الموضوع: هو اللى يشترى من الsale يبقى مش class ?

المشاركة الأصلية كتبت بواسطة yoko

كبري دماغك منها ده انا الأساسي أنزل أشتري في الsale بالذات إن في السعوديه الsale بيوصل ل70% يعني لسه مشتري تي شيرت كابا سعرها المفروض ب300 ريال وخدها ب60 ريال!!!
دي شطارة وذكاء مش بيئة!!!

قال تعالي(إن المبذرين كانوا إخوان الشياطين وكان الشيطان لربه كفورا)

(وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ) (31) سورة الأعراف
وإن الواحد بيشتري في التخفيض ده أكبر دليل إن الواحد بيبعد عن الإسراف

الصور اللى فى الموقع صعبة جدا كانوا بعتوا الأكل ده للمحتاجين احسن

بس متهيألى الآية" ان المبذرين كانوا اخوان الشياطين وكان الشيطان لربه كفورا "سورة الأسراء ودورت على جوجل ملقيتش اية فيها ان المسرفين انا عارفة انك جايبها من الموقع مكتوبة كده بس واضح انهم غلطانين

انا عمرى مبهتم بكلام حد على فكرة بحيث انه يأثر على تصرفاتى انا بتضايق بس
انا اتأثرت منها بس انها توجهلى الكلام ده عشان احنا اصحاب فحبيت اسألكو واشوف دماغ الناس هم فعلا بيفكروا كده ولا لأ لكن انا فى جميع الأحوال بعمل اللى انا مقتنعة بيه طالما متأكدة انه صح ولا يغضب الله
وعلى فكرة هى فعلا غنية وفعلا بتشترى حاجات غالية وانا مش هلومها لو مخها كده لكن الومها انها تكلمنى بالطريقة دى
ولولا انها وقفت جنبى فى كذا موقف انا كنت رديت عليها وخدت حقى بس كنت هاخد حقى على حساب العلاقة
بس بعد ما فوتت الموقف حسيت انى متغاظة برضه وعايزة احكى بس بصراحة لما شديتوا عليها حسيت انها متستاهلش العنف ده لأنكو برضه شايفين جزء من شخصيتها مش لطيف لكن فيها حاجات تانية كويسة كتير
وده فكرنى بحكمة دايما اسمعها مع انها بره الموضوع
لما اتنين متجوزين يتخانقوا ميحكوش لأهلهم لأنهم هيصفوا لبعض وينسوا عشان فى بينهم حاجات حلوة لكن الأهل هيفضلوا فاكرين للأبد
وشكرا لكل حد رد على وهدى اعصابى