الموضوع: صوت تخبيط مع الفرامل كورولا 2004

بدام مافيش رجه فى الفرامل يبقى مش الطنابير
وبالنسبه للتخبيط روح مركز صيانه متخصص فى العفشه
بس انا فى رائى جرب تربط العفشه وتظبط زوايا قبل ما تعمل حاجه وبعدين خلى بتاع الزوايا يكشفلك على المقصات والجلب بتاعتهم وتربط على كراسى الماتور ( كلها اجراءات صيانه وممكن العيب مايتحلش بس اهو صيانه )
تالت حاجه لو عربيتك فيها abs يبقى اكيد منها هتلاقى السنسور عليه وساخه او الفرش بتاعت الabs فيها كسر او مش بتاعتها

بس هوا عاما ممكن يكون من السوست تانى بس العفشجى ماركبهاش كويس فى المره الاولى ففلتت تانى

شكرا يا استاذ عاصم على النصيحه وجارى العمل بها

ايه يا جماعه 8 مشاهدات و رد واحد فىن رجاله تويوتا

المشاركة الأصلية كتبت بواسطة abdo_eldesokey

بص يا باشا .. المشكلة دي كانت عندي بالظبط في الكورولا 2003 ، ولفيت على كل العفشجية ورحت التوكيل ومفيش فايدة

لحد ما عشجي حلها في الآخر بفضل الله ، حضرتك هتعمل كالتالي :

1- شوف صاجة التيل ، ودي حتة صاجة بتبقى ماسكة التيل ، لو فيها مشاكل غيرها

2- شوف الكاليبر بتاع الفرامل لو المساميل أو الكاوتشات بتاعته مبوشة

3- اتأكد إن التيل راكب صح ، يعني مش مقلوب

4- آخر حاجة ودي الي طلعت السبب عندي ، إن الصرة بتاعة العجلة كانت مفكوكة قبل كده ومتركبة غلط ومعضعضة ، والحل كان تغيير جزء اسمه "الشمعدان" وده الي بيبقى راكب فيه العجلة ، أنا جبته استيراد بـ 600 جنيه ، الكلام ده كان من سنتين ، والحمد لله الدنيا ماشية زي الفل لغاية دلوقتي

وبالتوفيق إن شاء الله في إيجاد حل لمشكلتك

انا حاسس انو اخر حل لانى نت فتره كنت غيرت البليه اللى ناحيه العجله اللى بيحصل فيها الصوت فممكن يكون من كده
وعلى العموم انا شاكر جدا لحضرتك وعلى حسن تعاونك معايا

المشاركة الأصلية كتبت بواسطة brainstorm

أنا واحد صاحبي كان حصل معاه كده في تويوتا 2002 ولقى ن السمك بتاع التيل (الجزء اللي مش بيفرمل ) كان أقَل من الطبيعي ب 2 أو 3 مم فلما التيل ابتدى يتاكل, العيب ده ابتدى يظهر.
ممكن ده يطلع العيب والله أعلم

انا شاكر لحضرتك جدا وعلى تجاوبك معايا مع العلم انو مش نفس نوع عربيتك ولكن راجع ان حضرتك لم تبخل علينا بالمعلومه