الموضوع: k&n filter للبيع

المشاركة الأصلية كتبت بواسطة mikology

معلش ممكن اعرف هو كده بس من غير خراطيم و زوايا ؟
سؤال تانى - انا كنت عاوز اشترى واحد بس خفت لايطلع مضروب - انت بتعرف منين انه اصلى او بمعنى اصح انا اعرف منين انه اصلى -لان فى واحد صاحب محل اكسسوارات ورانى فلتر من الفترينه مدموغ عليه made in japan وقالى ده صينى لو عاوزه خده ب 200 جنيه - فبصراحه لغيت الفكره من دماغى - انما لو اللى معاك ده اصلى فعلا - كده ممكن انوى اخده منك - بس قولى انت مش عربيتك فيها فلتر IAFM كنت مركب ده ليه ؟؟ وهل لما ركبته اداك اداء كويس و صوت حلو ولا ايه - ياريت تدينى خبرتك فى الفلتر بما يرضى الله عشان اعرف اذا كان يناسبنى ولا لأ
تحياتى

هو كدة بس ياباشا ولو حضرتك عايز ماسورة دي بتتباع ب 150 جنيه ودي بتزود الصوت والاداء طبعا
بالنسبة تتأكد ازاي ان ده اصلي هقولك يا سيدي ان الفلتر ده ليه كود الموديل بتاعو وكان مكتوب على علبتو ان هو امريكي وكمان موجود ختم ال k&n على الفلتر وبصراحة لقيت الاداء بقى احسن من ال IAFM بس المشكلة اللي خلاني اشيلو هو ان صوتو عالي شوية
انا بتكلم طبعا عن ده لانو مش بتاعي وانا كنت هخدو من صحبي بس لقيت صوتو مزعج شوية خصوصا ان ولدتي بتركب العربية ساعات

المشاركة الأصلية كتبت بواسطة mikology

اداءه احسن من الى عندك - تمام
على العموم انا عارف اللى عندك و عارف اداءه و صوته - صوته بسم الله ماشاء الله هايل - على فكره انا من محبين البروتون و ناوى انى اجيب جينا السنه اللى جايه لما ينزل منها اللونين و خاصه الدرجه الاحمر النارى ومتابع معاكو فى قسم بروتون من زمان مطولش عليك
هل الفلتر ده صوته احلى من صوت الللى عندك او اللى بيبقى فى الجين - لانهم واحد - عشان بصراحه صوته عجبنى - فهل ده احلى منهم ؟؟ - كالمقوله المشهوره (زئير تحب تسمعه) ؟
بالاضافه الى - العلبه بتاعته دى موجوده و كمان بيبقى جاى معاه سائل تنضيف - موجود ؟
جاى من بره ولا شاريه من هن؟ا - ليه ضمان ولا لأ ؟
معلش انا اسئلتى كتير - بس بجد عشان انا ناوى اشترى فلازم اعرف كل حاجة من اولها عشان متجيش فى الاخر و يحصل اللى بيحصل و اضيع وقتك معايا
تحياتى

يا باشا اسأل زي مانت عايز انا تحت امرك
بخصوص الصوت هو فرق كبير في الصوت طبعا لصالح ال k&n والاداء بيبقى ملحوظ اكتر على السرعات العالية في التسارع وبعدين اللي معاية الحجم الكبير مش زي السيموتا العادي ونقول مبروك مقدما على الجين2 ةربنا يباركلك فيها
للاسف العلبة مش معاه وبصراحة معرفش معاه ضمان ولا لا بس حتى لو معاه انت كدة كدة في مصر
هو صحبي كان شاريه من عند محل جو في الماظا كان جديد ب 500 جنيه (485 جنيه بالظبط)
ولو تحب نتقابل واسمعك صوتو على العربية مفيش اي مشكلة وانا تحت امرك

ايه يا جماعة الناس بطلت تشتري الحاجات دي ولا ايه؟

المشاركة الأصلية كتبت بواسطة ahmedtefagad

انا فعلا بدور على واحد دلوقتى وان شاء الله احتمال كبير اخدة من حضرتك بس
هو مكان حضرتك فين ..!!؟

والفلتر بقالة فترة اد اية كان شغال ...!؟
ولك منى جزيل الشكر

يا باشا انا اجيلك مكان ماتحب
والله بقالو بالظبط 12 يوم في عربية لانسر بوما وبعد كدة اتشال
وتحت امرك في اي حاجة