معقولة مركز الصفا أي كلام؟ بالله عليك دلني على بتاع كاربيراتير فاهم ، أنا مش ناقص أي عكاك يشتغل في العربية
المركز ده أخباره ايه؟ نظيف؟ هو ورا أولاد رجب اللي في مصطفى النحاس؟
عرض للطباعة
اركن العربية و فك الكاربراتير و خدة معاك و انزل شبرا
عند سينما شبرا مصر بعد الدوران اول فتحه شمال فيها ورشة الحاج ابراهيم بتاع الكاربراتير
حاياخد الكاربراتير يومين و تستلمة زي الفل كأنة جديد
تعرف قهوة ليموزين
اللي ورا اولاد رجب اللي في النحاس قبل السراج بشوية
جنبها فية فرن عيش اسمة البستان و جنبة ورشة المهندس مصطفى فايد
كويس قوي بس غالي حبتين بس ناس محترمة محترمة فوق الوصف
تشكر يا باشا وربنا يسهل ويطلع المركز ده كويس معايا.. بيشتغلوا في العفشة؟
عفشة انزل 4.5 اول طريق السويس بعد شل خش يمين قبل الجامع
و بعدين اول شمال لاخر الشارع فيمين تاني و 100 متر تلاقي ورشة الاسطي سعد
يلم العفشة تمام و برخص التراب و مضمون
أنا بصلح عنده دايما على فكرة... راجل عشرة على عشرة ، بس اليومين الآخرنيين دول (في رمضان) مابقاش موجود كتير والعيال اللي عنده بس هم اللي بيشتغلوا دلوقتي.
على العموم شكرا جزيلا ليك وإن شاء الله هبلغ حضرتك بالنتائج..
هكشف على الاسبراتير الأول عند الميكانيكي وبعدين أبقى اشوف موضوع الكاربيراتير بعدين.
لا ياراجل
هههههههههههه
انت تعرف سعد عفشة ههههههههههههه
ماتوقعتش ان حد هنا يعرفة غيري
انا باتعامل معاه من ييجي 20 سنة من 91 او 92 تحديدا
من ايام ورشتة اللي كانت جوة الحارة
والله دايما اللي عنده ضمير ربنا بيكرمه آخر كرم... فعلا راجل عنده ضمير وأمانة ومش طماع... تخيل بيحل المساعد ويطلب 10 جنيه :d
أنا بتعامل معاه من حوالي سنة تقريبا... بس الحتة اللي هو فيها دي زباله قوي... المكان كله تراب وعفرة ، الصراحة أنا بكره نفسي لما بروحله