هو اللى يشترى من الsale يبقى مش class ?

**azmeralda** · 24-08-2010 11:31 PM

صاحبتى دايما تشترى من naf naf انا مش مهتمة بالماركات فلى الملابس انا بهتم بالجودة
ايه معنى اشترى تى شيرت من اى ماركة ميسواش 20 ج ب 300 ج لمجرد الأسم
انا ممكن اشترى ماركة فى نظارة الشمس فى الموبايل فى الحاجات اللى شايفة انها تفرق
كمان انا بهتم بالعروض فى السوبر ماركتز هنا فى المنصورة يبقى عوض الله والوكالة ومترو لما يكون فى عرض كويس الحاجة تاريخ صلاحيتها مفيهوش مشكلة ونفس الجودة وسعرها فارق جدا يبقى انا كده غلطانة ؟؟؟؟؟؟؟؟!!!!!!!! كمان فى محلات بتعمل sale الجيب التركى فى العادى ب 300 ج واكتر بتنزل ل 100
لما بشترى هى بتقولى انت اشمعنى شارية دلوقتى عشان ال sale ؟ مع انى بشترى طول السنة عادى وهى عارفة كويس انى شارية قبل الأوكازيون بشهر حسيت انها قاصدة بالكلمة دى معانى تانية

**ashrafsadany** · 24-08-2010 11:39 PM

ناس مش كلاس خالص قال سيل قال دا غالبآ بتبقى هدوم مقطعه وممكن تكون ملبوسه قبل كده
يا ستى متشغليش بالك وسيبى الى يكاكى يكاكى وعلى رأى المثل الى معاه قرش محيره يجيب كلاس ويطيره

**أحمد كمال** · 24-08-2010 11:44 PM

فيه ناس عقدتها النفسية هي المنظرة بالغلاء .... و دول اللي اصحاب سلاسل المحلات دي بتلعب عليهم .....

يعني مزاج عندهم انهم يشتروا الحاجة عشان يقولوا دي بكذا

واحدة صاحبة مراتي قالت لها المطبخ جايباه من (.....) ب 30 الف جنيه

جوزها قال لي - ماكانش يعرف ان مراته قالت لمراتي - انه كان حاجزه ب 25 و اما اتاخروا و عملوه بدرجة لون غير المتفق عليها و رفض يستلمه (بس كانت درجة حلوة برضه) نزل معاهم ل 18 الف ...... يعني الهانم بس عايزة تفرد على مراتي !!!

الرجالة على فكرة بتتمنظر على بعض بالرخص مش بالغلا يعني الحاجة اللي ب 1000 لو واحد جابها ب 600 ده يبقى اصيع اصحابه و دي حاجة كويسة ان الواحد يدور على السلعة نفسها او احسن منها بسعر ارخص يعني better value for the money أو more bang for the buck ! .....

و في امريكا كده برضه يعني البحث عن احسن سعر شطارة مش بيئة .... سيبك منها دي محدثة نعمة ..... اما اوفر و اجيب حاجتين بدل حاجة او اوفر فلوس لحاجة تانية او حتى توفير في المطلق أحسن 100 مرة من اني اشتري الحاجة ب (س) من الجنيهات عشان اقول ان سعرها (س) .... البنت او الست العاقلة تدور على الارخص بنفس الجودة مش تدور عالاغلى عشان تتمنظر

**artyboy** · 24-08-2010 11:50 PM

بصى حضرتك فى ال seasons فى برلين كان فى مول كبير أوى هناك لو تسمعى عنه أسمه c&a بيعمل sale لو تشوفى الناس هناك بتعمل إيه مش هتصدقى ده فى ناس بتبات من قبلها فى الشارع و ناس كبيرة مليونرات و دكاترة و شباب صغيرين ومهاجرين و أول ما بيفتح المحل بيحصل هجوم بالذات فى قسم الملابس و كلهم بيبصوا على أنها فرصة مش عيب أبدا أنى أوفر بدل ما أجيب الحاجة ب 100 مارك (طبعا ده كان زمان) تجيبيها ب 20 مارك يبقى هو كده كسبان طيب ليه يفوت الفرصة دى إما بالنسبة لصاحبة حضرتك أعتقد بس أنها بتحاول تغيظك شوية يعنى غيرة بنات من بعض مش أكتر فا كان ممكن تردى عليها برد من ردود البنات إللى أنا بصراحه ما عرفاهاش

**أحمد كمال** · 24-08-2010 11:50 PM

المشاركة الأصلية كتبت بواسطة ams

يا ستى كل واحد يتبقى ليه حاجة معينة و بيلبيها
مثلا فى الملابس
ممكن واحد عاوز حاجة تعيش
او حاجة شكلها حلو
او حاجة مريحة
او حاجة ماركة
او حاجة تمنها غالى-هو عاوز يدفع
او حاجة مصنوعة فى بلده
او حاجة مش مصنوعة فى بلد معين
او حاجة مش محتاجة كوى
او حاجة لغرض معين
او حاجة تجمع حاجات من اللى فوق
كلها حاجات و بنلبيها و ده اساس التسويق و بعده التصنيع

اما بقى الحكم على الناس من ماركة الهدوم او المظهر كأساس
فعن نفسى الناس دول ميلزمونيش فى اى حاجة
و اللى بيقول اى حاجة خلية يقول مش هصغر له و اسمع كلام فارغ
المهم انى راض و مش بغضب ربنا

المصيبة بقت اكبر و الناس بقت أكثر سطحية .... العملية ما بقتش عملية هدوم ..... العملية بقت الهدوم بكام !!! يعني نفس الهدوم هي هي بس جاية في sale تبقى بيئة ! يا خبر اسود يا جدعان الناس دي محتاجة عمرة في دماغهم المفوتة دي

**phantom0xx0** · 25-08-2010 12:01 AM

لما تقولك كدة ، قولي أكيد

أنا برتب سفريتين من سفرياتي برة مصر على ال-sale بتاع الشتاء و الصيف.......... quality أحسن و أسعار أرخص بكتييييير ،

**yoko** · 25-08-2010 12:05 AM

كبري دماغك منها ده انا الأساسي أنزل أشتري في الsale بالذات إن في السعوديه الsale بيوصل ل70% يعني لسه مشتري تي شيرت كابا سعرها المفروض ب300 ريال وخدها ب60 ريال!!!
دي شطارة وذكاء مش بيئة!!!

" إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا" الأية 27 من سورة الإسراء.

(وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ) (31) سورة الأعراف
وإن الواحد بيشتري في التخفيض ده أكبر دليل إن الواحد بيبعد عن الإسراف

**FunnyMickey** · 25-08-2010 12:39 AM

انا بقي مبشتريش تيشيرتات غير اما الاقي محل عامل ال4 تيشرتات ب100 جنيه مثلا
ايه المشكله يعني
التيشرت يبقي مكتوب عليه 125
والاقيه في العرض
مشتريهوش

طب اقولك علي حاجه
خالي نزل اشتري من محل تيشرت لاكوست مش عارف ب200 وشويه

وانا مروح دخلت محل كان عامل sale
اشتريت لاكوست بردو ب60 جنيه

تاني يوم رايح الشغل
لقيت السواق بتاع الشغل عندنا جايبها من الوكاله ب30 جنيه

حطي التلاته جمب بعض
ولا تفرقيهم

حيبان امتي
من الغسيل بقي والكلام ده ماشي انا معاكي
بس معلش يعني
ارميها وهات شكل تاني واسمك غيرت ووفرت

ساعات ابقي ماشي في رمسيس رايح الشغل
الاقي واحد فارش بجزم كده
استغرب جدا جدا من شكلها

زي اللي في المولات اللي عندنا في مدينه نصر
واشتريها والله وعادي الجزمه بتعيش وقشطه

جوز اختي بقي كييف ماركات
اديداس ونايك والكلام ده
وعادي كنا بنجيبله حاجات هدايا من اي حته
بس تكون شكلها اصلي مش حاجات العتبه

وتتحط في شنطه اديداس او نايك تكون عندنا

والعمليه قشطه وموز
وبيشربها

هيا الناس دي متجيش غير كده
:) :) :)

-

الموضوع: هو اللى يشترى من الsale يبقى مش class ?

LinkBack

أدوات الموضوع

عرض

-

-

-

-

المواضيع المتشابهه

إللى يشترى الريجاتا يبقى اشترى العتبه الخضرا... دعوه مفتوحه للنقاش

اللى ناوى يشترى ساجا يتفضل

كل اللى ناوى يشترى الساجا بس مقلق ... أدخل وقول ايه اللى مقلقك.

عربية بعشرين وعايز فية 120 الف مين اللى يشترى

الكلمات الدلالية لهذا الموضوع

المفضلات

المفضلات

ضوابط المشاركة