ماذا تعرف عن العاصفة الشمسية ؟

**رزق** · 26-08-2010 03:45 AM

وعلى أساس اللي أنا قريته في الموضوع ده قبل كده إن طول السنين اللي فاتت كان في عواصف شمسية مش حاجة جديدة..
وهو احنا عايشيين

**Ahmed Samy** · 26-08-2010 03:52 AM

يعني احنا في التمام

كل المشاكل دي موجودة في مصر فعلا

**رزق** · 26-08-2010 04:04 AM

واللي عايز يعرف زيادة في الموضوع ده انصحه بسلسلة Wonders of the solar system
ولو معندوش وقت كفاية أول جزء Empire of the sun
ده فيه كان طلع مش فاكر السويد أو حاجة كده عشان يصور المشهد الاخضر الرائع ده بتاع الاورورة Aurora
أصل مابتظهرش غير في وقت معايا في السنة على حسب ما أنا فاكر وبتظهر أحسن حاجة عند القطب الشمالي.

**aly_hosny** · 26-08-2010 04:17 AM

ال انا قريته من فترة عن العاصفة الشمسية المزعومة انها من العواصف الكهرومغناطيسية
يعني مش عاصفة هوا وتراب واعاصير وجو حر
لا دي عاصفة هتدمر كل الالكترونيات "المواد شبة الموصلة" ودا ال هيضرنا مش العاصفة
لان هما قالو ان 15 % بس من سكان الارض ال هيقدرو يعيشو من غير كهربا "ودول معظمهم عايش تقريبا من غير كهربا"

بس طبعا ناسا كدبت ان فيه عاصفة شمسية هتحصل
بس التاثير دا صحيح

**Mzeid** · 26-08-2010 04:24 AM

و الله يا جماعة اللي أعرفه أن العواصف الشمسية دي بتحصل من زمان و مش حاجة جديدة
و يعني العواصف الشمسية مش زي اللي بيحصلنا في مصر دة الشمس لو زارتنا في مصر هتبطل تعمل عواصف تاني
المهم كمان فيلم 2012 كان فيه فيلم تاني رد عليه و على كل الادعاءات اللي فيه و فاكر في الفيلم قالوا ان توقيت المايا خلص عند 12 12 2012 زي ما أي حد عنده نتيجة و بتخلص عند يوم 30 12 من السنة

و ربنا يحمينا و يغفر لنا و يغفر لنا بإذنه تعالى يوم الحساب

**pro_samir** · 26-08-2010 04:56 AM

سمعت عنها ومعنديش فكره

بس كان في حديث من الأحاديث اللي بتتكلم عن أخر الزمان ان الدنيا هتتدمر والناس هترجع للخيول والسيوف ، ولا أعرف مدي صحه الحديث لكن في حاجات كتير ممكن تحصل تتسبب في كده زي ما ممكن الأحتباس الحراري يرجع بلاد العرب مروج وأنهار بدل الصحرا كما في أحد الأحاديث برضو