انا عايز اعرف رأيكم في موضوع تركيب فلتر رياضي و هل ليه أضرار ولا لا
هل حد سأل في التوكيل قبل كده علي الموضوع ده؟
عرض للطباعة
انا عايز اعرف رأيكم في موضوع تركيب فلتر رياضي و هل ليه أضرار ولا لا
هل حد سأل في التوكيل قبل كده علي الموضوع ده؟
الموضوع ده اول مره يطرح اصلا اول انا بالنسبالي اول مره اشوفه
بس عموما فلتر الهوا بتاع العربيه كويس و بيخلي العربيه تسحب حلو و مش خانقها
لو حضرتك تهورت و ركبت فلتر رياضي ابقي قولينا بقي او اعمل موضوع تقييم و كده
و متابع اذا حد عنده معلومه
انا مع استاذ وليد فى اللى قاله , الفلتر الهواء ده بيعطى عزم قوى للعربية كمان بس بيكون على حساب اكيد استهلاك البنزين
بصراحة انا ضد ادخال اي جسم غريب في العربية من حيث الميكانيكا بالذات و اعتقد ان انا قرأت في المنتدي من فترة بس فين معرفش ان الحاجات ديه بتقلل من عمر ماتور العربية و شكرا
انا معاك برضه ضد ادخال اي جسم غريب في العربية بس موضوع الفلتر الرياضي اولا بيزود حوالي 10 حصان ميكانيكي يعني العربية تبءي 128 حصان بدل من 118 دي نقطة
النقطة التانية انك برضه هتسوق نفس السواقة و هتريح الموتور و مش هتقرص علي العربية الا يعني في بعض الاوقات البسيطة اللي الواحد بيكون عايز يجري فيها و اهو برضه قوة اضافيه للموتور
انا هبءي اسال في التوكيل علي الموضوع ده و هشوف رأيهم ايه و هل ليه ضرر ولا لا.
سؤالي لحضرتك ده هو اللي هيحدد اذا كان هتحط الفلتر او لأ ...
هل حضرتك هتزود سرعتك عن 90 علي الطريق مصر اسكندرية الزراعي
هل حضرتك هتزود سرعتك عن 100 علي الطريق الصحراوي او الطريق الدولي
هل حضرتك هتزود سرعتك عن 110 علي طريق الغردقة او شرم
معتقدش ان دلوقتي الفلتر هيبقي له لازمة بالذات انه ممكن يأثر علي الماتور و العربية حضرتك بتنزل ستاندرد بالامكانيات بتاعتها
و اي خدمة
متابع
علشان الفكرة دى فى دماغى من فترة
انا عن نفسي يا استاذ mony10 شايف ان العربية النيسان عمرها ما خزلتني ابدا ابدا علي الطريق اياً كان بتستجيب معاك فور ما تدوس علي دواسة الاكسلاتير و علي العموم جرب و قولنا و لو الموضوع طلع كويس و مش هيضر العربية في حاجه يبقي انت ضفتيلنا معلومة ممكن نستفيد بيها بعد كدا و شكرا