربه تهدى
لو دورة المياة مش واصله كانت المياه فى القربه تكون بارده والرداتير سخن هو والماتور لكن الكل بيسخن الماتور والريداتير والمياه اللى فى القربه بتغلى وبرضه المروحه شغاله
سؤال هل لو انا عكست الكلبسات اللى واصله الى ترموستات الريداتير بالخطا هل ممكن تلف ريش المروحه عكس يعنى بدلا من ان تبرد الريداتير تبرد الجهه الاخرى بجد انا مش عارف
انا قرات ان ممكن يكون محتاج جوان 000000000000 طيب ايه المؤشرات اللى تقول جوان
وقرات ان ممكن يكون الريداتير مسدود محتاج تنظيف 0000000000 ماهى المؤشرات اللى تقول ان الريداتير مسدود
وقرات برضه ممكن يكون محتاج تغير او تضبط تاكيهات 00000000000 واخيرا ماهى المؤشرات اللى تقول ذلك
بالنسبه للسيارة انا سوف اركنها اليوم بجوار بيتى ومش هوديها الى أى فنى حتى اتلافى اخطائهم قدر الامكان مع انتظار ردود حضراتكم لمشاركتى فى عطل سيارتى
لكم منى خالص تحياتى
-
بالنسبة لسخونة السيارة فحضرتك المفروض الاول تكشف على :
1: عدم نقص فى مياة الرديايتر او القربة واحكام غطاء الردياتير والقربة
2: عمل الثرموستات بصورة طبيعية وهية انها تشتغل على درجة حرارة 70-80 ودية هتبقى احسن واحدة للصيف وتتاكد من انها اصلية وتعمل بكفاءة
3: ان الرديايتر نظيف ومافيش فية اى انسداد , وان طلمبة المياة بتقلب كويس وبتعمل بسلاسة بدون صوت
4: احكام جوان وش السلندر وانة مش ضارب
5: ظبط التاكيهات بطريقة صحيحة
الحاجات دية هتخلى العربية معاك مش هتسخن ان شاء الله لو مظبوطة
اجابات اسئلتك بقى :
1: هل لو انا عكست الكلبسات اللى واصله الى ترموستات الريداتير بالخطا هل ممكن تلف ريش المروحه عكس يعنى بدلا من ان تبرد الريداتير تبرد الجهه الاخرى ؟
اكيد لأ طبعا الثرموستات مالهاش علاقة بطريقة لف المروحة علاقة الثرموستات هية انها تعطى اشارة اللى المروحة بالتشغيل عند وصول درجة حرارة المحرك عند حد معين
2: طيب ايه المؤشرات اللى تقول جوان؟
مؤشرات الجوان : وجود نقص فى الردياتير بصورة مستمرة وسخونة زائدة فى السيارة
وللتأكد افتح غطاء الرديايتر ودور السيارة وعينك على فتحة الرديايتر لو المياة خرجت برة بقوة وكتير يبقى كدة الجوان بايظ
3: ماهى المؤشرات اللى تقول ان الريداتير مسدود؟
هو انك تكون واقف بالعربية تلاقى الحرارة بتزيد عن وانت ماشى بس اهم حاجة تكون متأكد من كفاءة عمل طلمبة المياة
عند الضغط على البنزين وحرق على الغيارات تلاقى العربية بتسخن على طول
4: تضبط تاكيهات واخيرا ماهى المؤشرات اللى تقول ذلك ؟
ظبط التاكيهات انك بتسمع صوت تكتكة فى الماتور وخصوصا عند ادارتها صباحا بيبقى واضح قوى , ولو ماتظبطش صح , بتلاقى العربية بتسخن وانت واقف العربية مخنوقة , بتسحب بنزين كتير , مابتوصلش لسرعة بعد ال100 واحيانا بعد 80 بتبقى حالفة ماتعديش دية اعراض لو التاكيهات اتظبطت غلط ولازم التاكيهات تتظبط والعربية باردة تماما
انصحك بالاتى :
1: غسيل دورة التبريد جيدا
2: التاكد من عمل مروحة السيارة بصورة طبيعية لانها ممكن تكون ضعفت
3: التاكد من عمل طلمبة المياة
4: كفاءة عمل الثرموستات
اعمل دول وقول النتيجة عشان نكمل المشوار التانى
ومش كل حاجة الميكانيكى يقولك عليها تغيرها لو قالك غيرها وطلع العيب مش منها قولة مش هدفع تمنها وابقى اتفق معاة قبل ماتشتريها لان للاسف الميكانيكى بيقعد يجرب ويصابت يامصابتش وانت اللى بتدفع وفى الاخر يبقى عيب هايف وتلاقى نفسك داخلك فى 100 جنية
-
هممممممممممممممممممممم....
أول حاجة تروح تكبس دورة التبريد علشان تعرف في تسريب ولا لأ.....
لو مافيش تسريب يبقى نظف دورة التبريد في البنزينة....
ممكن يكون الثرموستات مش بيفتح للآخر...
ممكن تكون عاوزة تظبط تاكيهات (موضوع سبق شرحة من المهندس سمير عياد).....
و الله أعلم...
شوف و طمنا...
-
بسم الله على الردود السريعه
شكرا لساده الاعضاء لتجاوبهم السريع
الان حدث شىء ممكن يفيد حضراتكم لتشخيص الخطا عندى
انا قلت لحضراتكم ان السيارة لما بتسخن ابطلها فترة ثم ادور السيارة وافتح غطاء الاربه لوضع الماء
الذى كان يحدث انه كنت ارى الاربه فاضية بسبب سخونه السيارة اما الان بعد ماركنتها بجوار منزلى قلت لحالى اشيك مرة اخرى لعلى اجد شىء
وبالفعل وجدت الاتى وجدت الاربه كما المعتاد فاضية ملتها حتى اخرها ثم وضعت فمى فى فوه الاربه وهى مليانه ونفحت فيها كل المياه اللى داخل الاربه دخلت الى الريداتير ثم مليت الاربه مياه على اخرها مره اخرى ووضعت فهمى فى فوهه الاربه ونفخت فيها لثانى مرة كل المياه اللى فى الاربه سارت فى الريداتير والماتور ذوت بهذه الطريقة ثلاث مرات املا الاربه وانفح وتذهب المياه داخل الريداتير
ملحوظه لا يوجد تسريب للمياه التى اضفتها بدليل انى شيكت تحت السيارة يمكن تكون هذه المياه بتسرب من مكان ما لكن الحمد لله مفيش تسري
فاستنتجت الاتى انه لما كانت السيارة بتسخن والمروحه شغاله سببه عدم وصول استكمال المياه الكاملة داخل الريداتير ثم الماتور بسبب الانسداد والعكس كان صحيح كان ان الريداتير مافهوش مياه ولما كنت بملا الاربه كاملا كنت فاكر ان كمان الريداتير مليان مياه وبيكمل دورته
لكن اللى بستعجب له ان السيارة لما كانت بتسخن الاربه بتكون مليانه مياه ساخنه بتفور محتاجه مخرج برضه كان استنتاجى ان دورة خروج المياه اى الفايز بتشتغل تمام اما رجوع المياه فهذا اللى كان لا يعود بسبب الانسداد
هل بعد هذه التجربه اكون محتاج تنظيف لدورة التبريد اى الريداتير مع تغيير الترمستات 70 على 80 واستبعد التاكيهات والجوانات
بالنسبه للتاكيهات انا بدور سيارتى عادى بدون اى صوت او تكتكة واستهلاكى للوقود طبيعى
اما بالنسبه للجوانات فمجربتش ادور السيارة وافتح غطاء الاربه علشان اشوف المياه بتنتطر ام لا وهل اجرب الطريقة ده والسيارة بارده ولا اكون جاى من مشوار
-
انصحك بالاتى :
1: غسيل دورة التبريد جيدا
2: التاكد من عمل مروحة السيارة بصورة طبيعية لانها ممكن تكون ضعفت
3: التاكد من عمل طلمبة المياة
4: كفاءة عمل الثرموستات
اعمل دول وقول النتيجة عشان نكمل المشوار التانى
ومش كل حاجة الميكانيكى يقولك عليها تغيرها لو قالك غيرها وطلع العيب مش منها قولة مش هدفع تمنها وابقى اتفق معاة قبل ماتشتريها لان للاسف الميكانيكى بيقعد يجرب ويصابت يامصابتش وانت اللى بتدفع وفى الاخر يبقى عيب هايف وتلاقى نفسك داخلك فى 100 جنية
الحمد لله انحلت المشكلة وبدون الذهاب الى أى فنى وذلك بفضل الله اولا واخير من خلال اسبابه التى وضعها فى طريقى المتمثله فى الاعضاء الكرام الذين لم يبخلوا علينا بخبراتهم
اشتريت ترومستات جدبد مكان القديم الذى كان عليه طبقة املاح كبيرة التى تسببت فى عدم تشغيل المروحه عن السخونه
نظفت دورة التبريد من خلال وضع خروطوم مياه بقوه حتى يتخلل كل قطع بالريداتير وغيرة بحيث لو فيه وساخه او صدا ينزل مع اندفاع المياه
بعد تركيب الترمستات واضافه المياه وضخها حتى امتلات والتأكد ان المياه وصلت للريداتير ومنه الى الموتور لتبريدة
بعد ذلك شغلت السيارة وتركتها وضليت متابعه المروحه حتى عدا المؤشر 90 اشتغلت المروحه ثم طفت عندما قلت الحرارة عن 90
المشوار تكلفته كلها 15 جنيه ثمن الترمستات لانى بفضل الله وتوفيقه فكيت المروحه حتى اقدر افك الترمستات واركبه وبعده اركب المروحه تانى
اجمل شىء انك تحس انك تقدر تعمل شىء بايدك بس مش أى شىء الشىء البسيط لكن اكثر من ذلك يفضل ميكانيكى موثوق فيه
شكرا لكل الساده الاعضاء
كل سنه وانتم طيبيون
-
الحمد لله انها اتحلت الف مبروك
-
مبروك انها اتحلت....
و ربنا يجعلها آخر الأعطال....
في رعاية الله...
Content Relevant URLs by
vBSEO 3.6.0 PL2